Wp/mrh/Pathaona2
{{Wikipedia:Achupazy/TabsHeader|This=2}}
Wikipedia hmia hluh viazy hecha paraihna anao kaw. Wikipedia hmâhtuhpazy ta paraihna dâh pho no hmâpa ta paraih theipa a châ. Tlâhrai kawpa wiki markup (wikitext) he hmâpa ta paraihna dâh nata paraihna dâh thiehpa VisualEditor (VE) he hmâpa ta paraihna dâh tahpa pho no a y. He hmia liata chhopasianazy nata video pachunazy hecha wikitext hmâpa ta paraihna dâh a palâsa via. VisualEditor hmâna nah azaopa ta hmia ry chai liata moh pazao via mah y.
Paraihna achu n'awpa châta sandbox lâ kha vawh la "Taopathi" hmiena kha hmie mah y. Hmia liata châtlâhzy ahlaopa paraih taopathi theipa kao a cha vaw paluahpa aw. Kha lia kha sâ khakha roh mah y cvk kha liata na hmôpa châ kha panano mah y. Khai tawh He hmia he pachô kha hmie la kheihta e â pathlai tahpa moh mah y.
Edit tab
Wikipedia:Châpawzy paraihna dâh
A vâtlâh ta Wikipedia hmia laki liata ypa taopathi tahpa kha hmie la na paraih thei. Khata a châ khiah cha na mo haipa hmia liata châzy kha paraih thai awpa lâta a cha vaw palâpa ha aw. Kha kao lia kha na khôthlu khohpa châ rohna chôta tlyma, châtlâhzy ydâh so pathi n'awpa ta wiki markup hmâpa ta hmâthlâzy, table zy na khô thei.
Paraihna biechuapa
A hmiatua chai ta hmia hmia kha na paraih khai lahki ta hrophapa na hneipa kha palâsana hâh ta biechuapa Biechuapa tahpa kao lia kha na paraih pananopazy châta reipasiana na khô thei. Na reipasiana kha a chyu pachhoh thei via khiah a pha lymâ. Pamosana châta hawraw pâpa na pado khiah "typo" tahpa ta na rohpa tlaita â daih hlâh. Cha hawh hra ta na paraihpa kha a peimawh tu leipa a châ khaih, "He he cha taopathina dita a châ " tahpa kao kha pazâhsa mah y.
Mochhilina palâ
A sânona ta eima rei khiah nâma cha Mochhilina palâ hmiena he na hmâ awpa a pha. Na paraihpa kao liata pananonazy na tao khai khiah He hmia he pachô vyuhpa ta Mochhilina palâ (Show preview) kha hmie mah y. Kha kha na paraih khai tawh kheihta e a y aw tahpa na pachô hlâta a cha vaw palâpa a châ. Eima zydua apâpa eima tao pathlei thai kaw tyh. Mo hropazy ta na pâpazy ama hmô hlâta taopathi thei n'awpa ta he hmie na he a cha bao aw. Mochhilina palâ he hmâna chôta paraihpa pamosana mo theiapa châpa hawhta Hmia chhichâna chhao athuhny khao hra aw vei.
Hmia pachôna
Biechuapa lia na pathla haw ma? Mochhilina na palâ haw ma? Cha a châ khiah nâ cha hnôh chaipa châta nâ mâ haw bâ. He hmia he pachô hmiena kha hmie mah y.
Media Faihzy
Hmâthlâzy, aozy, nata videozy ahlaopa châpawzy cha tha ta a pha. Wikipedia cvk Wikimedia Commons chô liata a y hawpa faih kha "[[File:FILENAME|thumb|palâsana]]" tahpa tlâhrai kawpa code nah khô theipa a châ. "thumb" kha na hmâpa vâta ano kakuapa hlâta adi viapa hmâthlâ kha a cha vaw palâpa aw. Pamosana hmâthgla dipa laichyhzie, so n'awpa su hpz atlynazy a y via chy hra.
Log in angia ta a hmâhpazy dei ahmiepa faih moh ta hmâthlâzy ama so thei. Hmâthlâ so hlâta hmiatua chai ta a pathlu awpa cha pasina he a châ. Wikimedia Commons liata faih sohpa Wizard nata Wikipedia liata faih sohpa Wizard zy ta faih sona dâh a chhâh chhâh ta a ama cha avw chho aw. So cheihpa faih zydua kha Wikipedia nata Wikimedia Commons zy sâ no likawh lia hmâthlâ papôh raih-ri aw ei ta hia kha nah hia kha lâ tlua thei awpa a châ.
Châpaw moh pathlaina
Châpaw sâ kha hnohta a moh na bie chhie haw tahpa ta na pachâ khiah, châpaw parohpa liata châ zydua patlypa ta châpaw thiehpa lâ soh bei khah y.
— Cha hawhta na tao khiah na paraih hmiatua na paraih cheihpa record zy â pachhaih ha aw. Hmeihseihpa ta patlôsa awpa dâh cha hmia chô ki liata Paly hmiena ta moh thiehpa lâ na paly thei (Cha hawh tao awpa ta account tao awpa â byuh aw). Nâma cha palyna he na tao tua chaina châ khiah, Palyna hmia liata pahnosana zydua kha a pha kawpa ta reih bei mah y. Hmia nata moh altyna nah azaopa zizyh awpazy Wikipedia:Châpaw chôtlâhpizy liata palâsa hawpa a châ.
Châpawzy Taona
châpaw thiehpa sâ kha na pathao hlâta Wikipedia liata peimawhpazy he pahno tua awpa â byuh. Achyu ta eima rei khiah, châpa sâ kha chta châbuzy, thâtihnazy, magzinezy, scholar Journalzy nata zochhih kawpa websitezy, hpz zochhihpa hnawhzy pahmaoh awpa â byuh aw. Cha khiah dei Wikipedia liata thâtihzy cha apy theipa a châ aw.
Vai hawpa hmiazy
Châhmia thokhazy cha paraih thai khao lei awpa ta vai hawpa a châ. Cha hmia liazy cha Paraih vyuhpa ta Hnawh palâ he a y.
Saipazina
Na pathlaipazy kha paraihtuhpa ta a saipazi haw khiah, apathlaipazy cha Biepachiana hmia liata pachia bei mah y! Pachiana tao leipa buakha hâhlei na pathlai khiah, na parai thei khao lei nawpa ta ama cha pakhâ khâh aw.
VisualEditor
VisualEditor tahpa cha wikitext markup he pahno byuh leipa ta paraih/taopathi thaina a châ.