Wp/mfa/Pondok (tepak nngaji)
Pondok kalu dalae islae gak khusuhnyo di nusantara, rujuk ko sjenih tepak nngaji ugamo islae.
Istiloh
[edit | edit source]Pekatoae pondok asa dari pekatoae kècèk Arak: فُنْدُق, romanized: funduq hok buwi makno tepak tupae tidó atapóng hotè kih napok samo dari segi hurók nga makno.[1] Pekatoae tu jugok rujuk ko so tepak hok buwi orae jjalae jaóh tidó ssano, tapi gak keno baya la.[2] Dalae Kamuh Nnayu (Kamus Melayu), pondok dari segi bahaso gak buwi makno sbuwoh bangunae kecik nok wak tepak tidó smeta jah.[3]
Pondok dalae budayo orae Islae
[edit | edit source]
Pondok ni tepak nngaji ugamo hok ssèba di satu umbak ikók kèkdoh lamo, hok mano pengajiyae buwak di ssejik atapóng nngaja dari rumoh ke rumoh hok nyo uruh di Tok Guru hok dudók dekak nga ssejék.[4] Scaro asahnyo, pondok ni nok oyak pondok-pondok atapóng rumoh-rumoh kayu hok bbèno samo-samo dekak. Jamae drèktuh, sokmo-sokmo Tok Guru buléh tanoh wakah, pah anok murék murid buwak pondok kecik so kliling kih nok manapaak, ilmu nga kebrekaktae keberkatan . Pondok ni tepak nngaji utók ssemo orae hok nok nnamboh ilmo agamo dengae nngapa kitak-kitak dari macae-macae jenih ilmu, blaja bahaso Al-Qur'ae nga nngaji hadih nabi. Orae nngaji ni tadoh kitak dari kulék ko kulék dengae niyak krano nok ko rèdo Allah.[2]
Pondok di srato duniyo
[edit | edit source]Kèkdoh nngaji ppondok ni ado di kebanyokkae negaro Islae, tapi gak bbèzo dari segi atórae sistem ikók negaro. Bbowoh ni namo-namo tepak nngaji nga gelarae hok jóng nngaja nak-nak negaro:[2]
| Negaro | Tepak nngaji | Gelarae jóng nngaja | |
|---|---|---|---|
| Siyae | Patani | Pondok | Babo |
| Melèsiya | Klatae | Tok Guru | |
| Ustaz | |||
| Indonèsiya | Pesantren | Kiai | |
| Burkina Faso | Karambuko | ||
| Somaliya | Qiraatul Lauh | ||
| Gambia | Daarah | ||
Ruju'ae
[edit | edit source]- ↑ Nuruddin, A. D. (1997). الدعوة الإسلامية في جنوب تايلاند [Dakwah di Selatan Thailand]. Kuala Lumpur: Universiti Malaya.
{{cite journal}}: Cite journal requires|journal=(petulóngae) - 1 2 3 Awae, F; Chehama, A.; Al Zitawi, D. U. D. M.; Aripin, S. (2021). "Peranan Pondok Dalam Menyebarkan Tulisan Jawi (Huruf Arab) di Selatan Thailand" (PDF). Wacana Pengajian dan Peradaban Islam. Kolej Universiti Islam Antarabangsa Selangor (KUIS): 50–60.
- ↑ Shamsuddin, M. Y. H. (1964). Kamus Melayu. Sinaran.
- ↑ Mahama, S. Y. (2020). أهمية اللغة العربية في نشر الدعوة الإسلامية في فطاني [Kepentingan Bahasa Arab dalam menyebarkan dakwah Islam di Pattani Selatan Thailand] (PhD thesis). Kuala Lumpur: University Islam Antarabangsa.