Wp/mwv/Tradisi Pasitoinong Sot
Tradisi pasitoinong sot iate pasitoinong sot ra sikolui ka Suku Mentawai, nek rakuana simbol eruk elek galai tubu sikolui mentawai. Ka bagan tradisi nek sot ratoinong aken igina iate iali 23 sot, sambek sot enda reuna iate pasitoinong ra toinong aken na iate iali 30 menit. Proses pasitoinong aken sot nek rakuana mabesik kalulun atak agot pasikurangi besik , ka mentawai sikolui itoinong aken sotna ia te simaniu. [1]
Tradisi pasitoinong sot nek barana siburuk, kanak tapatuna sikolui ka mentawai tak maniai besikra ratoinong aken sotra. Sibara sikolui ka suku mentawai nek raharus aken sia ratoinong aken sot ra kalulun kanak aratoinong aken nan sotra rakuangan si simaniu. Kanak mapalik matoinong sot ra nek rakuana mapalik galai tubunda, kalulun alas an en sikolui ka mentawai raimok aken pek nek tradisi pasitoinong aken sot ra. Tradisi pasitoinong sot nek rabeteina akan en sikolui indak an ia mu talimou, alas an bagei ratoinong sotra indak leuk bagei putoneman baganda tubu samba leuk simmagre ma seimbang. Ka mentawai nek sirimanua indak 2 wujud ra wujud enda simaggre samba tubu kanak tak raobak putubuanda bara besik katubunda.
Proses pasitoinong sot nek tak moi sembarangan sirimanua ibeteina, pasitoinong nek ibeteina iate sikembukan adat suku mentawai, alat rapakei iate papaet raasa teret marauru. Kanak indak imulai sikembukan adat pasitoinong sambek sot iali 30 menit na atak sia muari.iobak iagai Pasitahan besik rakau tampienda bagok simata samba makelak. Kanak aralepakaken nan sambek sot sikolui mentawai tak mareu rapuari lepak en rakau incak riuriu aken pasitoinong. tradisi pasitoinong sot nek atak an leuk rabetei sikenek. [2]