Wp/mrh/Para khih

Template:Infobox settlement Para(Template:Lang-en)cha Wp/mrh/Chin state, Wp/mrh/Matupi division, Wp/mrh/Paletwa township, Wp/mrh/Para khihpahlyhpa liata a y. Khih yna code cha 165479 a châ. Census in Myanmar 2014 lia hawhta Para khih lia he chapaw pa 251, chanô 294, maluh zydua mo pa 545 ama pahrâ.

History Chyupa

Para khih he 1918 kô lia odyh dyh (10) ta khihsawzy ta ama vaw paduapa a châ. Âthaona liata Sabyh khih tawhta a zâ paly ei ta, Zyhno râh a châpa Para râh liata khih ama vaw phô tua chaipa a châ. Chavâta khih moh he Para tahpa ta biepa a châ. Tahmâ Para khih he ama vaw padua hlâta khih khi kha nata khi kha a paly laih ei ta, a mohzy chhao a pho pho ta ama vaw bei laihpa a châ.

Tithu khih (1918 - 1921)

Sabyh khih tawhta amâ zâ paly no tawhta Tithu vah kiahpâh liata khih ama vaw phôpa vâta Tithu khih tahpa ta biepa a châ.

Chasa khih (1921 - 1926)

Tithu khih liata ama za y nota Mongyuh sawhkhâ ta râh he [[[Wp/mrh/India râh|India]] nata [[[Wp/mrh/Myanmar|Myanamr]] tahpa ta a pachhaih haw. Cha nota [[[Wp/mrh/Mara chipho|Mara chyhsazy]] cha chahawhta ama râh ama panano awpa cha amâ pangiasa leipa a châ. Mongyuh sawhkhâ ta Para khihsawzy hnohta India râh liata ma ama y khoh, Myanmar lia ma tahpa a hiahri no eita âmo ta Myanmar liata ama y khohpa ta amâ chhypa vâta amô cha Chasa khih lâta 1921 kô liata amâ palypa a châ. Chavâta ama pahrâna khih moh chhao cha Chsa khih tahpa ta biepa a châ.

Para khih (1926 - 1995)

Odyh nata maluh zy ama vaw pôh laih lymâpa vâta Chasasawzy cha sipahnyu-tipasoh su zy tlua laihpa ta [[[Wp/mrh/Chasa tlâh|Chasa]] nata [[[Wp/mrh/Haolei tlâh|Haolei]] tlâh zy â tyhna su liata khih vaw phô heih ei ta, cha khih cha Para khih tahpa ta a moh ama bie.

Tlapi (Kali) khih (1995 - 1964)

Tha ta asâh ta, lai kawpa [[[Wp/mrh/Kali tlâh|Tlapi (Kali)]] tlâh liata khih ama vaw phôpa vâta khih moh cha Tlapi (Kali) khih tahpa ama bie.Tlapi khih he atuh thihpi châ ta, râh sa chi to nata pazu pavaw zy a hluh hleikhô ta thao thei hiahu chhao a hluh kaw hra. Y chhao ngiaryh â chhih kaw. Anodeikua ti he tha ta a sô.

Nako khih (1964 - 1968)

Tlapi khih liata ti tha ta a sôpa vâta [[[Wp/mrh/Nako tlâh|Nako]] tlâh lâ he mo chhaihkha am zâ palypa a châ. Cha liata kô 3 tlai ama vaw pahrâ. Nako tlâh liata khih ama vaw taopa vâta khih moh chhao Nako khih tahpa ta ama vaw bie.

Paipô (1968 - Tahmâ taih)

Nako khih liata pahrâpa khih nôpawzy nta Kali khih liata pahrâpa khih nôpawzy biepathluna hawhta [[[Wp/mrh/Pamih thla|Pamih]] 21, 1968 noh liata Paipô khih (tahmâ ta Para khih) lâ he ama zâ pahlyhpa a châ. (Pai tahpa cha ama pai patlahpa he châ ta, pô tahpa cha amâ vaw pahlyh tahpa a châ)