Wp/mfa/Kapóng Chak

Kapóng Chak

Kampung Chap
Kapóng Chak Kampung Chap
Kapóng
	Kapóng Chak Kedudókkae Kapóng Chak kak Klatae Kapóng Chak Kapóng Chak (Melèsiya)
	Coordinates: 6°2′25.08″N 102°20′22.56″E / 6.0403000°N 102.3396000°E
Negaro	Melèsiya
Negeri	Klatae
Jajohae	Bachok
Dèkroh	Bekelae
Mukéng	Chak

Kapóng Chak ni sbuté kapóng hok dudók dalae mukéng Chak, dèkroh Bekelae, Bachok, Klatae, Melèsiya. Yo tletok kak 17 kèlómito dari Banda Bachok.

Sjaroh

Kapóng ni nyo bukók jok dalae 300 tahóng dulu. Ttiko tu, umbak ssini hutae sajo, penuh dengae nnatae buwah. Kalu wak nnanae gak sokmo keno krenak ko nnatae macae gajoh, sapa ko keno buwak paga so kliling kebóng pok yo, tok sé wi punoh tanaemae. Tapi gak paga ni buléh sekak nnatae kecik jah, kalu nnatae besa po gajoh tu buléh yo skali aróng, punoh doh.

Abih mmiké, orae kapóng póng ppakak la nok bèno cak (Nnayu: cap), yakni prakak perangkap‍ bbetók srupo kandae atapóng paga hok ado pitu. Cak bbèno besa jreguk, samo tinggi nga gajoh kih nok buwi muwak mmasók. Pah tu, pok yo póng bbaka cerae ata umbak hutae tepak pok yo nnanae, nok nnakók menakutkan‍ nnatae buwah sakni.

Ttiko cerae dók bbaka, gajoh-gajoh ni brungga gi ke aroh kkapóng. Orae kapóng sano pulok hambak gajoh takdi biya gi mmasók dalae cak. Pah kapóng tu póng buléh la namo Kapóng Chak.^[2]

Kapóng laéng hok tlibak dalae pristiwo ni

Tepak so kliling póng buléh namo dari pristiwo hambak gajoh ni, yakni:^[2]

Kapóng Cherae Anguh - tepak cerae bbaka sapa hanguh
Kapóng Bekelae - umbak ppuco asak kelae kkepó berkepul-kepul‍
Kapóng Padae Llati - bakali asa dari pekatoae "nnati", padae tepak puwok nok hambak gajoh dók nnati dalae ghok, pah hambak gajoh mmasók dalae cak.

Ruju'ae

↑ MyGeoName
1 2 Mohd Roselan Abd. Malek (1993). Salasilah Nama Tempat Negeri Kelantan Darul Naim. Petaling Jaya: Penerbit Prisma Sdn. Bhd. pp. 20–21.

[1] MyGeoName

[salasilah-2] 1 2 Mohd Roselan Abd. Malek (1993). Salasilah Nama Tempat Negeri Kelantan Darul Naim. Petaling Jaya: Penerbit Prisma Sdn. Bhd. pp. 20–21.

[1]

[2]