Jump to content

Wp/mfp/Abdul Malik bing Marwang

From Wikimedia Incubator
< Wp | mfp
Wp > mfp > Abdul Malik bing Marwang
Uang dinar yang monampilkang dirina Abdul Malik bing Marwang (695 M).

Abdul Malik bing Marwang (Madina, 26 H – 86 H) adala halipa kolima dalang Kohalipaang Umayya. Sobolum monjabak sobagai Halipa Umayya, Abdul Malik bing Marwang monjabak sobagai Gubernur Madina sojak borusia 16 tahung. Kokuasaang Abdul Malik bing Marwang sobagai Halipa Umayya borlangsung sojak tahung 685 Masihi dengang pusak pomorintahang di Damaskus. Solama masa pamarentahanna, Abdul Malik bing Marwang momporluas wilayana Kohalipaang Umayya ke ara timur dang moncakuk kawasang di soborang sungai Amu sampe di Punjak.

Pada masa pamarentahanna Abdul Malik bing Marwang sobagai Halipah Umayya, Al-Kur'ang mulai dibori tanda titik. Abdul Malik bing Marwang morupakang seorang ahli tata nagara dang ahli bidang pengurusang birokrasi. Abdul Malik bing Marwang morupakang halipa portama dari Kohalipaang Umayya yang monorapkang kobjikang pongarabang.ke soluruh wilaya yang dikuasai ole ummak Islang. Abdul Malik bing Marwang juga monjadi halipa portama dalang Kohalipaang Umayya yang moncetak uang dinar dengang nilai mata uang dalang bahasa Arab untuk monggantikang nilai mata uang Kokaisarang Bisantiung.

Nasak

[edit | edit source]

Abdul Malik bing Marwang dilahirkang pada tahung 26 H atau 647 M di Kota Madina kotika Usmang bin Affang tolah momorintah sobagai halipah. Nasak dari Abdul Malik bing Marwan yaitu Abdul Malik bing Marwang bin Al-Hakam bing Abu Al-Asy bing Umayya. Nama mamakna Abdul Malik bing Marwang adala Aisyah binti Al-Hakam bing Al-Mugirah bing Abu Al-Asy bing Umayya.[1]

Kokuasaang sobagai halipa

[edit | edit source]
Wilaya Kohalipaang Umayya (hijo golak) dalang masa pamarentahanna Abdul Malik bing Marwang (705 M).

Sobolum monjabak sobagai Halipa Umayya, Abdul Malik bing Marwang monjabak sobagai Gubernur Madina sojak borusia 16 tahung.[2] Abdul Malik bing Marwang monjadi halipa yang kolima bagi Kohalipaang Umayya.[3] Ia momorinta monggantikan Halipa Umayya ke-4 yaitu Marwang bin Hakam.[4] Kokuasaang Abdul Malik bing Marwang sobagai Halipa Umayya borlangsung sojak tahung 685 M.[5] Abdul Malik bing Marwang momorinta Kehalipaang Umayya dengang pusak pomorintahang di Damaskus.[6]

Solama masa pamarentahanna, Abdul Malik bing Marwang momporluas wilayana Kohalipaang Umayya ke ara timur.[7] Bagiang timurna Kohalipaang Umayya moncakuk kawasang di soborang sungai Amu yang moliputi Balkanabak, Buhara, Kawarismi, Pargana dang Samarkang. WIlaya kokuasanna Abdul Malik bing Marwang juga sampai ke India dan moliputi Balukistang, Sindu, Punjak, dang Multang.[8] Pamarentahang Abdul Malik bing Marwang borakhir pada tahung 705 M.[9]

Kobijakang ponting

[edit | edit source]

Kobijakang borkaitang dengang agama Islang

[edit | edit source]

Pada masa pamarentahanna Abdul Malik bing Marwang sobagai Halipah Umayya, Al-Hajjaj bing Yusup mongusulkang agar Al-Kur'ang dibori tanda titik. Usulang ini ditorima ole Abdul Malik bing Marwang sohingga ponulisang Al-Kur'ang suda momakai titik sojak masa pamarentahanna.[10] Toradisi pomasangang kiswa untuk monutupi Kakba dengang monggunakang kaing sutera dimulai ole Abdul Malik bing Marwang.[11]

Kobijakang borkaitang dengang pamarentahang

[edit | edit source]
Uang dinar borbahang emas dang bortuliskang namana Alla sorta namana Muhammad dalang bahasa Arab pada samanna Abdul Malik bing Marwang. Uang dicetak sakitar tahung 75 Hijiriya.

Abdul Malik bing Marwang morupakang seorang ahli tata nagara dang ahli bidang pengurusang birokrasi. Koahlianna dia pakai untuk moncogah porpocahang torjadi di wilaya Kohalipaang Umayya.[12] Abdul Malik bing Marwang morupakang halipa portama dari Kohalipaang Umayya yang monorapkang kobjikang pongarabang. Dia momulai usaha ponggunaang bahasa Arab ko soluruh wilaya yang dikuasai ole ummak Islang. Pongarabang moliputi pongajarang bahasa Arab dang ponorjomahang buku-buku bahasa lokal ke dalang bahasa Arab.[13] Abdul Malik bing Marwang monjadi halipa portama dalang Kohalipaang Umayya yang monotapkan bahasa Arab sobagai bahasa pamarentahanna. Ia monggantikang ponggunaang bahasa Persia dalam pamarentahang monjadi bahasa Arab.[11] Solaing itu, Abdul Malik bing Marwang solaku halipa juga mowajikkang soluru pejabak dalang pamarentahanna dapak borbahasa Arab socara mahir.[14]

Abdul Malik bing Marwang juga monjadi halipa portama dalang Kohalipaang Umayya yang moncetak uang dinar dengang nilai mata uang dalang bahasa Arab. Nilai mata uang dinarna Kohalipaang Umayya monggantikang nilai mata uang Kokaisarang Bisantiung. Dalang uang yang dicetak ole Kohalipaang Umayya pada masa Abdul Malik bing Marwang tordapak namana Alla dan namana Muhammad.[11] Abdul Malik bing Marwang momulai poncetakang uang sondiri bagi Kohalipaang Umayya pada tahung 659 M.[15]

Komatiang

[edit | edit source]

Abdul Malik bing Marwang moninggal pada tahun 86 H. Kotika moninggal, Abdul Malik bing Marwang momiliki anak bornama Walid bing Abdul Malik dang Sulaimang bing Abdul Malik. Anakna yang bornama Walid bing Abdul Malik monggantikang kodudukanna sobagai Halipa Umayya.[16]

Rujukang

[edit | edit source]
  1. ↑ Usmani, Ahmad Rofi' (Oktoberek 2016) Islamic Golden Stories: Tanggung Jawab Pemimpin Muslim (dalang bahasa Indonesia). Diuba-sosuaikang ole Dawami, I., dang Intan, N. Salemang: Penerbit Bunyan. Hlm. 4–5. ISBN 978-602-291-266-8.
  2. ↑ Sewang, Anwar (2017) Sejarah Peradaban Islam (dalang bahasa Indonesia). Malang: Wineka Media. Hlm. 163. ISBN 978-602-0923-88-8.
  3. ↑ Atutsania, N. (Juli 2025) Sejarah Peradaban Islam (dalang bahasa Indonesia). Diuba-sosuaikan ole Taufik, M. A., Arisiana, T., dang Setiawati, I. Hlm. 90. ISBN 978-634-234-311-1.
  4. ↑ Saprida, Barkah, Q., dang Umari, Z. F. (Apirilik 2021) Sejarah Pemikiran Ekonomi Islam (dalang bahasa Indonesia) Jakarta: Kencana. Hlm. 64. ISBN 978-623-218-851-8.
  5. ↑ Zakariya, Din Muhammad. (Juli 2018) Sejarah Peradaban Islam: Prakenabian hingga Islam di Indonesia (dalang bahasa Indonesia) Diuba-sosuaikang ole Hermawan, Andi. Malang: CV. Intrans Publishin. Hlm. 20. ISBN 978-602-08996-4-0.
  6. ↑ Muktarruddin (Nopemberek 2017) Sejarah Dakwah (dalang bahasa Indonesia) Medang: Perdana Publishing. Hlm. 60–61. ISBN 978-602-5674-03-7.
  7. ↑ Zubaidah, Siti (Oktoberek 2016) Sejarah Peradaban Islam (dalang bahasa Indonesia) Diuba-sosuaikang ole Daulay, Nurika Khalila. Medang: Perdana Publishing. Hlm. 80. ISBN 978-602-6462-15-2.
  8. ↑ Syauqi, A. (Mei 2016) Sejarah Peradaban Islam (dalang bahasa Indonesia). Diuba-sosuaikang ole Badrian. Salemang: Aswaja Pressindo. Hlm. 39.
  9. ↑ Hasibuan, S. W., dkk. (Desemberek 2021) Sejarah Pemikiran Ekonomi Islam (dalang bahasa Indonesia) Diuba-sosuaikang ole Triyawan, Andi. Bandung: Penerbit Media Sains Indonesia. Hlm. 47. ISBN 978-623-362-227-1.
  10. ↑ Nasution, Syamruddin (Nopemberek 2013) Sejarah Peradaban Islam (dalang bahasa Indonesia) Pekang Baru: Yayasan Pusaka Riau. Hlm. 79. ISBN 979-9339-27-4.
  11. 1 2 3 Hak, Nurul (Juli 2019) Rekayasa Sejarah Islam Daulah Bani Umayyah Di Syria (4 – 132 H./660 – 750 M.) (dalang bahasa Indonesia). Yogyakarta: Idea Press Yogyakarta. Hlm. 71. ISBN 978-623-7085-48-5.
  12. ↑ Zohdi, Ahmad (Peberuari 2018) Sejarah Peradaban Islam: Islam, Sains, dan Peradaban (dalang bahasa Indonesia) Diuba-sosuaikang ole Fahrurrozi. Matarang: Penerbit Sanabil. Hlm. 69. ISBN 978-602-6223-79-1.
  13. ↑ Mawangir, Muhammad. (Septemberek 2016) Sejarah Peradaban dan Pemikiran Islam (dalang bahasa Indonesia). Palembang: NoerFikri. Hlm. 35. ISBN 978-602-6318-24-4.
  14. ↑ Qoyum, A., dkk. (Juni 2021) Sejarah Pemikiran Ekonomi Islam (dalang bahasa Indonesia). Diuba-sosuaikang ole Sakti, A., Hidayat, S. E., dang Samidi, S. Jakarta: Departemen Ekonomi dan Keuangan Syariah - Bank Indonesia. Hlm. 187. ISBN 978-602-60042-8-4.
  15. ↑ Dwijonagoro, H. A. P., Wiratomo, G. H., dang Hadi, S. (Juni 2023) Negara-Negara Asia Barat Daya antara Agama dan Politik (dalang bahasa Indonesia) Diuba-sosuaikang ole Rodhiyah, Imro Atur. Solok: Yayasan Pendidikan Cendekia Muslim. Hlm. 87. ISBN 978-623-8226-81-8.
  16. ↑ Umar, Harun (2022) Perkembangan Politik Mazhab dan Aliran Pemikiran Islam (dalang bahasa Indonesia). Diuba-sosuaikang ole Al Haddar, Saleh Umar. Jakarta Salatang: Lembaga Penerbitan Universitas Nasional. Hlm. 104. ISBN 978-623-7273-24-0.

Retrieved from "https://incubator.wikimedia.org/w/index.php?title=Wp/mfp/Abdul_Malik_bing_Marwang&oldid=6949703"