Wp/mnp/Sáing-gǐ-lṳ̀

Sáing-gǐ-lṳ̀ (星期六) ǐ ě Lǐ-ba̿i-lṳ̀ (禮拜六) sī cì-ciă sáing-gǐ dǐ-bíng gâ̤ cì góng, gǐ nă lǐ-ba̿i-ngù iáu lǐ-ba̿i-gó̤ng cî-gáing gâ̤ ŭ góng.

Sáing-gǐ-lṳ̀ bó̤ng-buǒi-chú ě ca̿ tǔ-iāu-nì (土曜日), giâ-gíng gâ̤ Nì-bŏ̤ng iáu Ǔing-gŏ gu̿ sī iŏ̤ng-gă̤-sĭ uā gâ̤.

Da̿u Gí-dŭ-ga̿u gâ̤ uǒ̤ng-hua̿-di̿ , Ciōng-Di̿ nă sáing-gǐ-lṳ̀ ca̿ làu gŏ̤ iōng tê-sáng (頭牲) iáu tông-tuōi (蟲豸), gu̿ cia̿u-diū cù-cī gâ̤ hěng-cò̤ng ca̿ nêng chṳ̆ lâ̤. 《Se̿ng-géng》 Cho̤̿ng-si̿-gi̿ gâ̤ di̿ cì cióng sī iŏ̤ng-gă̤-sĭ uā gâ̤:

24 Ciōng-Di̿ uā, Si̿-gáing niōng nà sáng-ŏ huăi chṳ̆ lâ̤, gŏ̤ iōng iǔ gŏ̤ iōng gâ̤ gă̤-sĭ, lṳ̀ tṳ̆, tông-tuōi, súing di̿ gâ̤ tê-sáng, gŏ̤ iōng iǔ gŏ̤ iōng gâ̤ gă̤-sĭ: ciū cia̿u iŏ̤ng-gă̤-sĭ ca̿ chěng.
25 Ciōng-Di̿ ciū ca̿ chěng iŏ̤ng súing-di̿ gâ̤ tê-sáng, gŏ̤ iōng iǔ gŏ̤ iōng gâ̤ gă̤-sĭ, gìng tê-sáng, gŏ̤ iōng iǔ gŏ̤ iōng gâ̤ gă̤-sĭ, gu̿ iǔ diá-di̿ bâ-lâ gâ̤ tông-tuōi, gŏ̤ iōng iǔ gŏ̤ iōng gâ̤ gă̤-sĭ: Ciōng-Di̿ chū iŏ̤ng dī sī děng hǎu.
26 Ciōng-Di̿ uā, Uòi-huo̿i-nêng giâ-gíng niōng ca̿ chṳ̆ nêng lâ̤, niōng cia̿u-diū uòi gâ̤ hěng-còng, uòi gâ̤ gă̤-sĭ ca̿ chṳ̆ lâ̤: nà huǒi-di̿ gâ̤ ngṳ̂, kóng dé̤ng gâ̤ ciā-ciě, tê-sáng, gìng diá-di̿ bâ-lâ gâ̤ tông-tuōi, dú nă gṳ̀ gǔing-lǐ, gṳ̀ iǎ niōng gǔing-lǐ tóng si̿-gáing.
27 Ciōng-Di̿ ciū cia̿u-diū cù-cī gâ̤ hěng-cò̤ng ca̿ nêng chṳ̆ lâ̤, ca̿ chṳ̆ lâ̤ ciū su̿-siōng Ciōng-Di̿ gâ̤ hěng-cò̤ng; sī ca̿ chṳ̆ cì-ciă nâng cì-ciă nṳ̌.
28 Ciōng-Di̿ hṳ̌ nà hŭ-ki̿ nă gṳ̀-huo̿i-nêng iáu gṳ̀ uā, Niōng huăi-dă̤ cèng cāi, sǎ̤ tóng si̿-gáing dú sī, iǎ niōng di̿-hū-dă̤ si̿-gáing dǎu: ciū-sī huǒi-di̿ gâ̤ ngṳ̂, kóng dé̤ng gâ̤ ciā-ciě, iáu diá-di̿ gŏ̤ iōng ŏ̤ dòng gâ̤ sáng-ŏ, nì dú niōng gǔing-lǐ.
29 Ciōng-Di̿ uā, Tóng si̿-gáing giĕ cǎ̤ gâ̤ cháng cha̤̿, iáu chiū-di̿ sáng iǔ hō gâ̤ guǎ-ciě; uòi lǒng-cǒng dú nă nì ca̿ liông-chǎu.
30 Lâ̤-sī ŭ duói diá-di̿ giǎng gâ̤ tê-sáng kóng dé̤ng ṳě gâ̤ ciā-ciě, iáu gŏ̤ iōng da̿u diá-di̿ bâ-lâ gâ̤ sáng-ŏ, uòi nà gŏ̤ iōng gâ̤ cháng chǎu nă gṳ̀ ca̿ liông-chǎu: ciū cia̿u iŏ̤ng-gă̤-sĭ ca̿ chěng.
31 Ciōng-Di̿ chū iŏ̤ng duói ca̿ gâ̤ dī dú sī děng hǎu. Iǔ dō̤ng ú iǔ tíng guáng, sī hō̤ ca̿ di̿ lṳ̀ góng.

24 上帝話，世間讓拿生物發出來，各樣有各樣嗰格式，陸畜，蟲豸，山裏嗰頭牲，各樣有各樣嗰格式：就照𱕇格式作成。
25 上帝就作成𱕇山裏嗰頭牲，各樣有各樣嗰格式，兼頭牲，各樣有各樣嗰格式，固有地裏爬啦嗰蟲豸，各樣有各樣嗰格式：上帝覷𱕇事是頂好。
26 上帝話，我伙人迦今讓作出人來，讓照住我嗰形像，我嗰格式作出來：拿海裏嗰魚、空中嗰隻仔、頭牲，兼地裏爬啦嗰蟲豸，都吶佢管理，佢也讓管理全世間。
27 上帝就照住自自嗰形像作人出來，造出來就似像上帝嗰形像；是作出一隻男一隻女。
28 上帝許拿福氣吶佢伙人邀佢話，讓發得盡穧，使全世間都是，也讓治服得世間倒：就是海裏嗰魚、空中嗰隻仔，邀地裏各樣會動嗰生物，你都讓管理。
29 上帝話，全世間結籽嗰青菜，邀樹裏生有核嗰果子；我攏總都吶你作糧草。
30 來是兀多地裏行嗰頭牲空中䬌嗰隻仔，邀各樣到地裏爬啦嗰生物，我拿各樣嗰青草吶佢作糧草：就照𱕇格式作成。
31 上帝覷𱕇多作嗰事都是頂好。有斷烏有天光，是合做第六工。