Wp/mfa/Kebakarae Putra Heights 2025
| Tarékh | 01 Bulae Pak 2025 |
|---|---|
| Maso | 08:10 (UTC+08:00) (MST) |
| Brapo lamo | Paléng kurae 3 jae |
| Lokasi | Putra Heights, Subae Jayo, Slango, Melèsiya |
| Koodinak | 3°00′21″N 101°34′57″E / 3.005913°N 101.582601°E[1] |
| Jenih | Kebocorae salórae gèh asli |
| Hok nningga | 0 |
| Hok cedero | 145 |
Hareto bendo hok punoh | 190 rumoh dan 159 kenderoae[2] |
Ttiko 1 Bulae Pak 2025, ado so èksidèng industri besa di Putra Heights, Subae Jayo di Slango, Melèsiya, ttiko salórae paék gèh hok Pètronah punyo bboco pah nnetuk jadi kebakarae besa jreguk. Api kebakarae hok nnyetak ttiko pagi ari keduwo rayo poso ni tinggi yo ddalae 500 mito, buléh nyo keléh dari jarok jaóh lagih. Kejadiyae tu habih 145 orae jadi cedero, dengae 104 orae keno masók spita.[3][4]
Kejadiyae
[edit | edit source]Kebakarae tu mulo nnyetak ttiko 1 Bulae Pak 2025 ari tuh, dalae pukó 8:10 pagi waktu tepaktae, ttiko tu tengoh rrayo ari keduwo. Pendudók di Putra Heights, Subae Jayo llapó melaporkan dók braso ggega, jemerok serentak nga kejadiyae hok ado brapo saksi oyak paék geh Pètronah ppecoh. Lepah awa-awa bboco tu, gèh hok tlepah nnyalo, pah nnetuk besa jreguk. Luwah skita 500 mito dari salórae paék tu abih bbaka. Tinggi api pah 30 mito, suhu pulok sapa ko 1000 derejoh Celcius.[5] Buléh nyo napok dari bebrapo kilomito jaóh yo, orae pulok dók ambék video kebakarae tu habih ssèba di mèdiya sosiya.[4][6]
Ado bebrapo èkaung saksi-saksi dók wak snara hareto bendo hok punoh, temasók jugok rumoh nga kenderoae.[4] Paléng kurae 49 rumoh hok keno kebakarae tu.[6]
Kebakarae ni tok breti lebéh kurae tigo jae slepah awa-awa lã. menyala [7]
Korebae
[edit | edit source]145 orae cedero boktae dari kebakarae tu, ado hok mlecó, susoh nok napah nga trauma fizika hok laéng. Dari jumeloh hok cedero, 67 orae hok cedero parok keno masók spita, pah hok 49 orae lagi brawak di tepak brubak smetaro.[4][8]
Ado sorae mleco kkaki kiri ttiko siling rumoh diyo rutóh, skali nga kenderoae diyo keno jugok. Sorae lagi pendudók oyak anok ttino diyo cedero kkaki ttiko nok hungga dari bengae panah api. Bebrapo rumoh dekak nga salórae paék bbaka ttiko kebakarae.[4]
Ruju'ae
[edit | edit source]- ↑ Marudawanan, Renushara (1 April 2025). "Selangor State Disaster Management Unit Shares Update on Viral Gas Pipeline Fire - WORLD OF BUZZ". World of Buzz. Nyo capa ttiko 1 April 2025.
- ↑ "Putra Heights gas pipeline fire believed caused by BLEVE, says expert". The Borneo Post. April 1, 2025. Nyo capa ttiko April 1, 2025.
- ↑ "A fireball from a burst gas pipeline in Malaysia injures 145 people". Associated Press. April 1, 2025. Nyo capa ttiko April 1, 2025.
- 1 2 3 4 5 "112 injured in huge Selangor fire after leak at Petronas gas pipeline". CNA. Nyo capa ttiko 2025-04-01.
- ↑ KOSMO! (2025-04-01). "Api setinggi 30m, cecah 1,000 darjah Celsius". Kosmo Digital (dalae kècèk Malay). Nyo capa ttiko 2025-04-01.
- 1 2 "At least 12 injured after burst Petronas gas pipe sparks colossal fire in Malaysia". The Independent. 2025-04-01. Nyo capa ttiko 2025-04-01.
- ↑ "Fire rages for more than three hours at Petronas gas pipeline in Puchong, residents continue to feel the heat". Malay Mail. 2025-04-01. Nyo capa ttiko 2025-04-01.
- ↑ Press, Associated (2025-04-01). "Malaysia fire: huge blaze erupts near Kuala Lumpur as gas pipeline explodes". The Guardian. ISSN 0261-3077. Nyo capa ttiko 2025-04-01.