Wp/mnw/ကျွန်းတော်ကျွန်း၊ လိက်တၟအ်

From Wikimedia Incubator
< Wp‎ | mnwWp > mnw > ကျွန်းတော်ကျွန်း၊ လိက်တၟအ်
Jump to navigation Jump to search
လိက်ဍိုတ် ကျွန်းတော်ကျွန်း
ဗီုရုပ်မလိက် ဍိုတ်ကျွန်းတော်ကျွန်း
ကိရိယာ ဍိုတ်
မချူလဝ် နကဵုဘာသာ မန်
မခၞံဗဒှ်လဝ် အေဒဳ ၁၁ ဗွဝ်ကၠံ (လပါ်စ)
သၞာံမဂွံဆဵုကေတ် သက္ကရာဇ် ၁၉၆၀-၆၁
ကျာ်စေတဳတြေံ နူကျွန်းတော်ကျွန်း၊ မီးကျောၚ်းရဲနယ်၊ မကွေးခရိုၚ်၊
ညးမဂွံဆဵု ဦးဖုန်းကျော်
ပရူပရာ စၟတ်သမ္တီ ပတန်ကျာ်
Lockerbie is in southern Scotland.
Lockerbie is in southern Scotland.
Lockerbie
ဒၞာဲကွာန် ကျွန်းတော်ကျွန်း မနွံ

လိက်ဍိုတ်(ကျွန်းတော်ကျွန်း) (Burmese; ကျွန်းတော်ကျွန်းအုတ်ပြားစာ) ဝွံ ပ္ဍဲသက္ကရာဇ် ၁၉၆၀-၆၁ ဂှ် ဦးဖုန်းကျော် ညးမပဒတဴ ပ္ဍဲဍုၚ်လ္ဂုၚ် ဇာတိ နူ နတ်မောက် ဂွံဆဵုကေတ် နူ ကျာ်စေတဳမလီုလာ်မွဲ ပ္ဍဲကျွန်းတော်ကျွန်း၊ မီးကျောၚ်းရဲနယ်၊ မကွေးခရိုၚ် ရ၊၊

လိက်ဂှ် ချူလဝ် လတူဍိုတ် ပ္ဍဲအခိၚ်ကာလ ညးမပ္တန်ကျာ်ဂှ် ဒှ်မာန်ရ၊၊ သီုဖအိုတ် နွံ (၅) ပၞောန်တုဲ မဒှ်လိက် မရာဒနာ ဖိုလ်ညးမရီုလဝ် အစာညးတအ် ပ္ဍဲကေၚ်ကာ မဒက်ကျာ်ဂှ်ရ၊၊ ပ္ဍဲလိက်ဂှ် သက္ကရာဇ်ဂိတုတ္ၚဲ ဟွံမဲကီုလေဝ် ရံၚ်ကဵုဗီုပြၚ်မအက္ခရ်မ္ဂး လိက်ဂှ်တြေံ နူလိက်မဂွံဆဵုကေတ် ပ္ဍဲဍုၚ်ဗုကာံ ဗီုကဵု လိက်တၟအ်ကျာ်ယှိုဲသဳခုၚ်တအ်ဏီတုဲ ညးဗွဲမဂၠိုၚ်တအ် စၟတ်သမ္တီလဝ် ဒှ်လိက် ပ္ဍဲခေတ် သၟိၚ်အနဝ်ရထာရ၊၊ ရံၚ်ကဵု မအက္ခရ်တုဲ ဒှ်လိက် ကၠာနူ ခေတ်အနဝ်ရထာလေဝ် ဒှ်မာန်ရ၊၊

အရာစိုတ်မလုပ်စခိုဟ်အိုတ်လိက်ဏအ်ဂှ် ဒှ် ဒၞာဲမဂွံဆဵုကေတ်လိက်ဂှ်ရ၊၊ မီးကျောၚ်းရဲ ဂှ် နွံဒၟံၚ် ၜိုတ်လဒေါဝ် အကြာဍုၚ်ပြန် ကဵု ဍုၚ်ဗုကာံတုဲ နူကဵု ဍုၚ်ဗုကာံ ဒးစှ်ေကၠုၚ် ၜိုတ် ၈၈ တိုၚ်ပြၚ်ၚ်ရ၊၊ ဟိုတ်ဂှ်ရ နကဵုဝၚ် ဗုကာံ မဟီုလဝ် မန်စိုပ်အာ ဍုင်ဗုကာံ နဒဒှ်ဂၠုဲပၞာန် နူသဓီုဂှ် ရံင်ကဵုလိက်ဏအ်တုဲ ယုတ္တိ ဟွံမဲရ၊၊ ရံၚ်ကဵု လိက်ဝွံတုဲ ပ္ဍဲအခိၚ်ဂှ် ညးဒေသဂှ် ဒှ်ဒၟံၚ်ဂကူမန် ဖအိုတ်ရောၚ်ဂှ် ပိုယ်တအ် ဟီုမာန်ရ၊၊

လိက်ဂှ် မဂွံဆဵုကေတ် အတိုၚ်ဗွဲသၟဝ်ဏအ်ရ၊၊[edit]

ဝေါအ် လ္အတ်ကုန်သၚ်နာယ်မရုံ

မ်တလေႝစာရ်ဍေးဟ် ဍေဟ်မုစ်ဒ

သ် ကျာက် ဝိပါက်ရုံမ်ဝေါအ်၊၊

ဇန်ပုန် ကုအှမ္ဗောအ် အှအ်ဗာအ်

လ္အတ် ဝ  ဝ  ဝ ၊၊


နကဵုအဓိပ္ပါယ် ဗီုမန်ခေတ်လၟုဟ်မ္ဂး[edit]

ဝွံ အိုတ် ကောန်သၚ်နာဲ မရီုတၠဳအစာဍေဟ်၊ ဍေဟ်မိက်ဒှ်ကျာ် ဝိပက်ရီုဝွံ၊၊ ဇိုန်ပိုန် ကုအၝောအ် (မိ) အဘ (မ) ဖအိုတ်၊၊


အိုတ် ကောန်သၚ်နာဲ မရီု တၠဳအစာညးဝွံ ဖိုလ်မရီုလဝ်ဝွံ ညးမိက်ဂွံဒှ်ကျာ်၊၊ ဇိုန်ပိုန် ကဵုမိမညးတအ် သီုဖအိုတ်၊၊


နိဿဲ[edit]

ချစ်သိန်း (ဦး)၊ မွန်ကျောက်စာပေါၚ်းချုပ် ၁၉၆၅