Jump to content

Wp/mfp/Said bing Al-Musayyab

From Wikimedia Incubator
< Wp | mfp
Wp > mfp > Said bing Al-Musayyab
Kaligorafi untuk namana Said bing Al-Musayyab dalang bahasa Arab.

Said bing Al-Musayyab (13 H – 93 H) adala sala seorang tabi'ing di Kota Madina yang morupakang ahli hadis dan fukaha abad ke-1 Hijiriya. Dia bortomu dengang sobagiang bosar sahabakna Muhammad dang borguru tontang ilmu hadis kopada boborapa sahabakna Muhammad. Hadis-hadis dari riwayakna Said bing Al-Musayyab torgolong sahih. Said bing Al-Musayyab biasana moriwayakkang hadis ahak dari Abu Hurairah dang Abu Said Al-Khudari. Pomikirang ponting dari Said bing Al-Musayyab adalah pongortianna sahabak Muhammad dang powarisang harta.

Nasak dan pondidikang

[edit | edit source]

Said bing Al-Musayyab dilahirkang di Kota Madina pada tahung 13 Hijiriya atau 634 Masihi. [1] Nasak dari Said bing Al-Musayyab adalah Said bing Al-Musayyab bing Hazan bing Abu Wahab bing Amru.[2] Bapakna Said bing Al-Musayyab yaitu Al-Musayyab bing Hazn morupakang sahabakna Muhammad yang moriwayakkang hadis hanya kopada dirina solaku anakna.[3] Semasa hidupnya, Said bing Al-Musayyab juga bortomu dengang sobagiang bosar dari sahabakna Muhammad.[4] Boborapa guruna Said bing Al-Musayyab dalang bidang porwiyatang hadis yaitu Ubay bing Ka'ab, Anas bing Malik, Jabir bing Abdullah, Umar bin Khattab, dang Abu Hurairah.[5] Said bing Al-Musayyab juga borguru kopada Abdullah bing Abbas.[6]

Koutamaang dalang Islang

[edit | edit source]

Said bing Al-Musayyab morupakang sala seorang tabi'ing.[7] Ia ahli dalang bidang hadis dang fiki dang dikonal sobagai sala satu fukaha utama di Kota Madina pada abak ke-1 Hijiriya atau abak ke-7 Masihi.[1] Riwayak hadis dari Said bing Al-Musayyab yang torsambung ke sahabakna nabi yaitu Abdullah bing Amer bing Al-Asy torgolong hadis sahih.[8] Said bing Al-Musayyab mombagikang hadis yang dikumpulkanna dari para sahabak Muhammad untuk diriwayakkang kopada Az-Zuhri dang Makhul.[1]

Said bing Al-Musayyab dikonal sobagai bagiang dari tuju ahli fiki Madinah.[9] Dia adala sala satu tabi'ing yang borguru kopada para sahabakna Muhammad tontang carana borpatwa dan borijtihak.[10] Pada masa hidukna, pondapak-pondapak Said bing Al-Musayyab dijadikang rujukang dalang monyolosaikang persoalang hukung yang torjadi di masarakak.[11] Patwa-patwa dari Said bing Al-Musayyab monggunakang Al-Kur'ang dang sunnana Muhammad sobagai nabi dalang Islang sobagai rujukanna. Said bing Al-Musayyab juga monggunakang rujukang laing soporti patwa-patwana para sahabakna Muhammad, ijmak, kiyas, dan komaslahatang borsama.[12] Solaing itu, Said bing Al-Musayyab biasana borpondapak monggunakang hadis ahak. Para sahabakna Muhammad yang narujuk ole Said bing Al-Musayyab hadis ahakna yaitu hadisna Abu Hurairah dang Abu Said Al-Khudari.[13]

Pomikiranna yang ponting

[edit | edit source]

Pongortianna sahabak Muhammad

[edit | edit source]

Said bing Al-Musayyab morupakang sala satu ulama usul hadis yang momborikang batasang yang kotat mongonai pongortianna sahabak Muhammad. Ia mongartikang sahabak Muhammad sobagai sotiak orang yang borimang kopada konabiang Muhammad dang pornah tinggal borsama Muhammad solama satu atau dua tahung sobanyak dua kali.[14]

Powarisang harta

[edit | edit source]

Said bing Al-Musayyab morupakang sala satu ulama dari kalangang tabi'ing yang momiliki pondapak borbeda dengan jumhur ulama dalam mashak yang empak mongonai powarisang harta. Dia borpondapak bahwa seorang musling dapat mewarisi harta dari orang kapir. Sodangkang orang kapir tidak dapat momporole wairsang dari seorang musling.Dalil yang digunakanna untuk borpondapak domikiang adala ayak yang mombolekang seorang musling monikahi seorang wanita ahli kitak totapi molarang seorang sorang kapir untuk monikahi porompuang musling.[15]

Komatiang

[edit | edit source]

Said bing Al-Musayyab moninggal pada tahun 93 Hijiriya.

Rujukanna

[edit | edit source]
  1. 1 2 3 Usmani, Ahmad Rofi' (Oktoberek 2016) Islamic Golden Stories: Tanggung Jawab Pemimpin Muslim (dalang bahasa Indonesia). Diuba-sosuaikang ole Dawami, I., dang Intan, N. Salemang: Penerbit Bunyan. Hlm. 3. ISBN 978-602-291-266-8.
  2. ↑ Ma'rifah, Nurul. (Desemberek 2013) Hadis Hukum Keluarga: Telaah Kritis terhadap Sanad dan Matan (dalang bahasa Indonesia). Diuba-sosuaikang ole Kosim. Cirebon: Fakultas Syariah, IAIN Syekh Nurjati Cirebon. Hlm. 43. ISBN 978-602-14858-5-9.
  3. ↑ Ardiansyah dang Firmansyah, H. (Mare' 2023) Ulumul Hadis (dalang bahasa Indonesia). Diuba-sosuaikang ole Adly, Muhammad Amar. Medang: Perdana Publishing. Hlm. 45. ISBN 978-623-411-052-4.
  4. ↑ Rahman, Mohamad S. (2014) Ulumul Hadis (dalang bahasa Indonesia). Manado: Penerbit STAIN Manado Press. Hlm. 225.
  5. ↑ Helfi (April 2019) Eksistensi Hukuman Rajam dari Penelitian Hadis sampai Kritik Penafsiran (dalang bahasa Indonesia) Diuba-sosuaikang ole Afriyani, Dona. Bandar Lampung: AURA. Hlm. 27. ISBN 978-623-211-057-1.
  6. ↑ Auda, Jasser. (2008) Maqasid al-SharÏah as Philosophy of Islamic Law: A Systems Approach (dalang bahasa Inggeris) Londong: The International Institute of Islamic Though. Hlm. 62. ISBN 978-1-56564-424-3.
  7. ↑ Ladoma, Kamarudin (2023) Stud Hadits (dalang bahasa Indonesia). Salemang: Penerbit Deepublish. Hlm. 153.
  8. ↑ Djayadi, Mahsun (2019) Ibrah Kehidupan (dalang bahasa Indonesia). Diuba-sosuaikang ole Saputro, Ferry Yudi Antonis. Surabaya: UM Surabaya Publishing. Hlm. 175. ISBN 978-623-7259-07-7.
  9. ↑ Al-Maraghi, Abdullah Musthafa (Peberuari 2020) Ensiklopedia Lengkap Ulama Ushul Fiqh Sepanjang Masa (dalang bahasa Indonesia). Diuba-sosuaikang ole Rusdianto. Yogyakarta: IRCiSoD. Hlm. 7. ISBN 978-623-7378-22-8.
  10. ↑ Ramli (Desemberek 2021) Ushul Fiqh (dalang bahasa Indonesia). Yogyakarta: Nuta Media. Hlm. 11. ISBN 978-623-95325-5-6.
  11. ↑ Marzuki (2017) Pengantar Studi Hukum Islam: Prinsip Dasar Memahami Berbagai Konsep dan Permasalahan Hukum Islam di Indonesia (dalang bahasa Indonesia). Diuba-sosuaikang ole Pratama, Aditya. Yogyakarta: Penerbit Ombak. Hlm. 259. ISBN 978-602-7544-98-7.
  12. ↑ Misbahuddin (Desemberek 2013) Ushul Fiqh I (dalang bahasa Indonesia). Diubasosuaikang ole Cahyani, Andi Intan. Makassar: Alauddin University Press. Hlm 8–9.
  13. ↑ Safri, Edi. (Septemberek 2013) Al-Imam Al-Syafi'iy: Metode Penyelesaian Hadis-hadis Mukhtalif (dalang bahasa Indonesia). Padang: Hayfa Press. Hlm. 55. ISBN 978-602-8372-21-3.
  14. ↑ Alfiah, Fitriadi, dang Suja’i (2016) Studi Ilmu Hadis (dalang bahasa Indonesia) Pekang Baru: Kreasi Edukasi. Hlm. 68. ISBN 978-602-6879-37-0.
  15. ↑ Maidin, Muhammad Sabir (2020) Hadis-Hadis Hukum (dalang bahasa Indonesia) Diuba-sosuaikang ole Abidin, Zaenal. Gowa: Alauddin University Press. Hlm. 94. ISBN 978-602-328-267-8.

Retrieved from "https://incubator.wikimedia.org/w/index.php?title=Wp/mfp/Said_bing_Al-Musayyab&oldid=6951676"