Wp/mfa/Mato anging

Mato anging ni petunjók hok gguno nok ttetu aroh. Skalo aroh mato anging gguno ttiko nok mmandu dokpóng nok kemudi kapa. Mato anging ni banyok guno bilo orae nok baco peto ata kopah. Mato anging hok paléng utamo ado pak, yakni utara, timur, selatan nga barat.

Mato anging kók Klatae

Dalae ruju'ae

Kalu ikók Anker Rentse, orae nelayae ppata bbèso nga aroh utaro, slatae nga timó jah, dengae kebanyokkae sèk yo napok tok léh ccayo nga namo-namo hok nyo buwi kalu kopah tunjók aroh barak. Diyo jugok oyak orae Klatae alék ulu tahu namo mato anging kih dari jóng bbagéh bomoh‍  jah, yakni:

• utara = hilir bangsawan (ata besawan), hilir baning;
• timur = sinar naik;
• selatan = hulu bani, hulu baning
• barat = sinar rundók.

Diyo jugok oyak jóng bbagaeh ado jugok guno namo mato anging kók Jawo, yakni:

• utara = lor (ata long), daksina
• timur = wetan
• selatan = kidól, paksina
• barat = kolong.

mato anging

Ikók hurók ddalae gamba sbeloh, diyo ado buwi namo mato anging di Klatae ggini:

N	Utara tepat
NNE	Utara timor
NE	Timor laut
ENE	Timor jati
E	Timor
ESE	Timor menenggara
SE	Tenggara
SSE	Selatan menenggara
S	Selatan tepat
SSW	Selatan daya
SW	Barat daya
WSW	Barat muda
W	Barat tepat
WNW	Barat laut muda
NW	Barat laut
NNW	Utara barat laut

Tok tahu jolo ko dok, kih yo laéng dari hok orae sebuk skalo bbowoh. Bokali orae jamae tuh guno kècèk Nnayu stèndèk ttiko nok oyak ko dèmo tuh hok wak jurnal.

Hok skalo

Kalu ikók hok skalo gak, orae Klatae sebók pak-pak mato anging ni sbaga:

• utara: alék ilé
• timur: alék tenaék/nnaék
• selatan: alék ulu
• barat: alék jatóh

Namo "alék ilé" nga "alék ulu" ni bokali ikók alérae sunga, pah "alék nnaék" nga "alék jatóh" ni ikók aroh metari tubék nga tebenae.