Wp/mwv/Suku Mentawai

Suku Mentawai

Suku mantaoi iate sipulelek kapulau mentawai makerek suku nias kau suku enggano, sia iate sirop arat langgai sipulelek kasairi baratka kepulauan nusantara.

Telu pulau ka kepulauan mentawai, pulau siberut, pulau pagai utara samba selatan pulau sipora. Pulau siberut iate pulau sabeu samba maigi rapulelengi samantaoi. Tradisi kasra samantaoi iate mutato, ratato kabeberen tubunda, tato enda sibara katokolobna.

sejarah

suku mantaoi (indak rakua mentawei elek mentawi) iate sibangkat langgai ka kepulauan mentawai. + 100(sangotu) mil barana kanprovinsi sumbar, indonesia. Galaijedda iate murourou, tak malelek sia kasambe pulanggajan.

Demografi

suku mantaoi arapatuna indak 64.000 suku. Suku mantaoi, eki silepak surat kabaraijanda ka nias - pulau ka utara - ka kepulauan mentawai. Piga pek rurana murimanua sia simununda lek, atak sioiaken teret ka rura 1621 araserang sia belanda. Ngangan mantaoi moi taguruk akenna ka ngangan austronesia.

Kondisi Sosial dan Ekonomi Masyarakat

Purimanuaijanda sipupelek ka mantaoi iate masikarajo/masipupalik sibara kapolak. sipulanggai simarek ka kecamatan rapulelek karaik tubun oinan samba purimanuaijanda iate mutani, muladang. Rapanguremi bebegen, sagu, toiten, samba nilam. Sabagei pasigaba iba kasopak, murourou kaleleu, samba leuk masipupalik sainak, mumanuk.

Masyarakat mantaoi ragaba bulagan rapakei pasisaki kebutuhanda senen gogoi, rasaki gulo, berak, kopi, rokok samba leuk minyak tanah, bulagan sigabanda rapakei leuk pasibiayai tatoganda sipusikolah. Kabaraiajan bulaganda iate rapasaki ugei, sagu, bebegen,nilam samba kopra. Ramamfaat aken leuk loingak samba bakat masibetei uma samba leuk abak.

Agama

Arat ka mentawai iate arat sabulungan. Matonem baganda kaberen sibara kapolak indak ketcat samba simangre. Kanak tak rapupalik kau tak ratutu simangre matonem baganda simangre moi iakek purimanuaijan tak maeruk, raalek bolo samba tak masanang purimanuaijanda. Samanataoi maron tonem baganda katarimeu indak ketcadda. Rakua samantaoi surat tubunda tasikolui makeleiansia raparauru sotda, rapatu iobak ramaeruk. Samantaoi murimanua sia simakerek pasamba polak kabebekra kalulun matonen baganda kabeberen sibabara kapolak indak ketcatra.

Masarakat mantaoi siburuk matonem leuk baganda kasikerei, rapatu sikerei sibara puagaijan, simaron samba simaraik ka ketcat punu teteu siburuk. Sikerei kamasarakat mantaoi iatemasibetei agot samba sipasiale aken simabesik.