Wp/mfa/Atromèng (watok)

Atromèng ata namo sbena yo Ultraman (ウルトラマン, Urutoraman) ni hèro hok petamo kali mucó muncul‍  ddalae "pilot episode", yakni èpisók hok buléh kkembae jadi so siri, pah jadi siri talibeséng sungguh ttiko tahóng 1966 dengae namo "Ultraman". Yo ni la hèro tokusatsu hok mulo-mulo, nyo llaca di Siri Ultra, dae jugok Tsuburaya Productions sbaga lanjóktae.

Atromèng mulo mucó sbaga watok utamo skali nga prumoh maknusiyo (human host) yo Shin Hayata dalae siri talibeséng Jepóng 1966, Ultraman slamo 39 èpisók. Napok siri Ultraman ni buléh gi jaóh, Tsuburaya póng buwak la siri hèro Kyodai hok laéng pulok, tapi tetak dalae sbagiyae projèk Siri Ultra sèk yo, yakni Ultraseven. Walapóng duwo-duwo siri ni kkosi jenre genre‍  hok samo dengae hèro póng nok srupo, bbenanyo awa-awa tok sé póng nok kkaék duwo Atromèng ni. Tapi gak pak tahóng slepah tu baru ado kkaék llepah wak siri Return of Ultraman ttiko 1971 hok mano duwo-duwo Ultraman nga Ultra Seven dók skali dalae so crito. Kih ni la Tsuburaya Productions ttetak doh nok buwi Siri Ultra teruh ikók gayo hok baru yakni nok ttupu menumpukan‍  ko so watok Atromèng dalae nak-nak siri baru. Hèro ggasi kkala meroh-perok ni sdiri ssohó lamo kakloh, pah teruh mucó dalae banyok karya ddalae Siri Ultra. Yo jugok ado sipak yo sdiri hok orae ingak pah ko ari ni: Pemaso Kala yo (Color Timer), gayo ppaca pancaran‍  Spacium ray, nga nnepik yo hok ssohó "Shuwatch" (シュワッチ, Shuwatchi).