Wp/mnw/ဒံက်တာ တၠဂုဏ်အ္စာကောဝိဒ

From Wikimedia Incubator
< Wp‎ | mnwWp > mnw > ဒံက်တာ တၠဂုဏ်အ္စာကောဝိဒ
Jump to navigation Jump to search
ဒံက်တာ တၠဂုဏ်အ္စာကောဝိဒ
(ဓမ္မာစရိယ M.A, Ph.D Mumbai India)
သက္ကရာဇ်ဒှ်မၞိဟ် ၁၃၄၀ သၞာံ၊ ဂိတုဘတ် (၉)စွေက်၊ တ္ၚဲစန် အခိၚ်ပျးလျး အရိုဏ် (၅:၀၀)
ဍုၚ် Mon National Party.svg မန်
ယၟုခရှ် မာံတေန်ဥူ (က) မာံအဴ
ယၟုမိမ နာဲဘသိၚ်+မိယှိၚ်
ဌာန်ဇာတိ ကွာန်ကအ်ဍောတ်၊ ပွိုၚ်ဍုၚ်လၟိုၚ်၊ တွဵုရးဍုၚ်မန်
တ္ၚဲအာစိုပ်ဒဒှ်ဘဝထပိုဲ သက္ကရာဇ်ဍုၚ်−၁၃၅၁ သၞာံ၊ ဂိတုဖဝ်ရဂိုန် ၈ စွေက်၊ တ္ၚဲအဒိုတ်၊ အခိၚ်သဝ်တ္ၚဲ
တ္ၚဲအာစိုပ်ဒဒှ်ဘဝခမဳ သက္ကရာဇ်ဍုၚ်−၁၃၆၁ သၞာံ၊ ဂိတုဖဝ်ရဂိုန် ၁၄ စွေက်၊ တ္ၚဲသ္ၚိသဝ်၊ အခိၚ်(၄:၀၀) သဝ်တ္ၚဲ
တံဆိပ်အကြာ ဓမ္မာစရိယ

(M.A, Ph.D Mumbai India)

အတ္ထုပ္ပတ္တိ ဒံက်တာ တၠဂုဏ်အ္စာကောဝိဒ(ဓမ္မာစရိယ M.A, Ph.D Mumbai India)[edit]

သၠးဂၠမ်ဂဝ်ဂၞဴမိ[edit]

တၠဂုဏ်အ္စာဝွံ ပ္ဍဲသက္ကရာဇ်ဍုၚ်−၁၃၄၀ သၞာံ၊ ဂိတုဘတ် (၉) စွေက် တ္ၚဲစန်၊ အခိၚ်ပျးလျးအရှိုဏ်တိုန် (၅:၀၀) ဂှ် သၠးဂၠံဂဝ်ဂၞဴမိမဒှ်တုဲ၊ ယၟုမအံက် နာဲဘသိၚ် (က) နာဲဝဲါ + ယၟုမိအံက် မိယှိၚ်၊ ကွာန်ကအ်ဍောတ်၊ ပွိုၚ်ဍုၚ်လၟိုၚ်၊ တွဵုရးဍုၚ်မန်မဒှ်ရ။ ပၞောဝ်ကဵုကောန်မွဲမိ ကောဒေံမၞုံ (၅) တၠဂမၠိုၚ် မဒှ်ကောန်ရတ် မရနုက်ကဵု စတုတ္ထတုဲ နူဍောတ်တ်တၚ်ခုတ်လဝ်ယၟု မာံတေန်ဥူ ကော်ဂး (မာံအဴ) မဒှ်ရ။

အာစိုပ်ဒဒှ်ဘဝထပိုဲခမဳ[edit]

သက္ကရာဇ်ဍုၚ်− ၁၃၅၁ သၞာံ၊ ဂိတုဖဝ်ရဂိုန် (၈) စွေက်၊ တ္ၚဲအဒိုတ်၊ အခိၚ်သဝ်တ္ၚဲဂှ် သ္ပအ္စာဥပ္ပဇ္ၛာဲ ကဵုကျာ်ဇၞော်အ္စာတၠ ဝံသပါလ၊ ညးပ္တိုန်ထပိုဲကျာ်ဇၞော်အ္စာကေတုမာလာ (ဒဵုကြေၚ်) ဘာဇၞော်၊ ကွာန်ကအ်ဍောတ် ဒုၚ်ဂိုၚ်ကေတ်ပစ္စယာနုဂ္ဂဟနူဇရေၚ်မိမၜါတုဲ သ္ဂောံအာစိုပ်ဘဝထပိုဲသာမဏီ မပြဲပြဲရောၚ်ၚ်။

သက္ကရာဇ်ဍုၚ်− ၁၃၆၁ သၞာံ၊ ဂိတုဖဝ်ရဂိုန် (၁၄) စွေက်၊ တ္ၚဲသ္ၚိသဝ်၊ အခိၚ် (၄:၃၀) သဝ်တ္ၚဲ၊ သ္ပအ္စာဥပ္ပဇ္ၛာဲကဵုကျာ်ဇၞော်အ္စာတၠ ဝံသပါလ ဒုၚ်ဂိုၚ်ကေတ်ပစ္စယာနုဂ္ဂဟ နူဇရေၚ်မိမၜါတုဲ သ္ဂောံအာစိုပ်ဘဝခမဳ ပ္ဍဲခဏ္ဍသီ၊ ဘာဇၞော်၊ ကွာန်ကအ်ဍောတ်၊ ပွိုၚ်ဍုၚ်လၟိုၚ်ဝွံရောၚ်။

ကေၚ်ကတ်လ္ၚတ်ပရေၚ်ပညာပရိယတ်ဂမၠိုၚ်[edit]

သက္ကရာဇ်ခရေတ်− ၁၉၈၃ သၞာံဂှ် စကတ်ဗ္တောန် ဘာတန်အလဵုသဳ စၟတ် (၂) ကွာန်ကအ်ဍောတ်ရ။ သ္ပပ္တံနူတန်ကောန်ၚာ် စဵုကဵုစိုပ်တန်စတုတ္ထ သၞာံဟွံဂွံသ္ကုတ်ခြာ ဂွံအံၚ်ဇၞးကေတ်ဇၟာပ်ပ်သၞာံရ။

  • သက္ကရာဇ်− ၁၃၅၃ သၞာံ စကတ်လ္ၚတ်လိခ်ပရိယတ် ပ္ဍဲကွာန်ကအ်ဍောတ်၊ ပွိုၚ်ဍုၚ်လၟိုၚ်။
  • သက္ကရာဇ်− ၁၃၅၄ သၞာံဂှ် တိုန်စိုပ်တိုက်လိခ်မန် ဘာလ္ဒေါဝ်ဍုၚ်၊ ပွိုၚ်ဍုၚ်ဇြပ်ဗု။
  • သက္ကရာဇ်− ၁၃၅၅ သၞာံဂှ် အာစိုပ်တိုက်လိခ်မန် ဘာကၠအ်ပၞဟ်၊ ပွိုၚ်ဍုၚ်မုဟ်ဍုၚ်။
  • သက္ကရာဇ်− ၁၃၆၀ သၞာံဂှ် တိုန်စိုပ်တိုက်လိခ် ဘာဗဂေါပရိတ္တိသၟဝ်၊ ဍုၚ်မတ်မလီုရ။
  • သက္ကရာဇ်− ၁၃၆၁ သၞာံဂှ် တိုန်စိုပ်တိုက်လိခ် ဘာဗဵုလ္ၚီ၊ ဍုၚ်ဒဂုၚ်။
  • သက္ကရာဇ်− ၁၃၆၂ သၞာံဂှ် လုပ်စိုပ်တိုက်ပိဋကတ် ဘာတိပိဋကနိကာယျ၊ ဗၟံက်ဒဂုၚ်၊ ဍုၚ်ဒဂုၚ် လုကဴမွဲသၞာံကီုရ။
  • သက္ကရာဇ်ခရေတ် စနူသၞာံ ၂၀၁၀ ကတ်လ္ၚတ်ပညာဍုၚ်သ္အာၚ် (M.A) ဍုၚ်သဳရိလၚ်္ကာ
  • သက္ကရာဇ်ခရေတ် သၞာံ ၂၀၁၃ ကတ်လ္ၚတ်ပညာတန်ပါရဂူ (Ph.D) ဍုၚ်အိန္ဒိယ မဒှ်ရ။

ပညာမအံၚ်ဇၞးလဝ်ဂမၠိုၚ်[edit]

  • သက္ကရာဇ်ဍုၚ် ၁၃၅၃ သၞာံဂှ် ဂွံအံၚ်ဇၞးကေတ်တန်မူလ ပ္ဍဲအလဵုသဳရ။
  • သက္ကရာဇ်ဍုၚ် ၁၃၅၄ သၞာံဂှ် ဟိုတ်နူဟွံဍိုက်ပေၚ်တဴကဵုစိုတ်တုဲ က္လေၚ်ကတ်လ္ၚတ် တန်မူလပၠန်တုဲ ဂွံအံၚ်ကေတ်နူ
  1. ဂကောံသဒ္ဓမ္မဓဇဝိနယာဓိက (လာပ်ပထမ)၊ ဌာန− ကွာန်သၞေဟ်ခြေၚ်။
  2. ဂကောံဘာကျာ်ဗ္တာၚ်၊ ကွာန်ကၠအ်သတ်၊ ပွိုၚ်ဍုၚ်မုဟ်ဍုၚ်၊ (လာပ်ဒုတိယ)
  3. ဂကောံဘာလ္ဒေါဝ်ဍုၚ်၊ ဍုၚ်ဇြပ်ဗု။
  4. ဂကောံရာမညနိကာယဓမ္မာစရိယ မဒှ်ရ။


  • သက္ကရာဇ်ဍုၚ် ၁၃၅၅ သၞာံဂှ် ဂွံအံၚ်ဇၞးကေတ်တန်ဍောတ် နူ
  1. ဂကောံသဒ္ဓမ္မဓဇဝိနယာဓိက (လာပ်တတိယ)
  2. ဂကောံသမဂ္ဂါ သာသနေရတာ၊ ဘာကၠအ်ပၞဟ်၊ မုဟ်ဍုၚ်။
  3. ဂကောံဘာတၟိ (ကျောၚ်းသစ်) ပွိုၚ်ဍုၚ်မုဟ်ဍုၚ်။
  4. ဂကောံရာမညနိကာယဓမ္မာစရိယ ကေုာံ အလဵုသဳမဒှ်ရ။


  • သက္ကရာဇ်ဍုၚ် ၁၃၅၆ သၞာံဂှ် ဂွံအံၚ်ဇၞးကေတ်တန်လ္ဒေါဝ် နူ
  1. ဂကောံသဒ္ဓမ္မဓဇဝိနယာဓိက
  2. ဂကောံသမဂ္ဂါသာသနေရတာ၊ ဘာကၠအ်ပၞဟ်၊ ဍုၚ်မုဟ်ဍုၚ်။
  3. ဂကောံဘာတၟိ (ကျောၚ်းသစ်) ပွိုၚ်ဍုၚ်မုဟ်ဍုၚ်။
  4. ဂကောံရာမညနိကာယဓမ္မာစရိယ ကေုာံ အလဵုသဳမဒှ်ရ။


  • သက္ကရာဇ်ဍုၚ် ၁၃၅၇/၅၈ သၞာံဂှ် အလဵုသဳဟွံကဵုသွဟ်လိခ်ဘာသာမန်တုဲ ပ္ဍဲသၞာံဝွံ ဂွံအံၚ်ဇၞးကေတ်တန်ဇၞော်နူကဵု
  1. ဂကောံသဒ္ဓမ္မဓဇဝိနယာဓိက (လာပ်တတိယ)
  2. ဂကောံသမဂ္ဂါသာသနေရတာ၊ ဘာကၠအ်ပၞဟ်၊ ဍုၚ်မုဟ်ဍုၚ်။
  3. ဂကောံဘာတၟိ (ကျောၚ်းသစ်) ပွိုၚ်ဍုၚ်မုဟ်ဍုၚ်။
  4. ဂကောံရာမညနိကာယဓမ္မာစရိယတုဲ

ပ္ဍဲသက္ကရာဇ်ဍုၚ် ၁၃၅၉ သၞာံဂှ် ဂွံအံၚ်ဇၞးကေတ်တန်ဇၞော် နူကဵု အလဵုသဳမဒှ်ရ။

  • သက္ကရာဇ်ဍုၚ် ၁၃၆၁ သၞာံဂှ် သ္ဂောံအံၚ်ဇၞးကေတ်တန်ဓမ္မာစရိယ သီုပိပြကိုဟ်မွဲဒမြိပ်ဓဝ်တုဲ က္လိဂွံတဆိပ်ကြာ သာသနာဓဇဓမ္မာစရိယ ပ္ဍဲအလဵုသဳဝွံရောၚ်။


  • သက္ကရာဇ်ခရေတ်သၞာံ ၂၀၀၈ ဂှ် ဂွံအံၚ်ဇၞးကေတ် (Scholarship) နူဂကောံထံက်ပၚ်ပရေၚ်ပညာဍုၚ်သဳရိလၚ်္ကာ(ဍုၚ်လ္ဂုၚ်)
  • သက္ကရာဇ်ခရေတ် သၞာံ ၂၀၀၉ ဂှ် ဂွံအံၚ်ဇၞးကေတ်တန်မဟာဝိဇ္ဇာ (M.A) ပ္ဍဲတက္ကသိုလ်ကောနိယျ၊ ဍုၚ်သဳရိလၚ်္ကာ
  • ပ္ဍဲသၞာံခရေတ် (၁၆.၁.၂၀၁၇) ဏံဂွံဒုၚ်ကေတ်တဆိပ်ကြာ ပါရဂူ နူကဵုတက္ကသိုလ်မာမ်ဘေ၊ ဍုၚ်အိန္ဒိယ (Ph.D) Mumbai University in India ချူပ္တိုန်လဝ်နကဵုက္ဍိုပ်လိခ် "ပရေၚ်ဓရ်ညဳသာ" မဒှ်ရ။

တၚ်စၟတ် ။ ။ ခမဳသၚ်ဇာတိကွာန်ကအ်ဍောတ်မ္ဂး ညးအံၚ်ဇၞးတန်ဓမ္မာစရိယကၠာအိုတ်၊ နူဂကောံထံက်ပၚ်ပရေၚ်ပညာဍုၚ်လ္ဂုၚ် အံၚ်ဇၞးကေတ် (Scholarship) ကၠာအိုတ်၊ အံၚ်တန်မဟာဝိဇ္ဇာ (M.A) ကၠာအိုတ်၊ အံၚ်ဇၞးတဆိပ်ကြာပါရဂူ (Ph.D) ကၠာအိုတ်ဂှ် မဒှ်တဴ ဒံက်တာတၠဂုဏ်အ္စာ ကောဝိဒ ဝွံရ။

မကေၚ်သုၚ်လဝ်ရှ်ဍာ်တှ်ပညာ ဇရေၚ်အ္စာဂမၠိုၚ်[edit]

  • ၁။ ကျာ်ဇၞော်အ္စာတၠ နန္ဒသာရ (မဟာဂန္ထဝါစကပဏ္ဍိတ)
  • ၂။ တၠဂုဏ်အ္စာ ဓမ္မရက္ခိတ
  • ၃။ တၠဂုဏ်အ္စာ စန္ဒသာရ၊ ဘာမဟာဝိဟာရ၊ ကွာန်ကအ်ဍောတ်။
  • ၄။ တၠဂုဏ်အ္စာ ဇောတိပါလ
  • ၅။ တၠဂုဏ်အ္စာ စန္ဒိမာ (ဗာန်ဒဵု)၊ ဘာလ္ဒောဝ်ဍုၚ်၊ ပွိုၚ်ဍုၚ်ဇြပ်ဗု။
  • ၆။ ကျာ်ဇၞော်အ္စာ ခေမာသာရ
  • ၇။ တၠဂုဏ်အ္စာ စိတ္တလၚ်္ကာရ
  • ၈။ တၠဂုဏ်အ္စာ နန္ဒဟံသာ၊ ဘာကၠအ်ပၞဟ်၊ ဍုၚ်မုဟ်ဍုၚ်။
  • ၉။ ကျာ်ဇၞော်အ္စာ သဳလာစာရ (အဂ္ဂမဟာပဏ္ဍိတ)၊ ဘာဗဂေါသၟဝ်၊ ဍုၚ်မတ်မလီု။
  • ၁၀။ ကျာ်ဇၞော်အ္စာ ကေသရ (ဒုတိယအကျဝ်၊ အဂ္ဂမဟာဂန္ထဝါစကပဏ္ဍိတ)၊ ဍုၚ်ဒဂုၚ်။
  • ၁၁။ ကျာ်ဇၞော်အ္စာ ဝါယာမိန္ဒာဘိဝံသ (ဆဋ္ဌပိဋကဓရ)၊ ဘာတိပိဋကနိကာယ်၊ ဗၟံက်ဒဂုၚ်၊ ဍုၚ်ဒဂုၚ်။
  • ၁၂။ ပါဠိဆရာကြီး ဦးအောၚ်ခိုၚ်၊ ဍုၚ်ဒဂုၚ်။
  • ၁၃။ အ္စာဘာန္တရ ဦးစိုးမြိုၚ်
  • ၁၄။ တၠဂုဏ်အ္စာ ကေလာသ (ၜံက်ခၠဵု)
  • ၁၅။ ဆရာမ (Rose)
  • ၁၆။ ဦးအဂ္ဂ အံၚ်နာန်တဝ်၊ ဍုၚ်ဒဂုၚ်
  • ၁၇။ S.V.S Club (သဳရိလၚ်္ကာ) အ္စာတက္ကသိုလ်ဂမၠိုၚ်
  • ၁၈။ Prof- သေနထေရ၊ ပရေတ်၊ သော်ပါၚ် သုမန
  • ၁၉။ အ္စာပါမောက္ခ တက္ကသိုလ် မာမ်ဘေဍုၚ်အိန္ဒိယ တအ်ချူပတိုန်လဝ် တန် (Ph.D) မဒှ်ရ။

ညးမကဵုဒၠောံဗ္တောန် ဩဝါဒစရိယ[edit]

  • ၁။ ကျာ်ဇၞော်အ္စာတၠ ဘဒ္ဒန္တဝံသပါလမဟာထေရ် (ဩဝါဒစရိယ အလုံဍုၚ်မန်ဗၟာ၊ အဂ္ဂမဟာသဒ္ဓမ္မဇောတိကဓဇ)
  • ၂။ ကျာ်ဇၞော်အ္စာတၠ နန္ဒသာရ (မဟာဂန္ထဝါစကပဏ္ဍိတ)
  • ၃။ ကျာ်ဇၞော်အ္စာ ဇောတိကပါလ (အဂ္ဂမဟာပဏ္ဍိတ) ဘာလ္ဒောဝ်ဍုၚ်၊ ဍုၚ်ဇြပ်ဗု
  • ၄။ ကျာ်ဇၞော်အ္စာ ဝါရိန္ဒ၊ ဘာအံၚ်သိဒ္ဓိ၊ ဍုၚ်လ္ဂုၚ်

ကေၚ်ဂ္ၚေၚ်လဝ်ဒေသရိတ်ဂမၠိုၚ်[edit]

  • သက္ကရာဇ်ခရေတ်သၞာံ ၂၀၀၄ ဂှ် ဍုၚ်သေံ၊ ဍုၚ်မလေယှာ၊ ဍုၚ်သၚ်္ကာပေါဝ်
  • သက္ကရာဇ်ခရေတ်သၞာံ ၂၀၀၈ ဂှ် ဍုၚ်သဳရိလၚ်္ကာ
  • သက္ကရာဇ်ခရေတ်သၞာံ ၂၀၁၀ ဂှ် ဍုၚ်အိန္ဒိယ (ဗုဒ္ဓဂါယာ)

ရေၚ်တၠုၚ်ကဵုဇြဟတ် ပ္ဍဲသာသနာဂမၠိုၚ်[edit]

တၠဂုဏ်အ္စာဝွံ ပ္ဍဲ

  • သက္ကရာဇ်ဍုၚ် ၁၃၆၆−၆၇ သၞာံဂှ် ကေတ်တာလျိုၚ်ပ္တိုန်ဖျေံလိခ်တန်ဓမ္မာစရိယျ နကဵုပြကိုဟ်သဳလက္ခန် ဘာပညာဇောတိက၊ ဍုၚ်လ္ဂုၚ်။
  • သက္ကရာဇ်ဍုၚ် ၁၃၇၈ သၞာံဂှ် ဖျေံလိခ်ပ္ဍဲ ဘာမဟာဝိဟာရ ပရိယတ္တိ၊ ကွာန်ကအ်ဍောတ်၊ ကေုာံ ရေၚ်တၠုၚ်ဖျေံလိခ် ပ္ဍဲဘာရာမညဗုဒ္ဓတက္ကသိုလ်၊ ဍုၚ်မတ်မလီု။
  • သက္ကရာဇ်သာသနာ ၂၅၆၀ သၞာံဏံ ကေတ်တာလျိုၚ် နဒဒှ်ဥက္ကဌ ဂကောံသၚ်သၟတ်မန် ကွာန်ကအ်ဍောတ် ကေုာံ ရေၚ်တၠုၚ်ပံက်ကၠုၚ်လဝ် ဘာဓမ္မသကူလ်မန် ပ္ဍဲကွာန်ကအ်ဍောတ်မဒှ်ရ။