Wp/mui/Sél

From Wikimedia Incubator
< Wp‎ | mui
(Redirected from Wp/mui/Sèl)
Wp > mui > Sél

Sél diterjemahke make ilmu biologi retinyo iolah sikok unit idup paléng kecik, galak disebót pulo sebagé bahan penyósón keidupan yang pacak beréproduksi secaro mandiri. Sél punyo komponén-komponénnyo déwék yang dinamoke dengen organél sél. Itu ado di sitoplasma, bagian sél yang asalnyo dari larutan éncér (sitosol), yang dibungkus samo membran plasma. Secaro umum sél punyo ukuran diaméter mulak'i dari 1 sampe 100 µm (0,001–0,1 mm), singgonyo cuman pacak dijingok dengen alat bantu mikroskop.

Ado banyak makhluk idup yang cuman kesósón olé sél tunggal (organisme unisélulér) contohnyo baktéri, archaéa, samo sebagian besak protista. Tapi ado jugo yang multisélulér (makhluk idup yang punyo banyak sél) contonyo iolah termasók tumbuhan, hewan, beberapo jamur, alga abang samo coklat. Sél paléng kecik yang dikenal olé manusio iolah baktéri Mycoplasma dengen diaméter 0,0001 sampé 0,001 miliméter sedengke salah sikok sél tunggal yang pacak dijingok secaro kasat mato iolah telok ayam yang belom dibuahi.

Sél yang punyo fungsi yang samo dikelompokke jadi sikok jaringan, dari sekómpólan jaringan tadi kebentuk la organ, terós ngbentók sistem organ sampé jadila bagian dari sikok tubuh organisme.

Pembelahan sél[edit | edit source]

Pembelahan sél jadi duo bagian pacak be terjadi kalo ado cókóp nutrisi. Aman di organisme multisélulér, dio pacak tumbuh bekembang keno ado pembelahan sél tadi, selaén itu jugo pembelahan sél pacak untuk gantike sél yang suda mati apo dak rusak.

Prosés pembelahan sél di sél prokariotik cuman biso léwat pembelahan binér. Sementaro aman di sél eukariotik prosésnyo betahap, ado beberapo caro tergantóng dari peran inti sélnyo. Di fase mitosis misalnyo, prosésnyo iolah meréplikasi atawa bikin kembaran kromosom terós ngasilke duo inti yang samo (identik), persiapan untuk pembelahan sél kagék. Pembelahan sél dengen caro mitosis gunonyo untuk pertumbuhan badan kito. Sementaro kalo léwat caro méiosis, biasonyo untuk ngbentuk sél telok samo spérma, olé kenonyo sel di méiosis ini bawa sifat unik yang béda dengen induknyo, akibatnyo manusio punyo bentók fisik samo sifat biologis yang béda-béda dengen individu laén.

Prokariotik[edit | edit source]

Sél prokariotik idak punyo nukleus pecak sél eukariotik, dio jugo punyo organél sél yang lebéh sederhano daripada sél eukariotik. Dikenal sebagé procytes atawa protocytes. Makhluk idup dengen sél prokariotik dinamoke prokariota. Secaro umum besifat unisélulér, pembelahan sél make caro pembelahan binér, kromosom ngelingker longgar di sitoplasma, ukurannyo antara 0,5 - 3 mikrométer.

Prokariota dicireni olé macem-macem jenis fisiologis samo ékologisnyo. Beberapo diantaranyo pacak betahan malah sampéke kondisi ékstrim (kiro-kiro kuat sampé di suhu yang lebéh dari 100°C); lingkungan masam yang kadar pH-nyo antara 1-4; samo di tempat yang punyo tekanan tinggi (1000 bar). Banyak diantara prokariotik idup secaro parasit, simbiosis atawa saprofit, beberapo jugo punyo sifat patogén (penyebab penyakét).