Wp/mui/Matoari
Matoari itu sikok namo bintang yang jadi pusatnyo tata surya. Bentuknyo hampér bulat, berisi plasma panas becampur mèdan magnèt dengen massa kiro-kiro 1,989 1 × 10³⁰ kg. Dijingok dari prosès kimiawinyo, kiro-kiro tigo perapat massa matoari berisi hidrogèn, sedengke sisanyo berisi hèlium. Siso massa itu (1,69%, sebandéngan dengen 5.629 kali massa Bumi) berisi élemén-élemén berat pecak oksigèn, karbon, nèon, samo besi. Secaro luas matoari iolah salah sikok bintang di Galaksi Bima Sakti dan jugo ngelilingi sekitaran pusat galaksi.
Aman berdasarke kelas spèktrumnyo matoari diklasifikasike dalam bintang jenis katai kuning. Di luar angkasa sano sebenernyo matoari bewarno potéh, tapi dari permukaan bumi, matoari kejingoan bewarno kuning, jingga atau keabangan keno adonyo penghamburan cahayo di atmosfèr bumi.
Sejak jaman bingèn, matoari suda dianggep olè beberapo peradaban sebagai dewa, terós pengetahuan ilmiah yang lebéh akurat ngenoi matoari lamo-lamo berkembang. Beberapo ilmuwan tesohor di abad-19 dikit-dikit mula'i tahu apo dio komposisi fisik samo sumber tenago matoari. Penelitian ini sampe mak ini ari masih terós bekembang. Ado beberapo anomali matoari yang bahkan belom pacak dijelaske secaro ilmiah.
Prinsip kosmologi awal[edit | edit source]
Dijingok dari Bumi, Matoari kejingokan beputar ngelilingi Bumi, kalo berdasarke sejarah sains gagasan cak ini pena ado dan dipercayoi, yang disebót dengen géosèntrisme.
Sejao yang pacak diteliti, astronom asal Yunani Aristarchus iolah wong pertamo yang punyo pendapat kalu Matoari iolah pusat "kosmos", tapi ajarannyo ini dak diterimo dan banyak wong yang malah lebéh milih ajaran Plato dan Aristoteles. Mereka nganggep Matoari sebagé planet (secaro harfiah retinyo "pengembara") Barula pas di abad ke-18 model heliosentris (matoari sebagé pusatnyo tata surya), pecak yang dijelaske olè Copernicus, secaro umum mulai beguyur diakui.
Ókóran[edit | edit source]
Matoari punyo gares tengah (diameter) 1.392.684 km dengen keidakpastiannyo 130 km. Ini seokoran dengen 109 kali diameternyo Bumi, pacak dikato pulo dengen ókóran segitu matoari jadi benda langit paleng besak di tata surya. Jari-jari Matoari hampér duo kali jarak antara Bumi samo Bulan. Luas permukaan Matoari kiro-kiro 6,1 triliun km², yang seókóran dengen 12.500 kali permukaan bumi.
Jarak ke bumi[edit | edit source]
Jarak rato-rato dari Matoari ke Bumi disebot dengen satuan astronomi (AU); Jaraknyo kiro-kiro nyampe 149,6 juta km. Itu samo be dengen kiro-kiro 8.317 menit cahaya, yang retinyo dibutuhke waktu 8 menit 19 detik njuk sinar matoari biar biso nyampe ke bumi.[1]
Posisi di Bima Sakti[edit | edit source]
Posisi Matoari berado di kiro-kiro 27.000 taun cahayo dari pusat galaksi Bima Sakti. Relatif dengen bintang tetanggonyo, matoari begerak dengen kecepatan 15 nyampe 20 km/ detik ke arah puncak (apex) konstèlasi Herculès. Selaén itu matoari kapan gilirannyo, begerak dengen kecepatan kiro-kiro 220 km/ detik dan ngabiske waktu sekitar 226 juta tahun sekali jalan ngelilingi pusat galaksi Bima Sakti.[2]
Rujukan[edit | edit source]
- ↑ Space.com[1] Diakses pada 17 Agustus 2021.
- ↑ Haris, Peter Townsend. (2019). Mysterious Ocean: Physical Processes and Geological Evolution. Springer. ISBN 9783030156329. Hal 182[2] Diakses pada 17 Agustus 2021.