Wp/mnw/ကၠအ်ပၞဟ်၊ ဘာ၊ ရာမညနိကာယ

From Wikimedia Incubator
< Wp‎ | mnwWp > mnw > ကၠအ်ပၞဟ်၊ ဘာ၊ ရာမညနိကာယ
Jump to navigation Jump to search

ဘာကၠအ်ပၞဟ် ဝွံ ဒှ်ဘာတိုက်ပရိယတ္တိမန် မနွံ ပ္ဍဲဍုၚ်မုဟ်ဍုၚ် စဒက်ပ္တန်လဝ် နူကဵုသက္ကရာဇ်ဍုၚ် ၁၃၀၉ တေအ်တုဲ စဵုကဵုလၟုဟ်ဂှ် ဒှ်ဒၟံၚ် ဘာတိုက်လိက်မန်မြဟ် လၟိဟ်ကောန်ကတ်လိက် မွဲမွဲသၞာံ နွံအကြာ ၁၀၀ ကဵု ၁၅၀ ဇကုရ၊၊ နူတမ်တေအ် ဘဒ္ဒန္တကေတုမာလာ ဇာတိကွာန်မယာန်၊ ဘဒ္ဒန္တကေတုသာရ ဇာတိကွာန်ခရိုက်ကလိ၊ ဘဒ္ဒန္တဥတ္တမ ဇာတိကွာန်လေအ်တက်၊ ဘဒ္ဒန္တဉာဏရံသဳ ဇာတိကွာန်အခေါန်၊ ဘဒ္ဒန္တစန္ဒိမာ ဇာတိကွာန်ခဒုၚ်သှ်ေ ညးမသုန်ဇကုဝွံ စိုတ်သၟဟ်ဒှ်မွဲတုဲ ပ္တန်လဝ် ဘာပရိယတ်မန် ဘာကၠအ်ပၞဟ်ဝွံရ၊၊ ဒါယကာဒုၚ်ပစ္စယ်ပန် ပ္ဍဲလတူဍုၚ်မုဟ်ဍုၚ်ဂှ်သၟး ဟွံရုံဂပ်တုဲ မွဲသၞာံမွဲအလန် ကောန်ကတ်လိက်တအ် စှ်ေပိဏ္ဍပါတ်သ္ၚု ပ္ဍဲကွာန်မန် ဗွဲမဂၠိုၚ်တအ်တုဲ ပကောံလဝ် ဇွောအ်မ သွက်ဂွံဒုၚ်အာ ပစ္စယ် ပ္ဍဲဘာတိုက်လိက်ဂှ်ရ၊၊ ဘာကၠအ်ပၞဟ်ဂှ် လုပ်လၟိဟ်ဂိုဏ်သၚ်မန် ရာမညနိကာယ၊၊


ဝၚ်[edit]

  1. ဘဒ္ဒန္တ ကေတုမာလာ (ကွာန်မယာန်)
  2. ဘဒ္ဒန္တ ကေတုသာရ (ကွာန် ခရိုက်ကလိ)
  3. ဘဒ္ဒန္တ ဥတ္တမ (ကွာန်လေအ်တက်)
  4. ဘဒ္ဒန္တ ဉာဏရံသဳ (ကွာန်အခေါန်)
  5. ဘဒ္ဒန္တ စန္ဒိမာ (ကွာန်ခဒုၚ်သှေ်)

ခမဳမသုန်ဇကုဝွံ တၞဟ်နသ္ဂောံပတန်တိုက်ပရိယတ် ဘာသာမန် ပ္ဍဲလ္တူဍုၚ်မုဟ်ဍုၚ် စိုတ်သၟဟ် ဒှ်မွဲကသပ်တုဲ ပ္ဍဲသက္ကရာဇ်သာသနာ ၂၄၉၀ သၞာံ၊ သက္ကရာဇ်ဍုၚ် ၁၃၀၉ သၞာံ ဂိတုဇှေ် ကျာ်ဇၞော်အ္စာတၠမယာန် ပအပ်ပြာပ်ဇိုန်ဏှၚ် ဘာကၠအ်ပၞဟ် ကုတၠဂုဏ်အ္စာ (၅) ဇကုတအ်ဂှ်ရ။

တရဴတိုက်လိက်[edit]

ပတမ်နူသၞာံဝွံတုဲ စပံက်ကၠုၚ်လဝ်တိုက်လိက်ပရိယတ္တိဘာသာမန် ပ္ဍဲဘာကၠအ်ပၞဟ် ဍုၚ်မုဟ်ဍုၚ်ရ။ တၠဂုဏ်အ္စာ ကေတုသာရ၊ တၠဂုဏ်အ္စာ ဥတ္တမ၊ တၠဂုဏ်အ္စာ ဉာဏရံသဳ ညးပိဇကုဝွံ ဒှ်ညး မၞုံကုကွတ်ပညာ ပရိယတ်တုဲ ပအ္စာဖျေံလိက်ရ။ ပၞောဝ်ညးပိဂှ် တၠဂုဏ်အ္စာ ကေတုသာရ ဒှ်အ္စာလိက်ဇမၞော်ရ။

ဂကောံသမဂ္ဂါသာသနေရတာ[edit]

ပ္ဍဲသက္ကရာဇ် ၁၃၂၇ သၞာံ စကၠောန်ဗဒှ်သဘၚ်သၟာန်သွဟ်လိက် ဂကောံသမဂ္ဂါသာသနေရတာ စဵုကဵုစိုပ်အခိၚ်လၟုဟ်ရ။ ပ္ဍဲသက္ကရာဇ် ၁၃၄၉ သၞာံ၊ ဂိတုဘတ် ၁၁ စွေက်၊ ဗတံ ၁၀ နာဍဳ ၅ မိဏောတ် ကျာ်ဇၞော်အ္စာ ဘဒ္ဒန္တ ကေတုသာရ ကလိဂွံအာယုက် ၇၅ သၞာံ ၅၄ ဝှ် စုတိစဴအာသွဝ်တုဲ တၠဂုဏ်အ္စာ ဘဒ္ဒန္တ ခေမာသာရ(အဂ္ဂမဟာဂန္ထဝါစက) ဂွံဒှ် ညးမၞုံပိုန်ဂဇအ်ဘာရ။ ပတမ်နူ သက္ကရာဇ် ၁၃၀၉ စဵုစိုပ် ၁၃၇၇ သၞာံ၊ လုကဴဗၞတ် ၆၈ သၞာံ အ္စာလိက်ဂမၠိုၚ် မဖျေဟ်ကၠုၚ်လိက် ပ္ဍဲတိုက်လိက်ပရိယတ္တိ ဘာသာမန် ရာမညနိကာယ ဘာကၠအ်ပၞဟ်တုန်

စရၚ်အ္စာလိက်ဂမၠိုၚ်[edit]

လၟေၚ် ယၟု ကွာန်
တၠဂုဏ်အ္စာ ကေတုသာရ ခရိုက်ကလိ
တၠဂုဏ်အ္စာ ဥတ္တမ လေံတက်
တၠဂုဏ်အ္စာ ဉာဏရံသဳ အခေါန်
တၠဂုဏ်အ္စာ လောကသဳရိ တၟံကၞေၚ်-ကွာန်တၟိ
တၠဂုဏ်အ္စာ နန္ဒိယ တံၚ်ပရၚ်
တၠဂုဏ်အ္စာ သြဘာသ အၚ်ဒၚ်
တၠဂုဏ်အ္စာ သိၚ်္ဃ ၚာၚ်
တၠဂုဏ်အ္စာ ပုပ္ဖ ခအံၚ်ကြေဟ်
တၠဂုဏ်အ္စာ ပညာဝံသ လၟိုၚ်
၁၀ တၠဂုဏ်အ္စာ သုမန ဝါကပိုဟ်
၁၁ တၠဂုဏ်အ္စာ ဣန္ဒက မဟေဲ
၁၂ တၠဂုဏ်အ္စာ ခေမာသာရ တံၚ်ပရၚ်
၁၃ တၠဂုဏ်အ္စာ မောနေယျ
၁၄ တၠဂုဏ်အ္စာ ပုပ္ဖရမ္မ ဒူရာ
၁၅ တၠဂုဏ်အ္စာ တေဇိန္ဒ ခတာန်
၁၆ တၠဂုဏ်အ္စာ စိတ္တာလၚ်္ကာရ သြန်ဒလေၚ်
၁၇ တၠဂုဏ်အ္စာ ဇာဂရ ကၟာဝက်
၁၈ တၠဂုဏ်အ္စာ နန္ဒဟံသာ ခေါဇာ
၁၉ တၠဂုဏ်အ္စာ ဝိမလ ကြုၚ်ခယာၚ်
၂၀ တၠဂုဏ်အ္စာ နန္ဒသာရ မုဟ်ဍုၚ်
၂၁ တၠဂုဏ်အ္စာ ကေလာသ ကြုၚ်ခယာၚ်
၂၂ တၠဂုဏ်အ္စာ သောဘဏ အလှာ်

ဣဝွံတုန် ဝိဟာရုပ္ပတ္တိ တိုက်လိက်ပရိယတ္တိ ဘာသာမန် ရာမညနိကာယ ဘာကၠအ်ပၞဟ် ဍုၚ်မုဟ်ဍုၚ်။

နိဿဲ[edit]