Wp/mnc/ᠠᡳ᠌ᠰᡳᠨ ᡤᡳᡠ᠋ᡵᠣ
Möllendorff hergen i araha ere šu fiyelen be ubade tuwaki.
ᠠᡳᠰᡳᠨ ᡤᡳᠣᡵᠣ᠈ ᠮᠠᠨᠵᡠ ᡠᡴᠰᡠᡵᠠ ᡳ ᡝᠮᡠ ᡥᠠᠯᠠ᠉ᠠᡳᠰᡳᠨ ᠮᡠᡴᡡᠨ ᡳᠨᡠ᠉ᡤᡳᠣᡵᠣ ᠣᠴᡳ ᡥᠠᠯᠠ᠉ᡴᡳ ᠴᠣᠩ ᡳ ᡤᡳᠰᡠᡵᡝᡥᡝᠩᡤᡝ᠈ᡤᡳᠣᡵᠣ ᡩᠠᠴᡳ ᠠᠮᠪᠠ ᠠᡳᠰᡳᠨ ᡤᡠᡵᡠᠨ ᡳ ᡤᡳᠣᡵᠣ ᠰᡝᡵᡝ ᡥᠠᠯᠠ ᠮᡠᠵᠠᠩᡤᠠ᠈’ᠠᡳᠰᡳᠨ ᡤᡳᠣᡵᠣ’ ᠠᡳᠰᡳᠨ ᡳ ᠠᡩᠠᠯᡳᠩᡤᠠ ᡝᠨᡩᡠᡵᡳᠩᡤᡝ ᡠᡴᠰᡠᡵᠠ ᠰᡝᡵᡝ ᡤᡡᠨᡳᠨ ᠰᡝᡥᡝ᠉ ᡩᠠᡳᠴᡳᠩ ᡤᡠᡵᡠᠨ ᠠᡴᡡ ᠣᡶᡳ ᡥᠣᠨ ᠯᠠᠪᡩᡠ ᠨᡳᠶᠠᠯᠮᠠ ᠨᡳᡴᠠᠨ ᡳ ᡥᠠᠯᠠ ᠵᠣᠣ、ᡴᡳᠨ ᡳ ᡤᡝᠰᡝ ᡥᠠᠯᠠ ᡩᡝ ᡥᠠᠯᠠᡥᠠ ᠣᠴᡳᠪᡝ ᡳᠨᡠ ᠠᡳᠰᡳᠨ ᡤᡳᠣᡵᠣ ᠰᡝᡵᡝ ᡥᠠᠯᠠ ᠪᡝ ᠰᡳᡵᠠᠮᡝ ᠪᠠᡳᡨᠠᠯᠠᡵᠠ ᠨᡳᠶᠠᠯᠮᠠ ᠪᡳ᠉
ᠪᠣᠣᡳ ᠵᠠᠯᠠᠨ ᡳ ᡥᡝᡵᡤᡝᠨ
<ᠮᠠᠨᠵᡠᠰᠠᡳ ᠮᡠᡴᡡᠨ ᡥᠠᠯᠠ ᠪᡝ ᡠᡥᡝᡵᡳ ᡝᠵᡝᡥᡝ ᠪᡳᡨᡥᡝ> ᡩᡝ ᡩᠠᠴᡳ ᠨᡠᡵᡤᠠᠴᡳ ᡳ ᡥᠠᠯᠠ ᠣᠴᡳ ᡤᡳᠣᡵᠣ᠉ᠠᡳᠰᡳᠨ ᡤᡳᠣᡵᠣ ᡥᠠᠯᠠᠩᡤᠠ ᠨᡳᠶᠠᠯᠮᠠ ᡩᡠᠯᡳᠮᠪᠠ ᡩᡝ ᡳᠰᡳᠨᠵᡳᡶᡳ ᡩᠠᠴᡳ ᠵᠠᠯᠠᠨ ᡳ ᡥᡝᡵᡤᡝᠨ ᠠᡴᡡ᠉ᡝᠯᡥᡝ ᡨᠠᡳᡶᡳᠨ ᡶᠣᠨᡩᡝ ᡨᡝᠨᡳ ᠨᡳᡴᠠᠨ ᠨᡳᠶᠠᠯᠮᠠ ᡩᡝ ᡝᡵᡝ ᠪᠠᡳᡨᠠ ᠪᡝ ᡨᠠᠴᡳᡶᡳ ᡤᡝᠪᡠ ᡤᡝᠪᡠᠯᡝᡥᡝ᠉ᡩᠠᠴᡳ ᡝᠯᡥᡝ ᡨᠠᡳᡶᡳᠨ ᡥᠠᠨ ᡳ ᠵᡠᡳ ᠴᡝᠩ ᠪᠣᠣ ᠴᠠᠩ ᠰᡝᡵᡝ ᡳᠯᠠᠨ ᡥᡝᡵᡤᡝᠨ ᠪᡝ ᠪᠠᡳᡨᠠᠯᠠᡥᠠᠪᡳ᠉ᡝᠯᡥᡝ ᡨᠠᡳᡶᡳᠨ ᠣᡵᡳᠴᡳ ᠠᠨᡳᠶᠠ ᡨᡝᠨᡳ ᡳᠨ ᠰᡝᡵᡝ ᡥᡝᡵᡤᡝᠨ ᠪᡝ ᡨᠣᡴᡨᠣᠪᡠᡥᠠ᠉ᡤᡝᠯᡳ ᠣᠮᠣᠯᠣ ᡥᠣᠩ ᠪᡝ ᠪᠠᡳᡨᠠᠯᠠᡥᠠ᠈ᡩᠠᠪᡴᡡᡵᡳ ᠣᠮᠣᠯᠣ ᠶᠣᠩ ᠪᡝ ᠪᠠᡳᡨᠠᠯᠠᡥᠠ᠉ᠠᠪᡴᠠᡳ ᠸᡝᡥᡳᠶᡝᡥᡝ ᡶᠣᠨᡩᡝ ᡤᡝᠯᡳ ᠶᠣᠩ ᠮᡳᠶᠠᠨ ᡳ ᡩᡯᠠᡳ ᡩᡠᡳᠨ ᡥᡝᡵᡤᡝᠨ ᠪᡝ ᠵᠠᠯᠠᠨ ᡳ ᡥᡝᡵᡤᡝᠨ ᠪᡝ ᠣᠪᡠᡥᠠ᠉ᡩᠣᡵᠣ ᡝᠯᡩᡝᠩᡤᡝ ᡶᠣᠨᡩᡝ ᡦᡠ ᠶᡠ ᡥᡝᠩ ᡴᡳ ᠪᡝ ᠵᠠᠯᠠᠨ ᡳ ᡥᡝᡵᡤᡝᠨ ᠪᡝ ᠣᠪᡠᡥᠠ᠉ᡤᡠᠪᠴᡳ ᡝᠯᡤᡳᠶᡝᠩᡤᡝ ᡶᠣᠨᡩᡝ ᠪᠣᠣ ᡴᠠᡳ ᡩᡯᡝᠩ ᡴᡳ ᠪᡝ ᠵᠠᠯᠠᠨ ᡳ ᡥᡝᡵᡤᡝᠨ ᠪᡝ ᠣᠪᡠᡥᠠ᠉᠑᠙᠓᠘ ᠠᠨᡳᠶᠠ ᡩᡝ ᠠᡳᠰᡳᠨ ᡤᡳᠣᡵᠣ ᡥᠠᠯᠠ ᡳ ᡩᡠᡵᡠᡤᠠᠨ ᠪᡝ ᡩᠠᠰᠠᡵᠠ ᡩᡝ ᡦᡠ ᡳᡳ ᡤᡝᠯᡳ ᡤᡳᠩ ᡩᡯᡳ ᡴᠠᡳ ᡵ’ᡠᡳ ᡥᡳ ᠶᡳᠩ ᠶᡡᠸᠠᠨ ᡧᡝᠩ ᠵᡝᠩ ᠵᠣᠣ ᠮᠣᠣ ᡥᡳᠶᠠᠩ ᠰᡝᡵᡝ ᠑᠒ ᡥᡝᡵᡤᡝᠨ ᠪᡝ ᠵᠠᠯᠠᠨ ᡳ ᡥᡝᡵᡤᡝᠨ ᡩᡝ ᠨᠣᠩᡤᡳᠪᡠᡥᠠ᠉ ᡩᠠᡳᠴᡳᠩ ᡤᡠᡵᡠᠨ ᡳ ᡥᠠᠨ ᡳ ᠠᡥᡡᡨᠠ ᡩᡝᠣᡨᡝ ᡳ ᡤᡝᠪᡠ ᡳ ᡨᠠᡵᡤᠠᠴᡠᠨ ᠣᠩᡴᡳᡵᡝ ᡴᠣᠣᠯᡳ ᠠᡴᡡ᠉ᡥᡡᠸᠠᠯᡳᠶᠠᠰᡠᠨ ᡨᠣᠪ ᡶᠣᠨᡩᡝ ᡥᠠᠨ ᡳ ᠠᡥᡡᡨᠠ ᡩᡝᠣᡨᡝ ᡳᠨ ᠪᡝ ᠶᡡᠨ ᡩᡝ ᡥᠠᠯᠠᠪᡠᡥᠠ᠉ᡩᠠᠮᡠ ᠠᠪᡴᠠᡳ ᠸᡝᡥᡳᠶᡝᡥᡝ ᡶᠣᠨᡩᡝ ᡤᡝᠪᡠ ᡳ ᡨᠠᡵᡤᠠᠴᡠᠨ ᠪᡝ ᠣᠩᡴᡳᡵᠠᡴᡡ᠉ᠰᠠᡳᠴᡠᠩᡤᠠ ᡶᡝᠩᡧᡝᠨ ᡶᠣᠨᡩᡝ ᡥᠠᠨ ᠪᡝᠶᡝ ᡳ ᡤᡝᠪᡠ ᠪᡝ ᡥᠠᠯᠠᡥᠠ᠉ᡩᠣᡵᠣ ᡝᠯᡩᡝᠩᡤᡝ ᡶᠣᠨᡩᡝ ᡳᠨᡠ ᡥᠠᠨ ᠪᡝᠶᡝ ᡳ ᡤᡝᠪᡠ ᠪᡝ ᡥᠠᠯᠠᡥᠠ᠉
ᡝᠵᡝᡥᡝᠨ
ᠠᡳᠰᡳᠨ ᠣᠴᡳ ᡴᡳᠨ ᠰᡝᡵᡝ ᡥᠠᠯᠠ ᡩᡝ ᡝᠮᡝᠮᡠᠩᡤᡝ ᡳ ᡤᡡᠨᡳᠨ ᡩᡝ ᡩᠠᡳᠴᡳᠩ ᡤᡠᡵᡠᠨ ᡳ ᡥᠠᠨ ᠵᠠᡳ ᠠᠮᠪᠠ ᠠᡳᠰᡳᠨ ᡤᡠᡵᡠᠨ ᡳ ᡥᠠᠨ ᡝᠮᡠᡴᡝ ᠠᡳᠮᠠᠨ ᡳ ᠨᡳᠶᠠᠯᠮᠠ᠉ᡩᠠᠮᡠ ᡨᠠᡳᡩᡯᡠ ᡳ ᡥᡝᠨᡩᡠᡥᡝᠩᡤᡝ ᡩᠠᡳᠮᡳᠩ ᡤᡠᡵᡠᠨ ᡳ ᡥᠠᠨ ᠰᠣᠩ ᡤᡠᡵᡠᠨ ᡳ ᡥᠠᠨ ᡳ ᡝᠨᡝᠨ ᠸᠠᡴᠠ᠈ᠪᡳ ᡳᠨᡠ ᠠᠮᠪᠠ ᠠᡳᠰᡳᠨ ᡤᡠᡵᡠᠨ ᡳ ᡥᠠᠨ ᡳ ᡝᠨᡝᠨ ᠸᠠᡴᠠ ᠰᡝᡥᡝᠪᡳ᠉ᡠᡨᡨᡠ ᠣᡶᡳ ᡝᡵᡝ ᡨᡠᠸᠠᡴᡡᠨ ᡨᠠᡧᠠᡵᠠᡥᠠ᠉