Wp/mfa/Baróh
Baróh[1] atapóng gelóng[2] (kècèk Nnayu: sawah, bendang) ni umbak payo cca ata tanoh mombè hok ttakóng aé nok tanae padi, kladi cino ata tanaemae laéng. Baróh ni buléh aé dengae buwak parék hok ambék aé dari sunga, terusae atapóng tali aé. Baróh skalo ado pètok-pètok hok ssakak nga rong-rong.
Caro nnanae ggini asa dari masyarakak Neolitik di tanoh pamoh skita sunga Yangtze di slatae Chino. Yo ssèba ttiko jamae prasjaroh ko orae Austronèsiya sapa ko Asia Tegaro Maritim, Madagaska, Melanèsiya, Mikronèsiya, dan Polinèsiya, yo jugok ssèba ko budayo-budayo laéng di tanoh besa Asiya ke Asiya Timó dan Asiya Slatae. Caro nnanae ni banyok orae dók buwak di Bangladèh, Kebojo, Chino, Filipina, Indiya Timó Laók, Indonèsiya, Irae, Jepóng, Laoh, Melèsiya, Myanma, Nèpa, Korèya Utaro, Korèya Slatae, Pakistae, Sri Lanka, Siyae, Taiwae, nga Viyaknae.[3]
Baróh di Melèsiya
[edit | edit source]Baróh buléh jjupo di kebanyokkae negeri di Smenanjóng Melèsiya, tapi gak negeri hok banyok baróh ado jjupo di negeri-negeri alék utaro macae negeri Kedoh, Preléh, Pèrok nga Pula Pinae. Ado jugok baróh di negeri-negeri pata timó yakni negeri Klatae nga Teganu. Negeri Slango ado jugok baróh, hok banyok skali ado jjupo di beloh dèkroh Kuala Selangor nga Sabak Bernam. Sbelóng Melèsiya begatóng ko hasé industri, orae-orae drèktuh tlibak nga agrikultur, yakni nnanae padi. Bebrapo penyelidikkae pasa padi tanoh pamoh hok tadoh ujae di Srawok ado doh hok llapó. dilaporkan [3]
Ruju'ae
[edit | edit source]- ↑ "baroh". Siri Glosari Dialek Melayu Semenanjung: Glosari Dialek Kelantan. Dewan Bahasa dan Pustaka. 2016.
- ↑ "gelóng". Siri Glosari Dialek Melayu Semenanjung: Glosari Dialek Kelantan. Dewan Bahasa dan Pustaka. 2016.
- 1 2 Sang, Anisia Jati; Tay, Kai Meng; Lim, Chee Peng; Saeid, Nahavandi (2018). "Application of a Genetic-Fuzzy FMEA to Rainfed Lowland Rice Production in Sarawak: Environmental, Health, and Safety Perspectives". IEEE Access. 6: 74628–74647. doi:10.1109/ACCESS.2018.2883115.