Wp/mfa/Mesejék Kapóng Laók

Namo jah Ssejék Kapóng Laók, tapi ppindoh gi Nilae Puri

Mesejék Kapóng Laók (sakdu: Ssejék Kapóng Laók) ni sbuté ssejék hok dulu dók kak Kapóng Laók, tapi ppindoh gi Nilae Puri. Ssejék ni bbèno takdok guno paku so abók póng.

Sjaroh

Sjaroh ssejék ni memae kkaék rapak dengae sjaroh Kapóng Laók tu sdiri. Ado puwok anok rajo dari Jawo jamae drèktuh dók blaya tengoh laók ddekak nga Klatae. Pok yo póng nnaléng boktae kapa pok yo bboco. Anok-anok Rajo tu póng jjanji la nok bèno sbuté ssejék kalu dae slamak sapa ppata.

Pok yo mujó buléh sapa bbira pata kak so kapóng kecik ni, pah pok yo ttuna la janji sakni bèno ssejék ni. Kelék jJawo, bèno pulok ssejék hok nok srupo nga ssejék ni.

Bbena tok tahu póng tarékh betó ttiko ssejék ni bbèno, tapi orae sjaroh wi pendapak omo ssejék ni tok kurae dari 300 tahóng.^:1993 Betók ssejék ni nok srupo nga ssejék kak Melako nga Ssejék Demak kak Pula Jawo hok bbèno jamae Wali Songo.

Boktae ppindoh

Ttiko tahóng 1967, ssejék ni keno boh besa, nok punoh llolo keno wak ddiyo. Pesatuwae Sjaroh Melèsiya ccadae nok ppindoh ssejék ni gi tepak baru, yakni kak umbak Pusak Nngaji Tinggi Islae kak Nilae Puri. Ssini la ssejék ni bbèkki smula guno baehae asa hok ado.

Sipak-sipak

Ssejék ni ado ruwae pak ssegi tepak, ttutók nga bumbóng tigo tèkak. Mimba skali nga ddalae yo nyo sokóng di pak tiyae seri hok wak dari kayu jati. Ssejék ni boleh muwak 400 jemooh.