Wp/mui/Pelémbang

From Wikimedia Incubator
< Wp‎ | mui(Redirected from Wp/mui/Pelèmbang)
Wp > mui > Pelémbang

Pelémbang
ڤليمباڠ

Flag of Palembang City.png Palembang CoA.svg
Lokasi Sumatra Selatan Kota Palembang.svg
Negaro Indonésia
Luas Wilayah 400,61 km²
Penduduk 1 668 848 ab. (2020)
Jerambah Ampéra, penando kuto Pelémbang.

Pelémbang (huruf jawi : ڤليمباڠ) itu kuto paléng besak di Sumatera abés Medan, dengen banyak penduduk 1,8-an juta wong. Pelémbang pulo kuto utamo dari Sumatera Selatan di Indonésia. Besak daérahnyo itu 400 km². Kuto ini pulo kuto paléng tuo di Indonesia. Kuto ni ditetak duo oléh Sungi Musi yang ngalér dari Bukét Barésan sampé ke Selat Bangko. Palembang jugo kuto paléng besak kesembilan di Indonésia abés Jakarta, Surabaya, Bandung, Bekasi, Médan, Tangerang, Dépok, samo Semarang, jugo kuto paléng besak ke-19 di Asia Tenggara.

Penando Pelémbang itu Jerambah Ampéra samo Sungi Musi, yang netak Pelémbang jadi duo: Seberang Ulu samo Seberang Ilir. Kuto ini pulo perna ngadoke acaro olahraga internasional sebesak SEA Games 2011 samo Asian Games 2018, bebarengan Jakarta.

Riwayat[edit | edit source]

Pelémbang bingén pernah jadi kuto utamo Kedatuan Sriwijayo, sikok dari kerajoan ageng di Asia Tenggara. Riwayat paléng bingén yang nyebót Pelémbang pacak diselék dari hikayat Yijing, pendeto Cino abad ke-7, yang nyeritoke amen dio sanjo ke Sriwijayo taón 671 M selamo 6 bulan. Batu besurat yang nyebot Sriwijayo jugo dari abad ke-7, itu Batu Besurat Kedukan Bukit, dengen tanggal 683 Masehi.