Jump to content

Wp/mfp/Adang (Islang)

From Wikimedia Incubator
< Wp | mfp
Wp > mfp > Adang (Islang)
Kaligorafi namana Adang (Adam) dalang bahasa Arab.

Dalang ajarang Islang, Adang (bahasa Arab: آدم) adalah manusia portama yang diciptakang ole Alla. Namana Adang disobuk socara langsung sobanyak 16 kali dalang 16 ayak pada 6 surak dalang Al-Kur'ang. Adang diciptakang ole Alla dari saripatina tana. Sotolah Adang dang isterina yaitu Hawa momakang bua yang dilarang untuk dimakang ole Alla, koduanya komduiang diturungkang dari surga ole Alla. Kohidupang Adang di Bumi dinyatakang dalang Surak Al-A'rap ayak ke-24. Dalang ajarang Islang diyakingi bahwa ajarang Islang bormula dari Adang. Adang dalang ajarang Islang juga monjadi laki-laki portama yang mombontuk ruma tangga dengang wanita.

Dalil dang pongisahanna

[edit | edit source]
Sobua Al-Kur'ang yang momuak ayak-ayak mongonai Adang dalang ajarang Islang.

Adang dicoritakang di dalang Al-Kur'ang borulang kali.[1] Di dalang Al-Kur'ang, namana Adang disobuk socara langsung sobanyak 16 kali dalang 16 ayak pada 6 surak. Somontara itu, nama Adang dengang ponyobutanna dalang hal laing disobukkan sobanyak 25 kali dalang 25 ayak pada 9 surak. Surak-surak di dalang Al-Kur'ang yang monyobukkang namana Adang yaitu Surak Al-Bakara, Surah Ali Imrang, Surak Al-Ma'idah, Surak Al-A'rap, Surak Al-Isra', Surak Maryang, Surak Al-Kahpi, Surak Taha, dang Surak Yasing.[2] Surak-surak yang paling banyak mongisahkang tontang Adang adalah Surak Al-Bakara, Surak Al-A'rap, Surak A-Isra', Surak Al-Kahpi dang Surak Taha.[3]

Ponciptaanna

[edit | edit source]
Surak Al-Bakara ayak ke-30 yang mongisakang tontang koinginanna Alla untuk monciptakang Adang.

Adang diciptakang ole Alla dari saripatina tana.[4] Koinginang Alla untuk monciptakang Adang dinyatakang dalang Surak Al-Bakara ayak ke-30. Dalang ayak torsobuk, Alla monyatakang kopada para malaekak bahwa Dia inging menjadikang halipah di Bumi. Halipah yang dihajakkan ole Alla adala Adang dan koturunanna.[5] Penciptaang Adang sobagai mahluk dilakukang ole Alla sotolah Alla solosai monciptakang mahluk lainna yaitu Bumi, Langik dang malaekak.[6] Adang diciptakang ole Alla socara langsung dengang monyatakang 'jadila' dan bontuk tubu Adang pung torbontuk.[7] Sotolah itu, Alla moniupkang roh ke dalang tubuna Adang.[8]

Kohidupang di Surga

[edit | edit source]

Sotolah Adang dang Hawa momakang bua yang dilarang untuk dimakang ole Alla, koduanya komduiang diturungkang dari surga ole Alla. Kojadiang Adang dang Hawa diturungkang dari Surga disobukkang dalang Surak Al-Bakara ayak ke-36.[9]

Kohidupang di Bumi

[edit | edit source]
Surak Al-A'rap ayak ke-24 yang mongisakang tontang diturungkanna Adang borsama Ibilis ole Alla ke Bumi.

Kohidupang Adang di Bumi dinyatakang dalang Surak Al-A'rap ayak ke-24. Ayak ini monyatakang bahwa Alla monurungkan Adang borsama Hawa dang Ibilis koe pormukaanna Bumi untuk monjalankang kohidupang masing-masing. Kohidupang Adang di pormukaang Bumi sampai wattu yang tolah ditontukang ole Alla. Tidak ada kosopakatang mongonai tompak diturungkanna Adang di pormukaang Bumi ka tidak ada riwayak hadis yang monyobukkang tompak turungna Adang socara sahih. Namung wattu diturungkanna Adang ko pormukaang Bumi disopakati pada hari Jumak monuruk hadis yang diriwayakkan ole Musling dang An-Nasa'i. [10]

Kodudukanna dalang Islang

[edit | edit source]

Nabi dang rasul

[edit | edit source]
Gambar borbahasa Arab yang monampilkang kodudukang Adang sabagai nabi dang rasul dengang urutang portama dalang Islang.

Dalang ajarang Islang diyakingi bahwa ajarang Islang bormula dari Adang.[11] Islang sobagai agama diyakingi dalang ajarang Islang tidak dimulai ole Muhammad molaingkang ole Adang.[12] Kodudukanna Adang sobagai asalna ummak manusia. Islang dalang koyakingang Adang dihubungkang dengan artina sebagai sikak borsorah diri kopada Alla. Borsorah dirina Adang kopada Alla mombuak Adang dalang ajarang Islang borkodudukang sobagai musling yang portama.[13]

Kodudukang Adang dalang koyakinang ummak Islang dinyatakang dalang ayak-ayak yang tordapak di dalang Al-Kur'ang. Dalang ajarang Islang, Adang diyakingi koboradaanna sobagai manusia portama yang monjadi nabi sokaligus monjadi rasul.[14] Adang diyakingi ole Musling tolah momulai monyorukang kopada ummak manusia untuk mongesakang Alla dang hanya monyomba Alla saja. Solaing itu, Adang diyakingi juga monyorukang kopada ummak manusia untuk mominta tolong dang bordoa kopada Alla saja.[15]

Toladang ruma tangga

[edit | edit source]

Adang dalang ajarang Islang juga monjadi laki-laki portama yang mombontuk ruma tangga. Ruma tanggana Adang dibontuk dengang pornikahang lawang jonisna yaitu wanita. Conto ruma tanggana Adang mombuak ajarang Islang hanya mongonal pornikahang lawang jonis antara laki-laki dang porompuang. Ajarang Islang molarang pornikahang sosama jonis soporti pornikahang laki-laki dengang laki-laki atau pornikahang porompuang dengang porompuang.[16]

Referensi

[edit | edit source]
  1. ↑ Mustofa, Agus (Juni 2007) Ternyata Adam Dilahirkan (dalang bahasa Indonesia) Diuba-sosuaikang ole Tjahjolelono, Anang. Surabaya: PADMA Press. Hlm. 14. ISBN 978-979-1070-06-5.
  2. ↑ Nasution, Abdul Halim (Aperele 2022) Pengabadian Al-Quran Nilai Pendidikan Pada Kisah Nabi Adam (dalang bahasa Indonesia) Diuba-sosuaikang ole Pusdikra Publishing. Medan: CV. Pusdikra Mitra Jaya. Hlm. 3. ISBN 978-623-6853-98-6.
  3. ↑ Ash-Shallabi, Ali Muhammad (Desemberek 2022) Adam Alaihissalam: Penciptaan Manusia Pertama (dalang bahasa Indonesia) Diuba-sosuaikang ole Zirzis, Achmad. [Qishshah Bad'i Al-Khalq wa Khalqu Adam Alaihissalam] Ditorjomahkang ole Irham, M., dang Supar, M. M. Jakarta Timur: Pustaka Al-Kautsar. Hlm. 15. ISBN 978-623-173-001-5.
  4. ↑ Syafi'ie, Abdullah (2016) Megahnya Surga (dalang bahasa Indonesia) Diuba-sosuaikang ole Malik, AH. Zain. Yogyakarta: Saufa. Hlm. 21. ISBN 978-602-255-904-7.
  5. ↑ Katsir, Ibnu (Mare' 2015) Kisah Para Nabi (dalang bahasa Indonesia) Diuba-sosuaikang ole Noviyanti, Rica. [Qashashul Anbiya] Ditorjomahkang ole Mujtahid, Umar. Jakarta: Ummul Qura. Hlm. 37. ISBN 978-602-7637-09-2.
  6. ↑ Lajnah Pentashihan Mushaf Al-Qur'an & Lembaga Ilmu Pengetahuan Indonesia (Nopemberek 2016) Penciptaan Manusia dalam Perspektif Al-Qur'an dan Sains (dalang bahasa Indonesia). Jakarta Timur: Lajnah Pentashihan Mushaf Al-Qur'an. Hlm. 22. ISBN 978-602-976-532-8.
  7. ↑ al-'Areifi, Muhammad (2011) Kiamat Sudah Dekat? (dalang bahasa Indonesia) Ditorjomahkang ole Askar, Zulfi. Di ubah-sosuaikang ole Afkar, Dahyal. Jakarta: Qisthi Press. Hlm. 307. ISBN 978-979-1303-51-4
  8. ↑ El-Ansary, Waleed Adel (Agustusuk 2019) Kata Bersama antara Muslim dan Kristen (dalang bahasa Indonesia) Diuba-sosuaikang ole El-Ansary, W., dkk. Yogyakarta: Gadjah Mada University Press. Hlm. 298–299. ISBN 978-602-386-381-5.
  9. ↑ Rahman, Muhammad Taufiq (Agustusuk 2021) Sosiologi Islam (dalang bahasa Indonesia). Diuba-sosuaikang ole Febriyani, Rina. Bandung: Prodi S2 Studi Agama-Agama UIN Sunan Gunung Djati Bandung. Hlm. 127. ISBN 978623-95343-8-7
  10. ↑ Nareswari, Marya Kinanthi (Mei 2015) Wanita-wanita yang Diabadikan dalam Al-Qur'an (dalang bahasa Indonesia) Diuba-sosuaikang ole Albi. Medpress Digital. Hlm. 21. ISBN 978-979-878-347-0.
  11. ↑ Wolfe, Michael (Januari 2003). Haji: Kesaksian Seorang Mualaf (dalang bahasa Indonesia) Diuba-sosuaikang ole Mushthafa, M. [The Hadj: An American's Pilgrimage to Mecca] Ditorjomahkang ole Ali, A., dang Rauf, H. Jakarta: Serambi Ilmu Semesta. Hlm. 26. ISBN 979-3335-09-2.
  12. ↑ Bin, Y., dang Knepper, T (u-s.) (2020) Religions of Beijing (dalang bahasa Inggiris). London & New York: Bloomsbury Academc. Hlm. 71. ISBN 978-1-3501-2710-4.
  13. ↑ Dirks, F. Jerald ( Apirilik 2006) Salib di Bulan Sabit: Dialog Antariman Islam–Kristen (dalang bahasa Indonesia). Diuba-sosuaikang ole Muhammad, Qasy-F. [The Cross & The Crescent] Ditorjomahkang ole Ruslani. Hlm. 49. ISBN 979-16-0140-2.
  14. ↑ Syahin, Abdul Shabur (Apirilik 2004) Adam Bukan Manusia Pertama: Mitos atau Realita (dalang bahasa Indonesia). Jakarta: Penerbit Republika. Hlm. iii. ISBN 979-3210-28-1.
  15. ↑ Usman (Juni 2015) Dua Puluh Lima Nabi Banyak Bermukjizat (dalang bahasa Indonesia) Bandung: CV. Rasi Terbit. Hlm. 803–804. ISBN 978-602-1179-57-4.
  16. ↑ Al-Qardhawi, Yusuf (Oktoberek 2016) Bagaimana Berinteraksi dengan Al-Qur'an (dalang bahasa Indonesia). Diuba-sosuaikang ole Tim Al-Kautsar. [Kaifa Nata'amal Ma'a Al-Qur'an] Ditorjomahkang ole Suhardi, Kathur. Jakarta Timur: Pustaka Al-Kautsar. Hlm. 13. ISBN

Retrieved from "https://incubator.wikimedia.org/w/index.php?title=Wp/mfp/Adang_(Islang)&oldid=6951675"