Wp/mfa/Adnan Saidi
Adnan Saidi | |
|---|---|
 Saidi ttiko 1937 sbaga sarjeng panji colour sergeant | |
| Llahé | 14 Bulae Lapae 1915 |
| Nningga | 14 Bulae Duwo 1942 (omo 26) |
| Nyo sipae | Tanoh Kubó Perae Kranji, Singopuro 01°24′44″N 103°45′22″E / 1.41222°N 103.75611°E |
| Kesetiyoae |  Akaktae Sukorelo Negeri-negeri SelakRejimen Askar Melayu DiRaja (RAMD) Pèhok Beskutu Perae Duniyo II |
| Tahóng khidemak | 1933–1942 |
| Pakak pangkat | Lèfteneng[1] |
| Nombó khidemak | ZV 90 |
| Yunik Unit | Platung No. 7, Kopeni C, Bataliyong Petamo Rèjimeng Nnayu, Brigèk Petamo Malaya |
| Konflik | Perae Duniyo Keduwo |
| Anugeroh | Bitae 1939–1945 Pingak Petaehanae Pingak Perae 1939–1945 |
| Llaki/bini |
Sophia binte Pakir
(n. 1938) |
| Anok-anok | 3 |
Adnan bin Saidi (Jawi: عدنان بن سيدي; 14 Bulae Lapae 1915 – 14 Bulae Duwo 1942) ni sorae pegawa aseka Tanoh Nnayu hok khikmak khidmat bbowoh Brigèk Infantri Petamo Malaya dalae Marekah Pemerèntohae Tanoh Nnayu ttiko Perae Duniyo Keduwo. Llahé kak Slango, Adnan sambóng pah habih nngaji dari Kolèh Latihae Sultan Idris. Mmulo, yo ni cèkgu skoloh sbelóng ikók masók Akaktae Sukorelo Negeri-negeri Selak (Straits Settlements Volunteer Force, SSVF), hok mano biso nyo yo mmipéng memimpin cepak jah napok. Llepah koho naék pakak pangkat diyo, diyo jadi pegawa betauliyoh dalae Rèjimeng Aseka Nnayu, saloh sorae hok buléh pakak tu dari pegawa-pegawa Nnayu maso tu hok tok brapo rama. Ssohó nga disipeling, disiplin cepak nnakak nok nnyusóng strèteji nga besunggóh yo hok tok kkurae, Adnan mmaéng pranae poka
dalae nok ttaehae Singopuro ttiko Jepóng mari kuca.
Ttiko Bulae Duwo 1942 hok mano pasókkae Jepóng nnyerae abih réng katah Singopuro, Adnan jadi ketuwo ko so platung Bataliyong Petamo Rèjimeng Nnayu ttiko Petepórae Pasir Panjang. Keno tugah nok ttaehae Spita Alexandra nga pematae so kliling yo, Adnan nga anok buwoh yo ttaehae blawae jumeloh aseka Jepóng hok rama. Walapóng kurae sjato pah keno kepóng pulok, pok yo blawae jugok dalae duwo hari dók ttepó bertempur abih tè. Yo toksé nnyeroh diri walapóng cedero, tapi gak nngelah-nngelah Adnan keno igak jugok pah keno bunóh ko aseka Jepóng. Brani nyo diyo ni orae Melèsiya nga Singopuro dók pringak jaso diyo sbaga wira negaro.
Ruju'ae
[edit | edit source]- ↑ Johari Rahmat (2002). In quest of excellence : a story of Singapore Malays. Thusitha De Silva, Saat A. Rahman, MENDAKI. [Singapore]: [Yayasan Mendaki]. pp. 114–115. ISBN 981-04-7383-4. OCLC 53058960.