Wp/mrh/Kawputâ lia Mara châ
Beihmâpa (Introduction)
[edit | edit source]Mara châ he English hawrawzy eima hmâ eima tahpa liata mongyuh châ liata ahlao leipa hawrawzy a châpa, Â, Ô, â nata ô zy he eima hnei. Kawputâ (Computer) nata mobile phone zy a vaw pua tawhta, eima châ hawrawzy roh nawpa he eima thai tawhta rairuna hlupi eima tyh. He article heta kawputâ liata Mara châ luhkhupa (â, ô) zy anaota ta roh dâh nata Keyman Mara Keyboard hmâ dâh achuapazy a pakhâ aw. He keyboard hmâpa heta rairuna y leipa ta Mara châ thlahpalôhpa nata a dikpa eima roh thei haw aw.
Mara Hawrawzy Nata Luhkhupa Peimawhzie
[edit | edit source]
Mara châ hawrawzy (alphabets) he Latin (English) hawraw hmâpa a châ. Châhrasala, Mara reih liata cha English hawraw liata a hlao leipa hawraw a nano viapa eima hnei. Cha zy cha CH, NG, AW nata luhkhupa hneipa Â, Ô, â, ô zy a châ.
Luhkhupa he bie yzie a pananopa a châpa vâta a peimawh ngâsâ. Luhkhu khu n'awpa daihti lia eima khu leipa khiah cha bie a pua dâh nata a yzie â nano paha tyh.
- Bie palâsapazy:
- ano (he) nata anô (nu)
- ma (question word) nata mâ (price)
- ra (to cut) nata râ (forest/jungle)
Chavâta, kawputâ liata châ eima roh tita luhkhupa eima hmâ leipa khiah bie yzie hlupi a pabu thei haw.
Kawputâ Standard Keyboard Liata Rairuna
[edit | edit source]Kawputâ liata eima hmâ tyhpa keyboard (English QWERTY layout) liata cha "â" nata "ô" a luhkhupa hneipa roh hi a rairu ngâsâ. He hawrawzy he standard keyboard keys liata a hlao leipa vâta eimâ tyh khei tyhpa a châ. Phone liata cha screen chôta hmeih laipa (long press) ta anaota ta roh thaipa châ ta, kawputâ liata deikua luhkhupa hneipa roh awpa he tha ta rairuna a châ.
Hlâno Ta Eimâ Tyh Khei Dâh (How accents were written in the past)
[edit | edit source]
Hlâno, Mara Keyboard a y hlâta mo tahpa eima theithai hlâta cha, kawputâ liata Mara luhkhupa roh awpa ta rairuna hlupi eima tyh. Ary liata palâsapazy he hlâno ta miah leipa ta eima vaw hmâ tyhpa zy a châ:
- Copy nata Paste: Thokha ta internet mo tahpa Word document hropa tawhta "â" nata "ô" kha copy ta, amâ roh awpa liata paste tyh ei ta. He he a daihti a liam ngâsâ ta, a riethei ngâsâ.
- Alt Codes hmâpa: Thokha ta number nata Alt key hmâpa ta roh ei ta. (Vâtlâh ta: Alt + 0226 = â, Alt + 0244 = ô). He code zy he pahnothai a peimawh ta, laptop thokhazy liata Numpad a y leipa vâta hmâ theipa a châ tyh khao vei.
- Symbol hmâpa (^): Luhkhupa baoleipa ta "^a" mo tahpa "a^", "o^" hawhta eima roh siesai tyh. He heta bie a pua dâh a pakhâ thei vei.
- Luhkhu hmâ leipa tlatlâ ta: Rairu a tahpa vâta luhkhu hnei awpa hleikhô ta hmâ leipa ta "a" nata "o" hawhta eima roh thlâh ha tyhpa ta, bie yzie hlupi a pabu haw.
Keyman Mara Keyboard Ta Rairuna A Papuapa
[edit | edit source]He rairuna zydua cha Keyman Mara Keyboard eima hnei hawpa vâta a vaw liam haw. Keyman he software a châ ta, kawputâ nata phone liata reih hropa zy roh thei nawpa ta a bao tuhpa a châ. Keyman hmâpa heta kawputâ liata Mara châ luhkhupa zy a puaipa ta nata anaota ta eima roh thei haw. Rairuna y khao leipa ta, kuputâ liata Mara châ a dikpa ta eima roh thei nawpa ta thlahpiehna phapa chaipa a châ.
Keyman Keyboard Download Nata Install Dâh
[edit | edit source]
Kawputâ (Windows mo tahpa macOS) liata he Keyboard he hmâ awpa ta a ry liata step zy he pazi teih:
Step 1: Download taopa
[edit | edit source]- Na internet browser (Chrome, Firefox, Edge) liata Keyman Mara Keyboard Website lâta a ngia teih.
- Website chhôh liata "Install keyboard" tahpa button hmiapa kha hmeih (click) la, na kawputâ (Windows/Mac) eihpa kha a theihthaipa ta download teih.
Step 2: Install taopa
[edit | edit source]- Download na taopa file (Windows liata cha `.exe`, Mac liata cha `.pkg` mo tahpa `.dmg`) kha hmâh (open) teih.
- Screen liata a palâsapa hawhta "Next" mo tahpa "Install" tahpa kha hmeih la, kawputâ liata install teih.
- Install na tao khita cha, kawputâ ry lâ (Taskbar) liata language icon (ENG tahpa a y tyhpa) tawhta "Mara (Keyman)" kha a tlyh (select) la, hmâ thei haw aw.
Mara Keyboard Layout Nata Roh Dâh
[edit | edit source]
Keyman Mara Keyboard he English (QWERTY) keyboard layout hawhta pachhuahpa châ ta, Mara hawraw luhkhupa nata thokhazy anaota ta roh thei nawpa ta hawraw (keys) a hmâ leipazy liata pahlaopa a châ. A roh dâh cha he hawhna heta a châ:
| Mara Hawraw | Kawputâ Keyboard Key | A laipa (Capital) | Kawputâ Keyboard Key |
|---|---|---|---|
| â | q | Â | Shift + Q |
| ô | x | Ô | Shift + X |
| ch | j | CH | Shift + J |
| ng | n nata g a pazipa ta | NG | Shift + N nata G |
Peimawhpa:
- Hawraw hropa zy (a, b, c, d, e...) cha QWERTY keyboard hawhta a y thlâh ha aw.
- English hawraw q, x, j zy na hmâ khoh thlâh ha khiah cha, Keyboard layout kha English lâta na thla heih (toggle) a ngiah. Windows liata cha `Windows Key + Space` hmeih la a thla thei aw.