Wp/mfa/Kapóng Palèkbae
Kapóng Palèkbae
Kampung Palekbang | |
|---|---|
  Kapóng Palèkbae Kedudókkae Kapóng Palèkbae kak Klatae  Kapóng Palèkbae Kapóng Palèkbae (Melèsiya) | |
| Coordinates: 6°8′38.4″N 102°13′35.6″E / 6.144000°N 102.226556°E | |
| Negaro |  Melèsiya |
| Negeri |  Klatae |
| Jajohae |  Tupak |
| Dèkroh | Palèkbae |
| Mukéng | Kebakak |
Kapóng Palèkbae ni sbuté kapóng hok dudók dalae mukéng Kebakak, dèkroh Palèkbae, Tupak, Klatae, Melèsiya.
Sjaroh
[edit | edit source]Asa usó namo Kapóng Palékbae kkaék nga so kubae kak kapóng tu. Jamae drèktuh gak kapóng ni jadi tepak singgoh sèk-sèk ddagae dari Chino dae dari negaro laéng. Ttiko tu, sbagiyae dari umbak kapóng ni ggelae lagi ko aé laók. Llamo gak umbak hok ggenae nga aé tu póng koho kering kih tanoh mmendak nyo bowok di sunga. Ado jugo tepak hok mmendak ko tanoh tu dók ttakóng aé jugok pah wujuk la brapo buté kubae. Kubae-kubae ni la jadi bekalae aé pendudók ssitu. Budok-budok pulok suko maéng alék kubae tu, mok budok sokmo gi kkubae tu nok keló panggil anok. Ttiko orae tego mok tu nok gi kuwano, diyo póng oyak la "nok gi kkubae nok cari anok dók ralék maéng aé." Pah kelék dari kubae póng orae tanyo mari mmano, mok tu póng jawak la "balék dari kubae." Dók sebók sokmo balék kkubae, llamo gak llekak la namo tepak tu Palèkbae.[1]
Ado crito laéng pulok oyak, dulu rama orae Siyae mari ddagae kkapóng tu nga prahu. Kih jaóh jelãk pok yo mari ssini, pok yo sapa lèwak jugok ttiko alék petae nok ggorék llolo. Nak-nak kali masók waktu ggorék, puwok Siyae denga orae dók bae ggorék. Pah pok ni tanyo bunyi ggapo tu. Orae kapóng póng jawak la bunyi bae. Pok yo kato "bae? pelék nyo bae!" Dari ukakpae pelék nyo bae tu la bakali llekak namo Palèkbae. Tapi orae ccayo crito petamo lagi kih napok jelah ado kubae ssitu.[1]
Ruju'ae
[edit | edit source]