Wp/mfa/Tidó

Tidó (Kècèk Nnayu: tidur) ni keadoae maknusiyo dae menatae dók brèhak blae-blae pejae mato nga tok kaba. Tidó ni peténg nok buwi orae tu panjae omo.

Jenih tidó

Skalo orae tidó alék malae, biya buléh krijo alék pagi. Tapi ado jugok jenih tidó siyae boktae krijo alék malae dokpóng tidó tok lèno lah mano.

• Bretóh – tidó lamo alék ceroh, kadae-kadae ado jenih orae bretóh dari pagi sapa ko petae.
• Jenero – ttidó nga tok kaba.

Keadoae tidó

• Tidó slebing – tidó blae-blae dado atapóng beloh depae diyo nngadak ko atah. Orae tidó slebing ni skalo kih letéh tlajok.
• Nnyènggèng – tidó dengae baring atah sbeloh sisi badae, srupo tidó nngiring.
• Nngapó – kkècèk kok sé ttiko tidó, bokali dók nngiga.
• Nngagoh – sengẽh ttiko tidó. Skalo bayi hok suko nngagoh ni.

Pèkdoh nga kesae-kesae tidó

• Mato kketuk – Skalo orae bangung dari tidó ni napok mato diyo kketuk yakni bbekok mmato.
• Muko jadi brõk – Banyok tidó buléh wak muko napok brõk boktae bbekok mmuko.

Kesae kurae tidó

• Kkongo – Orae hok kurae tidó ni nati jjadi kkongo, napok tok sega mano krano letéh.
• Mato bèlẽh – Kalau tok cukuk tidó gak buléh jadi nngatuk. Mato póng napok bèlẽh jah, mato napok kuyu srupo nok pejae llolo doh.