Wp/mnw/ကအ်ဇြဲ၊ ကွာန်

From Wikimedia Incubator
< Wp‎ | mnwWp > mnw > ကအ်ဇြဲ၊ ကွာန်
Jump to navigation Jump to search

ကွာန်ကအ်ဇြဲ ဝွံ ဒှ်ကွာန်မန် နွံပ္ဍဲ ("16.516020N, "97.753256E") တွဵုရးဍုင်မန်၊ ပွိုင်ဍုင်ကျာ်မြဟ်ရ၊၊ ဇမၞော်ကွာန်ဂှ် သီုဖအိုတ် နွံၜိုတ် 0,32 mi2 ရ၊၊ သၟဝ်ကျာ ကွာန်ကအ်ဇြဲဂှ် ဒှ်ကွာန်ကအ်သက် ကွာန်ၜါဝွံ ခြာဒၟံင် ကြုင်မွဲဍောတ်ဓဝ်ရ၊၊ ပ္ဍဲလဒေါဝ်ကွာန် အရာပ်ပလိုတ်ဂှ် ကျာ်စေတဳ နွံမွဲ၊ ဗဒါဲကွာန် ကအ်သက်ဂှ် ကျာ်စေတဳနွံမွဲရ၊၊

လၟိဟ်မၞိဟ်[edit]

ကွာန်ကအ်ဇြဲဝွံ ပ္ဍဲသၞာံ ၂၀၁၈ဂှ် သ္ၚိ သီုဖအိုတ် နွံ ၜိုတ် (၆၂၆) မတုဲ မၞိဟ်နွံ ၜိုတ် ၜါလ္ၚီမသုန်ကၠံဒှ်မာန်ရ၊၊

ပလံင်ဗစိုပ်[edit]

အဓိက ပရေင်ပလံင်ဗစိုပ်ကွာန်ကအ်ဇြဲဝွံ ဒှ်ဂၠံင်တိုက် သီုကဵုဂၠံင်ဍာ်ရ၊၊ နူကွာန်ကအ်ဇြဲ လပါ်ဗၟံက် 1,3 တိုင်မ္ဂး စိုပ်ကွာန်ကြေဝ်ဏာ စိုပ်ၜဳဂြာင်ရ၊၊

ဘာလကျာ်ဂမၠိုင်[edit]

  1. ရာမညနိကာယ ကအ်ဇြဲပရိယတ္တိ ဘာဗၟံက်
  2. ရာမညနိကာယ ကအ်ဇြဲဘာပလိုတ်

ဝင်တိုက်လိက် ဘာဗၟံက်[edit]

ပ္ဍဲဗုဒ္ဓသာသနာ ၂၅၃၁ သၞာံ၊ သက္ကရာဇ်ဍုင် ၁၃၄၉ ဂိတုဇှ်ေပေင် က္ညဒုင်ဖျဴနင်တၠဂုဏ်အ္စာဇဋိလ ညးမဒှ်အ္စာလိက်ဒယှ် နူတိုက်လိက် ပရိယတ္တိဘာကျာ်၊ ကွာန်ဓမ္မသရ။ ပ္ဍဲသက္ကရာဇ် ၁၃၅၀ သၞာံဂှ် တၠဂုဏ်အ္စာ ဇဋိလ စပံက်တိုက်လိက်ပရိယတ် ပ္ဍဲဘာဗၟံက်၊ ကွာန်ကံဇြဲတုဲ ဒဵုစိုပ်သက္ကရာဇ် ၁၃၅၇ သၞာံ လုကဴဒ္စာံသၞာံ ညးမွဲဓဝ်ဟေင် ဖျေံကၠုင်လဝ် လိက်ပရိယတ်ရ။ ပ္ဍဲသက္ကရာဇ် ၁၃၅၈ သၞာံဂှ် ဟိုတ်နူဒးသိုင်ခၞံ ဘာဇၞော်၊ ဘာသင်သ္ဂောံပဒတဴ ဟိုတ်နူပစ္စယ်ပန် ဍိုန်လျ၊ ဟိုတ်နူဒြဟတ်ကာယဟွံထတ်တုဲ မ္ဒးဒေံါဇူကၠေံ ကလောန်မဖျေံလိက်ရ။ ပ္ဍဲသက္ကရာဇ် ၁၃၇၄ သၞာံဂှ် ကောန်ကွးၜါဇကု တၠဂုဏ်အ္စာ သုနန္ဒ (ဓမ္မာစရိယ၊ M.A. Sri Lanka) တၠဂုဏ်အ္စာ ဣဿရ (ဓမ္မာစရိယ၊ M.A. Sri Lanka) မကတ်လ္ၚတ်မံင် ဘာသန္တရ ပ္ဍဲတ္ကံလၚ်္ကာတေံ က္ညစဴကၠုင်တုဲ ကျာ်ဇၞော်အ္စာ ဇဋိလထေရ် မွဲဟာန်ကေုာံ တၠဂုဏ်အ္စာ ဝိဓူရ အာဂတပၠတရဴတုဲ ကလေင်ပံက်ပ္တန် တိုက်လိက်ကံဇြဲ ပရိယတ္တိ ဘာဗၟံက်မွဲဝါပၠန်ရ။ တၠဂုဏ်အ္စာ ၜါဇကုဂှ် ဖျေံဒၟံင်လိက်ပရိယတ် ပကတ်ကဵုကောန်ကွး ဒဵုလၟုဟ်ရ။

နိဿဲ[edit]

ဝင်တိုက်လိက်မန်ဂမၠိုင်။