Wp/nia/Fangaoha Noro Sabua

From Wikimedia Incubator
< Wp‎ | niaWp > nia > Fangaoha Noro Sabua
Jump to navigation Jump to search

Fangaoha Noro Sabua[edit | edit source]

Möi ba luaha niha, darua. Loyo ba Salima döira, eu galitö norora. Faoma abua norora, ba lö faoma wa’asökhi dödöra. Kumökömökö Loyo, imane: “wa’erege dödögu, tenga si nangea fa’abua noro da’e”. Ba no ma’iki Zalima, molau khokho ia. Ba itema mofönu Loyo, imane khö nawönia: “he moroi khöu wa’iki andrö? Niwa’ögu, abua göi norou ba lö göi abölö ndra’ugö moroi khögu”. Imane Salima: “so khögu daludalu, na öfake da’ö, ba tobali aoha noro sabua. Gofu heza möido, ba u’ohe daludalu andrö, ba i’ila sökhi dödögu ba lo ufatoutou wa’erege dödö”.

Imane Loyo: “tola na atö da’ö le! Ombakha’ö khögu göi daludalu andrö, ni’ohe fangaoha noro sabua”. Imane Salima: “ha ŵaraö falukha ita daludalu si manö. Ba tola sa ena’ö dozi niha sokhö ya’ia. Da’u’ombakha’ö khöu döi: fanaha tödö döinia. Gofu hadia ia nibayabayada sabua, ba tobali aoha, na tataha dödöda, ba he meziŵa abu dödöda ena’ö, ba molala zui dania”.