Wp/mwv/Tato Mentawai

Tato Mentawai elek tiktik iate surat tubu kasuku Mentawai,  tato nek maeruk kalulun rabeteina kabeberen tubu, barana ka utek pak aili katandak. Ka Mentawai tato rakuana iate tarimeu teret buruk pak aili kamateijanda elek tato Mentawai nek iabiliu ia karya seni sipakeina teret purimanuaijanna. sipasitato kamentawai nek rakuana iate sipatiti , Tato ka mentawai  nek fungsina pasiairam aken status sosial ra. Seni mu tato rabeteina tak makerek eki kasasareu,  tinta tato rapakei iate sikaisusuan  lepak rakau galuk aken pasamba oinan kole. Jarum rapakei mutate iate rui lepak en rui nek rakau sua aken ka tinta sikaisusuan  rakau tato tubunda raikuti motif sibeteira. Tato mentawai nek  iate identitas ra iobak  iagai rabeda aken sia ka patandekan bagei.  Motif tiktik rabetei katubunda iate sibara katokoloban, tiktik nek ikua aken kabaraijanda, status sosial samba rakua aken agaira murourou.

Katokoloban tato

Motif tiktik rourou samba togan silogui , katokolobanna kalulun orang mentawai karajonda iate masigaba iba, matan silogoi rapakei jen racun iobak imatei ruei iba sipananda, simaalak iba rabetei leuk tiktik katentenda kanak bara sainak simaliak sipananda. Makerk leuk kanak rapana bilou samba tholak rabetei leuk tiktik kabagian baganda. Kanak maigi tato rabetei katubunda sirimanua bagei rasegani leuk sia. Tato kasikolui tak makerek eki kasimanteu kanak ka sikolui titik kabagian tentenda iate subba, katokolobanna sikolui karajonda iate masigaba iba ka sopak rapakei subba. Rui rotan iabailiu leuk motif tiktik kabgian kabeira kalulun rotan nek masun rapakeina ibailiu uam samba roigen.  Boboina atak peuk paku rotan nek ibailiu te pasikabek umanda ka mentawai. Kabagian teitei kabei indak motif tiktik makerek kakabli, simbol nek katokolobanna iate simaalak iba rapasikabli kasopak samba leuk kalaut, katokoloban bagei tiktikkakabli iate maom baga masigaba purimanuaijan. tato ka mata simbol obe, gorotna barana ka meimei melengkung pak aili ka loi. sibara motif tegle tak rapakei sikolui ka mentawai. tiktik ka bampa rakuana motif balagau, motif nek ipakeina simanteu lek, katokolobanna iate togo uma. lepak en tiktik kateitei oni na ia te serepak katokolobanna ia iate pasiimbang aken samba simabijaksana pasialak keputusan.