Wp/mfa/Mok wo

Mok wo nga cucu ttino diyo di Kurdistae

Mok wo ata wo jah (Kècèk Nnayu: nenek) ni mok kepado mok atapóng ayoh kito. Mok wo ni buléh ado macae-macae gelarae hok bbèzo nak-nak orae, cotóh yo tók wo, tók mèk, tók cék, wae, poh dae pèk.

Mok wo buléh ggati mok ayoh jago cucu kalu jjadi ggapo-gapo, macae ccera bercerai‍  dokpóng tok léh jago kih èksidèng. Mok wo jugok buléh jadi ambék pranae mok ayoh teruh macae buwi susu atapóng buwi izéng nok tubék rumoh. Ado pèkdoh nok buwi jago anok ko mok wo, yakni mok wo buléh buwi plindóngae ko cucu kalu mok ayoh diyo ado keno ggapo-gapo. Mok wo jugok tok braso kesik kalu ado cucu ttepi. Tapi gak ado susoh yo jugok. Mok wo keno ttubék pitih nok tanggóng cucu blae-blae baya mugo laéng jugok, macae bil api nga ubak-ubak. Ado jugok mok wo hok tok brapo cèkak nok jago cucu kih keno nnyakék doh. Hok molèknyo, biyalah mok ayoh hok tulóng jago mok wo sapalah diyo takdok doh.