Wp/mfp/Kiamak
Dalang ajarang Islang, kiamak atau hari ahir adala wattu torjadina kobinasaang soluruh alang somosta. Koimanang mongonai torjadina hari kiamak morupakang bagiang dari rukung imang dalang ajarang Islang. Wattu torjadina hari kiamak hanya dikotahui ole Alla. Namung tordapak tanda-tanda yang mombuak orang tau bahwa kiamak suda maumi torjadi.
Kodudukang
[edit | edit source]Kiamak morupakang sala satu kojadiang gaik yang diyakingi dalang Islang pasti akang torjadi. Moyakingi tontang kojadiang gaik tormasuk bagiang dari rukung imang bagi musling yang dinyatakang dalam Al-Kur'ang dang hadis. Kodudukang koyakinang tontang kojadiang gaik sabagai salah satu tanda orang borimang disakbukkang dalang Surak Al-Baqarah ayak kotiga. Dalang hadis riwayak Bukhari dang Muslim dari Abu Hurairah, Muhammad sabagai nabi dang rasul dalang Islang tolah monyatakang bahwa dirina diporintah sama Alla untuk monyampaikang tontang kojadiang gaik kopada orang borimang dang sala satuna adala tontang kiamak.[1]
Wattu kojadianna
[edit | edit source]Dalang ajarang Islang, kiamak soring tongi dinamakang hari ahir. Dinamakangi soporti itu karana kiamak diyakingi akang torjadi kotika wattu-wattu torahirnami alang somosta dang wattu-wattu torahirnami kohidupang mahluk hiduk.[2] Di dalang ayak-ayak Al-Kur'ang maupung hadis sama sokali tidak ada kotorangang mongonai wattu kojadianna kiamat dang Alla ji yang tauki wattu torjadina. Solaing itu, tidak ada hadis sahih yang monjelaskang tontang ponotapang hari torjadina kiamak yang morujuk kopada pornyataanna Muhammad sobagai nabi dalang Islang.[3]
Tanda-tandana
[edit | edit source]Tanda-tanda kiamak morupakang kojadiang-kojadiang yang mombuak orang tau bahwa kiamak suda maumi torjadi.[4]
Referensi
[edit | edit source]- ↑ al-'Areifi, Muhammad (2011) Kiamat Sudah Dekat? (dalang bahasa Indonesia) Ditorjomahkang ole Askar, Zulfi. Di ubah-sosuaikang ole Afkar, Dahyal. Jakarta: Qisthi Press. Hlm. 3–4. ISBN 978-979-1303-51-4
- ↑ Lajnah Pentashihan Mushaf Al-Qur'an & Lembaga Ilmu Pengetahuan Indonesia (Juni 2011) Kiamat dalam Perspektif Al-Qur'an dan Sains (dalang bahasa Indonesia) Jakarta: Lajnah Pentashihan Mushaf Al-Qur'an. ISBN 978-602-9306-08-8.
- ↑ Katsir, Ibnu (2016) Dahsyatnya Hari Kiamat (dalang bahasa Indonesia). Diuba-sosuaikang ole Hikmatiar, Ikhlas. [An-Nihayah fi al-Fitan wa al-Malahim] Ditorjomahkang ole Nurdin, Ali. Jakarta: Qisthi Press. Hlm. 178. ISBN 978-979-1303-85-9.
- ↑ Al-Fauzan, Shalih bin Fauzan. (2021) Kejadian Akhir Zaman & Tanda Kiamat Kubra. (dalang bahasa Indonesia) Diubah-sosuaikang ole Prayuda, Bayu. [[Al-Irsyaad ilaa Shahil I’tiqaad]] Ditorjomahkang ole Bahraen, Raehanul.