Wp/mnw/ခၟောမ်ဗိုတ်ထဝ် (ကျာ်ကေလာသ)

From Wikimedia Incubator
< Wp‎ | mnwWp > mnw > ခၟောမ်ဗိုတ်ထဝ် (ကျာ်ကေလာသ)
Jump to navigation Jump to search

လိက်ပရေၚ်ဝွံ ဒှ်လိက်ပရူပရာ ခၟောမ်ဗိုတ်ထဝ် ကျာ်ကေလာသ ပ္ဍဲဌာန်ဍုၚ်လၟိုၚ်မဒှ်ရ။ ပရူပရာခၟောမ်ဗိုတ်ထဝ်ဏအ်ဂှ် ဒှ်လိက်ပရေၚ်မချူ မတက်တြးပတိတ်လဝ် နူဂကောံဂေါပက ကျာ်ကေလာသတုဲ အခေါၚ်ပိုၚ်ပြဳ တၠမူလေဝ် ဒှ်တဴရ။

ခၟောမ်ဗိုတ်ထဝ်ဝွံ ပ္ဍဲလ္တူတိုၚ်တပ်ဟလှ် (တိုၚ်ဣန္ဒစက်) စေတဳ ဗွဲမသပ္ပါယ်ဒးရး စွံပ္တန်သ္ပပူဇဴရ။ ခၟောမ်ဗိုတ်ထဝ်ဂှ် ကၠောန်လဝ် နကဵုထဝ် ဍာ်စှ်သုန်ၜဲ (၁၅) ဗွဲအပ္ဍဲဒုၚ်လဝ်ဂှ် နကဵုသြန်ဂတှေ်ကၠောန်လဝ်ရ။ ပ္ဍဲခၟောမ်ဗိုတ်ထဝ် ညံၚ်ဂွံကြံၚ်မ္ၚိုဟ် စိုတ်လဝ်ဝှိုက်ဗာတုဲ၊ မၞုံသၠုၚ်ၜါယံက် (၂ - ပေ)၊ သၠဲစှ်ၝောံတဲကဝက် (၁၀ - ၝောံတဲကဝက်)။ ဗွိုက်ပိစှော်မွဲၝောံတဲ (၃၁) မၞုံရ။ ပ္ဍဲလ္တူခၟောံဗိုတ်ထဝ် ကၠောန်လဝ် ဗီုစေတဳဍောတ်တ် ကၠံထပ်ပိကၠုၚ် သၠဲၜါၝောံတဲ (၂ ၝောံတဲ)၊ ထဝ်လျိုၚ်ၜါ (၂) ဒကေဝ်ဂှ် ရပ်ထိၚ်လဝ် လ္တူခၟောမ်ဗိုတ်ထဝ်ရ။

ပ္ဍဲလ္တူဒၞဲါထိၚ်ရပ်လဝ် ပိကၠၚ်ဂှ် ဗိုတ်ပိမ မၞုံလျိုၚ်ရတဳ ဍာ်ဒကေဝ် (၆၊၁၈) ၚုဟ်မး ကၠံၜါစှော်ကိုဋ် (၁၂၀) သ္ပပူဇဴလဝ်ရ။ ပ္ဍဲလ္တူ ခၟောံဗိုတ်ထဝ် အိုဿီု ဗိုတ်ပိစှော်မ (၃၀) မၞုံလျိုၚ်ရတဳ ဍာ်ဒကေဝ် (၃၇) တွဳဗွိုၚ်စဳဗိုၚ်လဝ်ရ။