Wp/mfa/Nèkbak
Nèkbak ni tepóng kuih tradisi hok ssoho di negeri Klatae nga Teganu. Tepóng ni skalo ado ttiko bulae poso[1] kih orae dèknu wak tepóng ni sbaga bbuko slèro. Rupo nèkbak srupo tepóng woh ulu tapi gak keno makae nga aé gulo mugo raso tepóng nèkbak hok tawa.[2]
Nèkbak nyo buwak dari teló, debu jemoh[3] nga gulo. Buléh jugok kalu nok letok baehae pewarno sikik.[1] Nèkbak jugok bèbah dari gluten, jadi nyo buléh wak makae utók orae hok tok buléh trimo gluten.[4]
Caro buwak
[edit | edit source]Nok buwak nèkbak keno buwak mmolèk biya nèkbak ssero sedak nga betók diyo hok comé. Hok ttamo skali, keno kuca teló ddèrèk sapa kembae. Lepah tu, ttabó debu jemoh hok nyo sanga sangai sikik-sikik blae-blae kuca, barulah bbaka. Ado duwo caro nok bbaka nèkbak, yakni caro lamo yakni bbaka guno sabuk nyo mugo toksé buwi aroma dio hilae,[1] guno acuwae tembago nga baro api hok lã dari sabuk nyo[2]. Dokpóng bbaka nga caro baru yakni guno ketuha nok buwi ccepak. Lepah bbaka, nèkbak keno siro nga aé gulo hok ccapó nga daóng pandae[3] dae bungo cekih.[1] Nèkbak keno akak teruh mmasók ddalae aé siro ccepak mugo toksé buwi masók anging.[2]