Wp/mwv/Turuk ka Mentawai
Turuk Mentawai
[edit | edit source]Turuk mentawai iate tarian tradisional ka Mentawai, Turuk ka Mentawai rakuana tarian pasiakek angkat baga, Turuk rarubei dua iate Turuk Sikerei samba Turuk Simata. Turuk Sikerei itarian aken na khusus Sikerei kanak Turuk Simata moi itarian aken na sirimanua biasa. Turuk Sikerei samba Turuk Simata gerakan na makerek leuk, kalulun gerakan tarian ratut sibabara kapolak, tak namakerek lek jam samba rabara aken turuk kanak bara punen, kanak rabara aken punen utekna ia te Sikerei. Turuk kabagan punen Adat ratarian aken na kaketcat simabesik elek ketcat bagei kabekbekra iobak simagre simabesik tak iagalak aken tubu. Kabagan putoneman baganda ka Mentawai kanak bara tak masanang simagre ibailiu besik tubu, iobak imasanang simangre muturuk sikerei iobak simagre toili incak imasanang samba tubu simabesik maale.
Gerakan Turuk
[edit | edit source]Gerakan turuk raairam akena makerek rapakereki makerek purimanuaijan bajet ka leleu. Gerakan nek rakuana uliat, kabei samba tubuh sipukerei rapakereki abe ikarajo aken bajet kaleleu. Gerakan tanda rabetu aken katogo ibailiu leuk khas turuk, kabeberen gerakan ka Turuk sibara katokoloban. Turuk Uliat Manyang sialak karere itiboi aken piligi igaba ibana, dua piligi iapasarabi sambek iba reuna rapamatei lepak paobak sia incak, rakau parubei incak en iba sipasarabinda kalulun pamatei enda tak maeruk. Turuk bagei iate uliat ratiboi aken paraboat bilou kaleleu, kanak maeruk manua igerei baga bilou kanak tak maeruk manua tak maangkak baga bilou. Katarian nek ratiboi aken kalulun polak nek iate puangkakat baga. Kaberen sipurimanua kapolak. Kanak pesan isegek aken uliat kemut iate indak sambek inan kemut igaba kan tatogana samba ipupalik sia makerek sirimanua ipupalik tatogana. Maigi peuk turuk ka mentawai itiboi aken purimanuaijan binatang samba bara pesan ratiboi aken kabagana. Misalna uliat gougou, uliat piligi, uliat laggi-laggi, uliat ngorut, uliat sipalalau samba uliat sipuepa.[1]
Turuk laggai tiboijen sibara kamasyarakat ka Mentawai karajonda siburuk iate murourou kalulun ia en ratut gerakan tarian, katokoloban tarian enda iate lulun pasilanggek simabesik, Turuk Laggai nek termasuk ia kabagan tarian kelompok kalulun tarian nek telu sirimanua kabagana, katelu sirimanua bek ia te sikerei, punen pasilanggek nek rabara aken na iate si soibok. [2]
Referensi
[edit | edit source]- ↑ Hernawati s, Tarida, 2007 UMA fenomena keterkaitan manusia dengan alam, Yayasan Citra Mandiri
- ↑ https://jurnal.unimed.ac.id/2012/index.php/gesture/article/view/871