Jump to content

Wp/mfa/Ayoh Péng

From Wikimedia Incubator
< Wp | mfa
Wp > mfa > Ayoh Péng
Ayoh Péng
Ayoh Péng ddiri ddepae tèko nga pasu ggasi "Krajoae Langik" yo, sbelóng keno rombok.
Llahé
Ariffin bin Mohamad

(1941-06-22)22 Bulae Nae 1941
Berih, Bachok, Klatae, Tanoh Nnayu Britih (lloni Melèsiya)
Nningga22 Bulae Pak 2016(2016-04-22) (omo 74)
Kapóng Batu 13, Hulu Besuk, Besuk, Teganu, Melèsiya
Boktae nninggaSakék tuwo
Ssohó kih
Jóng mmulo Krajoae Langik
Laki/biniChe Minah Ramli (nningga 2012)
Jaharah Awang
Rozilan Mokhtar
Nik Kamariah Nik Pah
Anok-anok21

Ariffin Mohammed (22 Bulae Nae 1941 – 22 Bulae Pak 2016) ata lebéh ssohó sbaga Ayoh Péng (sebóktaeⓘ)[lower-alpha 1] ni sorae hok brama nga amalae ajarae sesak, jóng mmulo ajarae Krajoae Langik pah nyo snara dalae sèk-sèk agamo sesak.

Llahé di Berih, Bachok, Klatae, Ayoh Péng nngaku diri diyo sbaga "woké tuhae" ko ssemo agamo pah dakwo buléh wahyu dari langik nok kkembae ajarae diyo atah muko bomi. Diyo skoloh sapa drejoh 2 jah, tapi gak pengikók diyo ingak diyo ni tuhae sngoti, pah sgalo hok diyo buwak ni ikók wahyu hok diyo trimo dari langik. Orae layae Ayoh Péng srupo rajo, dae sgalo pekakah nyo agae disediakan‍  srupo dudók istano.[2]

Ttiko Bulae Duwo Belah 1997, Jabaktae Agamo Islae Teganu prisytiha ajarae Ayoh Péng ni plesu, palsu‍  sesak, dae slèwéng. Diyo rajéng keno hukóng jjaro slamo 11 bulae dalae tahóng 2001. Ttiko 2002, slepah habih hukómae jjaro, Ayoh Péng nga pengikók diyo mulo pluwah lagi Krajoae Langik. Ayoh Péng nnikoh 4 kali, ado 4 bini (bini petamo nningga duniyo ttiko 2012) pah buléh 21 anok. Diyo nningga duniyo ttiko 22 Bulae Pak 2016 ttiko omo 74 tahóng boktae sakék tuwo.[3]

Asa usó

[edit | edit source]

Ajarae sesak ni ssarae di Kapóng Batu 13, Hulu Besuk, Teganu. Ayoh Péng nngaku diri diyo sbaga woké wakil‍  "Tuhae" sgalo ugamo. Pah pengikók diyo pulok dók braso Ayoh Péng ni sbaga Tuhae hok trimo wahyu dari langik, dae sgalo hok diyo buwak tu ikók wahyu blako.

Pengaróh

[edit | edit source]

Boktae Ayoh Péng napok hèbak pipéng pimpin‍  ajarae sesak Krajoae Langik tu, rama orae-orae tepaktae bohkae luwa negaro nyo buléh ccayo ko Ayoh Péng. Ayoh Péng pralak memperalatkan‍  dae pengaróh banyok jenih orae di negaro ni nok suróh masók ajarae hok diyo ssèba. Ado jugok brapo retih artis‍  hok keno makae alok ddiyo.[4]

Bbetók Krajoae Langik

[edit | edit source]

Template:Wp/mfa/Main Walapóng Ayoh Péng tok cridik mano kih tok panda bbaco, diyo skali nga pengikók diyo buléh bbangung umbak Krajoae Langik dengae macae-macae rèplika besa-besa macae tèko nga pasu, konónnyo nok oyak kuwaso tuhae hok nyo amanoh buwi ko diri diyo nok plindóng umak maknusiyo.[5][6]

Jjatóh

[edit | edit source]

Slepah nok dekak 10 tahóng ssunggóh dengae ajarae diyo di Melèsiya,[7] ajarae diyo keno ccae ko pèhok bekoso berkuasa‍  nga agamo tepaktae. Pengikók Ayoh Péng keno taehae dae keno soa siyasak pah keno dakwo di mahkamoh.[8] Umbak Krajoae Langik jugok keno rombok. Ayoh Péng royak diyo tok léh keno tuduh sesak kih diyo isytiha murtak murtad‍  sejok 1998 lagi.[9]

Prilae diri

[edit | edit source]
Ayoh Péng nga 4 bini diyo

Ayoh Péng prilae diri ttiko keno srebu nga pèhok bekoso, berkuasa‍  diyo nga pak bini diyo lari dari kapóng tuh.[10] Hok pelék skali, jejok Ayoh Péng tok jjupo tapi nyo kato lari ko slatae Siyae. Ado hok oyak Ayoh Péng ghaék nga bini-bini diyo.[11] Ado pulok hok oyak, ado pèhok temasók pengikók diyo hok sngoti cubo nok ssusuk Ayoh Péng dari pèhok bekoso. berkuasa‍ [12][13]

Slisih poléh dengae JHEAT

[edit | edit source]

Ttiko 12 Bulae Sbelah 2008, Ketuwo Poléh Negaro, Tan Sri Musa Hassan kecèwo boktae JHEAT kato tok soh igak Ayoh Péng. Musa Hassan tterae peslisihae tu dalae smina pekaso petadbirae keadélae di mahkamoh syariah di Yunibasiti Islae Atarobangso (UIA) Gombok. Padaha Ayoh Péng keno dakwo bbowoh Seksyen 10 Enakmen Kesalahan Jenayah (Takzir) (Terengganu) 2001 krano ado hok kato diyo ni hino pihok bekoso berkuasa‍  agamo di rumoh diyo di Kapóng Batu 13, Mukéng Tenae, Hulu Besuk ttiko 20 Bulae Tujóh 2005. Ayoh Péng lawae fatwa hok mano ajarae hok diyo brama tu sesak dae slèwéng, pah buléh buwi bahayo ko orae awae skali nga rosok akidoh. Poléh rusing orae ingak poléh tok buwi krijosamo dae tok slarah nga jabaktae agamo islae.[14][15]

Tapi gak ttiko 13 Bulae Sbelah 2008, Jabaktae Ha Èhwa Agamo Teganu (JHEAT) wi jjelah, nok oyak sèk diyo tok rajéng póng suróh ko poléh Teganu jangae taehae Ayoh Péng hok napok baru kelék ke Teganu, dari Slatae Siyae. Ketuwo Penulóng Pengaroh Penguwakkuwaso JHEAT, Mohamad Nor Mohamad royak takdok bbicae dengae poléh pasa Ayoh Péng.[16]

Nningga

[edit | edit source]

Ttiko ari Jemaãk, 22 Bulae Pak 2016, Ayoh Péng nningga duniyo di rumoh bini ke-4 diyo, Nik Kamariah Nik Pah di di Kapóng Batu 13, Hulu Besuk ttiko jae 8:30 malae ttiko omo 74 tahóng boktae sakék tuwo. Diyo jugok ado nnyakék anging ahma nga bebrapo nnyakék laéng sejok hilae dari keno taehae ko pèhok bekoso berkuasa‍  ttiko tahóng 2005.

Mayak diyo nyo sipae ditanam‍  di umbak kapóng halamae diyo hok mano ado jugok kubó laéng, skali nga kubó bini petamo diyo, Che Minah Ramli hok nningga ttiko tahóng 2012. Diyo ttingga tigo balu nga 21 anok hasé nnikoh nga pak bini sbelóng ni.[17][18]

Nota

[edit | edit source]
  1. ↑ Walapóng rama orae tulih Ayah Pin, tapi bbenanyo ejoae yo Ayoh Péng, macae dalae so temu buwa dengae En. Senik, saloh so pengikók Ayoh Péng hok kècèk Klatae ni, dalae mènèk ko 4:46:[1]
    "Jadi sayo dudók atah bukék ni, sayo tengok satu Ayoh Péng ni, diyo dudók — kaki diyo nu dudók di bowoh bukék. Lepah tu, sayo dók atah bukék, sedaekae sayo lengok lagi tu, diyo lag- diyo- diyo tinggi lagi daripado bukék. Nok royaknyo kelebihae, kebesarae, ketinggiyae diyo ... Ayoh Péng nih."

Ruju'ae

[edit | edit source]
  1. ↑ Massacre Survivors: Malaysia's Secret Sect (Dokumentari) (Youtube). Journeyman Pictures. 10 Bulae Nae 2016. Nyo capa ttiko 30 Bulae Limo 2025. {{cite AV media}}: Check date values in: |accessdate= and |date= (petulóngae)
  2. ↑ Arrest warrant for Ayah Pin never issued, says official New Straits Times (25 Bulae Pak 2016). Nyo capa ttiko 28 Bulae Nae 2018.
  3. ↑ Ayah Pin meninggal dunia mStar Online (23 Bulae Pak 2016). Nyo capa ttiko 28 Bulae Nae 2016.
  4. ↑ Ayah Pin Tidak Pernah Menerima Didikan Islam, Kata Kenalan
  5. ↑ "Pie in the sky (Feature and interview)". The Sun, Malaysia. 8 July 2005. Nyo capa ttiko 26 December 2007.
  6. ↑ Levett, Connie (20 August 2005). "Bulldozers etch boundaries of religious freedom". The Age. Nyo capa ttiko 26 December 2007.
  7. ↑ "Lawyer to represent all 45 Sky Kingdom sect followers". New Straits Times. 1 Bulae Smilae 2005. Nyo capa ttiko 26 Bulae Duwo Belah 2007. {{cite news}}: Check date values in: |accessdate= and |date= (petulóngae)
  8. ↑ "58 followers of Ayah Pin arrested". The Sun, Malaysia. 21 Bulae Tujóh 2005. Nyo capa ttiko 26 December 2007. {{cite news}}: Check date values in: |date= (petulóngae)
  9. ↑ ARIFFIN BIN MUHAMMAD @ Ayah Pin Kerajaan LangitTemplate:Wp/mfa/Pautan putus
  10. ↑ "Masked group attacks Ayah Pin commune". The Sun, Malaysia. 18 Bulae Tujóh 2005. Nyo capa ttiko 26 Bulae Duwo Belah 2007. {{cite news}}: Check date values in: |accessdate= and |date= (petulóngae)
  11. ↑ "Three Wives of Ayah Pin Detained". Bernama. 31 Bulae Tujóh 2005. Nyo capa ttiko 26 Bulae Duwo Belah 2007. {{cite news}}: Check date values in: |accessdate= and |date= (petulóngae)
  12. ↑ Levett, Connie (20 August 2005). "Bulldozers etch boundaries of religious freedom". The Age. Nyo capa ttiko 26 Bulae Duwo Belah 2007. {{cite news}}: Check date values in: |accessdate= (petulóngae)
  13. ↑ "Pemimpin baru 'Kerajaan Langit'" (dalae kècèk Malay). Harian Metro. Nyo capa ttiko 26 Bulae Duwo belah 2007. {{cite news}}: Check date values in: |accessdate= (petulóngae)
  14. ↑ Ayah Pin berada di T'ganu baru-baru ini, kata polis
  15. ↑ Ayah Pin Baru-Baru Ini Berada Di Terengganu, Kata polis
  16. ↑ JHEAT nafi larang polis tahan Ayah Pin
  17. ↑ "Ayah Pin meninggal dunia malam tadi". Berita Harian. 23 Bulae Pak 2016. Nyo capa ttiko 27 Bulae Nae 2023. {{cite web}}: Check date values in: |accessdate= and |date= (petulóngae)
  18. ↑ "Cult leader Ayah Pin dies". Daily Express. 24 Bulae Pak 2016. Nyo capa ttiko 24 Bulae Nae 2016. {{cite web}}: Check date values in: |accessdate= and |date= (petulóngae)

Paóktae lluwa

[edit | edit source]

Retrieved from "https://incubator.wikimedia.org/w/index.php?title=Wp/mfa/Ayoh_Péng&oldid=7035668"