Jump to content

Wp/mrh/Rev. Reginal Arthur Lorrain

From Wikimedia Incubator
< Wp‎ | mrh
Wp > mrh > Rev. Reginal Arthur Lorrain

Reginal Arthur Lorrain
"Vaili Mahpaw"
File:Rev. Reginal Arthur.jpg
Thâtihpa chhotuhpa nata Mara Châpathaotuhpa
"Mara râh Khaihna Paw"
Born 07 (1880)
London khihpi, England
Died Error: Invalid time. Error: Invalid time.Error: Invalid time.(1880-Template:MONTHNUMBER-10) (Kô −64)
Saikao khih, Mara râh
Feast 26 Thlarâh
File:Rev. Reginal Arthur.jpg
Light Gospel of Mara
File:Rev. Reginal Arthur Lorrain.jpg
The father of Mara Missionary
File:Wedding of Rev. Reginal Arthur Lorrain and Miss. Maud Louise Ulander Lorrain.jpg
Wedding of Rev. Reginal Arthur Lorrain and Miss. Maud Louise Ulander Lorrain

Chhôhkha[edit | edit source]

Rev. Lorrain he Mongyuh râh, England, London khihpi liata a pahrâpa nôvah Pu. James Lorrain nata Pi. Lelwis Hawkins zy sawchapaw seihnai chai pa châ ta, târi 10, Khihpa 1880 liata a pihpa a châ. A pilâhzy cha unawh pathôh nata sietanô pakha a châ. Ama zydua ta pa pangawh ama pha. A paw James Lorrain he Post Master rai Metropolitan London liata a hriapa a châ. A paw James Lorrain lâ tawhta a laichadaipa ta ‘William the Conquerer’ daihti no tawhta riahphapa lymâ dao tyhpa chhôh ama châ. Nôvah aly thei kawpa chhôhkha ama châ. Ama unawh liata uhthei chaipa James Herbert Lorrain he British Baptist Missionary Society tuapa ta Lôlei liata Missionary ta a ypa a châ. Rev. R.A Lorrain he Withriff Grammer school liata Junior Cambridge achu patlôpa a châ. A vaw pitloh tawh pheisaih nata Cowboy raizy he a pahâ khei chaipa a châ. Reithei chhih kawpa Canada nata USA lia kô (4) tlai vaw y. 12, Phiapi, 1906 liata Maud Louise Ullander cha a lahpinô ta a hnei. Rev.Hugh Wallace ta ku a patusa ei. Rev. R.A Lorrain nata Maud Louise Ullander zy cha 18, Thlarâh, 1909 kô liata sawchanô Khohchhih kawpa, Marguerite Tlôsai Lorrain Foxall he ama hnei. Hawti pakha deita ama hnei.

Palôh lia lai chaipa[edit | edit source]

R.A Lorrain he siku hâti a châ no tawh chhaota a palôhru liamarih lia a lai chai tyhpa cha Amazon chyhsazy nata Africa râh liata a pahrâpazy he ama châ tyh. Canada nata USA lia kô (4) tlai vaw chakaona daihti liata a palôh liata a vaw lai chaipa cha “chhâzaw theithlâhna rarôh y ngaitapa su liata chyhsa thysâh hluhpi pasa ama tao awpa he ahy a uasa hlei,” tahpa bie he a châ tyh.

KHAZOPA awna[edit | edit source]

Kô 1902 liata a raihria tyhpa pheisaih nata Cowboy raizy bâ saipa ta London lâ vaw kua lilaw heih ta, a ryhpaoh sala lâpi phapa â pahy khiah tala Râhzohpa lâ sie awpa ta a palôh liata pachâna chôta Mission Socity Py thokhazy hnohta ahawna tao ta, châhrasala a hlaotloh vei! A hlaotloh leipa hnabeidyna ta Kô 3 chhôh London Exchange Company liata a vaw rai hria ta, missionary châ â chhuahnazy bâsai ta lahpinô hnei ta, London lia sôdaohna taopa ta khihsana paryh'pa liahsa â chhuah ha bâ. He bietlyna a tao tawhta rei lei ta târi 1905 Hmypi, 11 noh liata KHAZOHPA awna ao, “Râhzohpa lâ sie awpa,” âsia ngiata ta dao ta, KHAZOHPA ao a theipa cha he he a châ; “India râh chhâna liata a pahrâpazy thâtihzyh roh ta, thâtih bu lia papua teh,” tahpa a châ. A pachâna pahno tu raw leipa ta, a palôh hria kawpa vâta ao a theipa cha a pahno pasiapa vâta chhôhpadâh lâ thlai angiapa ta KHAZOPA hnohta ao a theipa cha ano KHAZOHPA ao tlai a châ khiahtala, Bible bie tawhta pasia awpa ta thlahchhâna ta â haw. Thlah a chhâ khai tawhta Bible thlai pakai ta, Luka 10 : 16 - 20 he a pakai. He châzy hry liata a palôh a hria chaipa cha; châh 16, 18 nata 19 zy he a châ.

Lakher Poinner Mission Paduana[edit | edit source]

Missionary châ awpa ta awna liata â sia t'rawpa ta, India râh lia a hria chachei n'awpa su a pahno pasia leipa vâta Baptist Missionary Society, Lôlei liata Baptist Missionary a hria haipa a uhta James Herbert Lorrain hnohta châ paphao ta, ano chata pho chichhihpa nata Luh la hmâhpa tlâh râh liata pahrâpa, ano yna su tawhta chho lâ liata pahrâpa Lakher pho ama ypa thâtih nata âmo châta [Lwisai] Krizyhpazy ta KHAZOPA lâta Missionary tuapa awpa ta thlah khâ ama chhâ khei tyhpa thâtih chho ta, he châ paphaopa a hmô tawhta cha Lakher pho hnohta Missionary ta sie awpa ta a bietlyna a tao haw. ABEIPA KHAZOHPA tawhta apasia via byuh khao leipa ta awna ao nata hriana su taihta asia ngaitapa ta pahnona a hnei hawpa vâta a palôhru ta thlahchhâna chôta Mara(Lakher) chizy hnohta thâtihpha bie tlôkhei chachei awpa cha khâchâ achhuahna sia ngaitapa hnei hawpa ta Mission Society angâchhâna hnei khao leipa ta ano kuphei tlaita hria awpa ta vaw patopatia ta thlahchhâna chôta a chhôhkha nata viasa rihchâh thokhazy pahruapa ta Hmypi 11, 1905 liata Mission Society thiehpa, Lakher Poinner Mission cha London khihpi liata a vaw padua haw.

Mara râh lâ siena[edit | edit source]

Mara râh lâ a kaw sie hlâta thohna thaina achu awpa a peimawh tahpa a pahnopa vâta Livingstone Medical College, London liata thohna thaina kô (1) chhôh achu heih tua ta, deploma course pha ngâsâpa ta a patlô. R.A. Lorrain he Mara râh lâ Missionary ta â khy hlâta Hugh Wallace ta Ordination chakaona a hneipa a châ. Nawh 18, 1907 lia England puasaipa ta India râh chhâna Mara râh cha ama nôvah ta ama kaw pangai. Tilaipi chô liata noh hluhpi pahlyh hmâpa ta ama kaw sie khai tawhta phei ta kaw sie lymâ heih ei ta, Thlarâh 26, 1907 noh 4:00zd rachhôh liata Saikao khih amâ kaw ngia haw.

Mara râh lia riahriazy[edit | edit source]

Saikao beipa Thylai Hlychho nata khihsawzy paryhsana hawhta Lakher Poinner Mission Station cha Saikao khih lia ama vaw padua. Rev. R.A Lorrain heta Mara râh a kaw tlô tawhta rai hluhpi hria ta, a riahria tlâhpi viapazy cha; Kô 1908 liata Mara Alphabet tao ta, siku chhao a pahy pâ haw. 1908, Phiata Pachyhnoh zâ ta Saikao Beipa Olai tawhta Mara reih ta tlâh-awna a hnei. He nota biehrai bo nata châh âtlypa cha; Isai 60:1; “Thyu la, khaih teh, na khaihna cha a vaw tlô haw.” tahpa bie he a châ. 1914 liata Mission Bunglow pha kawpa padua ta, atanoh taih aduah thlâhapa he a châ. Biehrai palie ta, Biehrai Thiehpa(New Testament) he kô 1928 liata a papua thei haw. Biehrai Parohpa a palei hleikhô ta, Mongyuh hlazy Mara reih lâta palei ta, Hlabuzy chhao a vaw papua. Mara râh chhôh liata thâtihpha chho laih ta, Awnanopa a paduatuhpa a châ. Pahâ noh maih ta, KHAZOHPA bie achuna, Sunday School a vaw pathaotuhpa a châ. A tlâhleipazy cha thohna baopa ta thlahchhâna ta a mohôh lymâ tyh ei. Siku liata pachu awpa Chutuana bu, Arithmetic bu, Geography nata a hrohriapazy chhao a vaw papua hra. Mara Dictionary nata Mara Grammar chhao a vaw tao khai haw.

Tao phana hropazy[edit | edit source]

Rev. R.A Lorrain nata zy cha nôpaw a hnei leipa Peter Richard he saw ta paly ei ta, 1934, nota England lâ achhi ei ta, South London School liata siku ama pakiasa. Kô 1921 liata Rev. R.A Lorrain cha anô asatuhpa atheithlâhna châta Lewis and Lorrain Memory Press a padua. 1926 tawhta Krizypa Chiahmie Tôna a papua pathao. Sahrohzy a pasy hleikhô ta, sahdô nata lyuzy chhao a vaw tao tyh. Ama chakaona râhri awpa vaw tao khai ha ta, râhrina lia zy ngiana alôzy a vaw bô laih khai ha hra. Mara Dictionary nata Mara Grammar hleikhô ta Khumi Dictionary, Khumi Hlabuzy chhao a vaw tao khai ha hra.

British Empire châta hriatuh phapa[edit | edit source]

Rev. R.A Lorrain he Lakher Poinner Mission Socity paduapa ta Mara râh chhôh lia a chakaona raihria kyh liata KHAZOHPA khihnarâh pakawhna nata British Empire châta hriatuh phapa nata ngâchhihpa a châpa vâta 1937, Patô 12 liata [the Corinth of King Jorge the seih] daihti nona khata British sawhkhâ ta Coronation Medal a hlâ.

Thina[edit | edit source]

Mara râh liata kô(36) chhôh KHAZOHPA chakaona rai a hria tawhta kô(63) chyhsa châpa ta eikhana khizaw chariahpi khai chhyhma 1, Hmypi, 1944 4:45zd liata a hrona zydua apie khaipa ta a chakao lymâpa ABEIPA hnohta â vaw pahâ haw. Kyhpachâ ngâsâpa ta a vaw chakaona su Mara râh leilô Mission Compound, Saikao liata ataotuhpa ABEIPA â vypa hâpa ta a sa pôhpa cha pabupa a châ.


Mara râh châta hmopha taopazy[edit | edit source]

• Kô 1908 liata Mara Alphabet maniah taopa ta, Siku chhao a pahy pâ haw.

• Kô 1908 Phiata pachyh noh zâ ta Saikao beipa o laikah tawhta Mara reih ta Khazohpa bie tlâh a awh. He nota Biehrai bo nata châh â tlyhpa cha, Isai 60: 1 na “Thyu la khaih teh, na khaihna cha a vaw tlô haw,”tahpa bie he a châ.

• Kô 1914 liata Mission Bungalow pha kawpa vaw padua ta, atanoh taihta aduah thlâhpa he a châ.

• Biehrai palie ta, Biehrai Thiehpa (New Testament) he kô 1928 liata a papua thei haw.

• Biehrai parohpa a palie hleikhô ta, Mongyuh hlazy Mara reih lâta palie ta, hlabuzy chhao a vaw papua.

• Mara râh chhôh liata thâtihpha chho laih ta, Awnanopa apaduatuhpa a châ.

• Pahânoh maihta Khazohpa bie achuna Sunday School avaw pathaotuhpa a châ.

• Atlâhleipazy cha thohna hmâpa ta thlahchhâna ta avaw mohôh lymâ tyh.

• School liata pachu awpa Chutuana bu, Arithmetic bu, Geography bu nata a hraohriapazy chhao a vaw papua hra.

• Mara Dictionary nata Mara Grammar a tao hleikhô ta, Khumi Dictionary, Khumi Hlabu zy chhao a vaw tao khai ha hra.

• Kô 1921 liata a nô satuhpa atheithlâhna châta “Louisa Lorrain Memorial Press” a padua.

• Kô 1926 tawhta Krizyhpa Chiahmie Tôna a papua pathao.

• Ama chakaona râh-ri awpazy vaw tao khai ha ta, râh-rina liata ngiana alôzy a vaw bô laih khai ha hra.

[1] [2] [3] [4]

  1. The Lakher Poinner Mission
  2. maraland.net
  3. Gospel Ministry of Maraland
  4. ECM ASSEMBLY


Documentation[create]