Wp/mfp/Muhammad
Muhammad (moninggal 11 Hijiriya atau 632 Masihi) adala sala satu nabbi dalang Islang. Ummak islang yakingi bahwa Muhammad monorima wahyu portama dari Alla molalui malaekak Jibraele di Goa Hira katika usiana 40 taung.
Kalaherang dan silasila
[edit | edit source]Muhammad laherek di Kota Makka dari katurunang Bani Hasying yang termasuk bagiang dari suku Kurais.[1] Bani Hasying itu yang tormasuk bangsa Arab.[2] Muhammad morupakang koturunang dari Ibrahing.[3]
Koahlian
[edit | edit source]Pada umur sakitar 12 taung, Muhammad mulai bordagang dengang pamanna yaitu Abu Talib.[4] Muhammad mombawa barang dagangang dari pasar di Makka ke pasar di Sam. Sosudana bordagang sama pamanna, Muhammad dilati momake sonjata oleh pamang-pamanna yaitu Abbas dang Hamsa agar bisa tongi ikuk borperang. Sonjata yang ahli napake Muhammad adala pana korana matana bisa moliak jarak jau.[5]
Awal pawahyuang dan kadudukanna dalang Islang
[edit | edit source]Ummak islang yakingi bahwa Muhammad monorima wahyu portama dari Alla molalui malaekak Jibraele di Goa Hira katika usiana 40 taung. Tanggalakna monorima wahyu yaitu 17 Ramalang taung 611 Masihi. Ayak-ayak portama yang naterima Muhammad adalah Al-Kur'ang Surak Al-Alak ayak satu sampe lima.[6] Ummak Islang yakingi bahwa Muhammad diutus oleh Alla untuk manyampaikan Islang ke saluru dunia. Pangutusang Muhammad di tana Arak dianggak manjadikang bangsa Arak sabagai bangsa portama yang manyampaikan Islang kepada saluru ummak manusia di saluru dunia.[7]
Muhammad diutuski oleh Alla untuk monyampekang ajarang tauhik yaitu hanya monyomba kopada Alla sosuai kotontuanna Alla.[8] Ajarang Islang yang nasampekang Muhammad molalui Al-Kur'ang dianggak oleh Ummak Islang sabagai ajarang luhuruk, mulia dang monjadi padomang hiduk bagi Musling sampe torjadi hari kiamak.[9]
Komatiang
[edit | edit source]Muhammad maninggal pada taung 11 Hijiriya yang sama dengan taung 632 Masihi.[10]
Sumber kutipanna
[edit | edit source]- ↑ Nasution, Syamruddin (Nopemberek 2013) Sejarah Peradaban Islam (dalang bahasa Indonesia) Pekanbaru: Yayasan Pusaka Riau. Hlm.11. ISBN 979-9339-27-4.
- ↑ Yardho, Mohammad (Agustusuk 2017) Nur Muhammad dalam Isyarat Al-Qur'an dan Hadist (dalang bahasa Indonesia). Surabaya: Imtiyaz. Hlm. 22. ISBN 978-602-7661-97-4.
- ↑ Asy-Sya'rawi, Muhammad Mutawalli (2007) Basyarahil, Umar (ed.) Anda Bertanya Islam Menjawab (dalang bahasa Indonesia) [''Anta Tas'alu wal Islaamu Yujiibu''] Ditorjomahkan ole Abu Abdillah Al-Mansur. Jakarta: Gema Insani Press. Hlm. 211. ISBN 979-561-234-4.
- ↑ Rokan, Mustafa Kamal (Nopemberek 2013) Bisnis Ala Nabi (dalang bahasa Indonesia) Bandung: Mizan Media Utama. Hlm. 22. ISBN 978-602-7888-67-8.
- ↑ Lings, Martin (Oktoberek 2006) Muhammad: His Life Based on the Earliest Sources (dalang bahasa Inggiris) Rochester: Inner Traditions. Hlm. 31. ISBN 978-1-5947-7153-8.
- ↑ Bunyamin (Peberuari 2017) Implementasi Strategi Pembelajaran Nabi Muhammad SAW (dalang bahasa Indonesia) Jakarta: Uhamka Press. Hlm.19. ISBN 978-602-1078-13-6.
- ↑ Al-Buthy, Said Ramadhan (Septemberek 2015) The Great Episodes of Muhammad SAW.: Menghayati Islam dari Fragmen Kehidupan Rasulullah Saw. (dalang bahasa Indonesia) Diartikang dari bahasa Arak [Fiqh as-Sîrah an-Nabawiyyah Ma'a Mûjaz Litârîkh al-Khilâfah ar-Râsyidah] Jakarta Selatan: Penerbit Noura Books. Hlm. 32. ISBN 978-602-0989-24-2.
- ↑ Ibrahim, A., dkk. (Juni 2021) Pengantar Ekonomi Islam (dalang bahasa Indonesia) Jakarta: Departemen Ekonomi dan Keuangan Syariah, Bank Indonesia. Hlm. 5. ISBN 978-602-60042-9-1.
- ↑ Thohir, Ajid. (Oktoberek 2014) Sirah Nabawiyah (dalang bahasa Indonesia) Bandung: Penerbit Marja. Hlm. 5. ISBN 979-24-5796-8.
- ↑ Muhammad Zakariya, Din (Juli 2018) Sejarah Peradaban Islam: Prakenabian hingga Islam di Indonesia (dalang bahasa Indonesia) Malang: CV. Intrans Publishing. Hlm. 15. ISBN 978-602-08996-4-0.