Wp/mag/विष्णुपद मन्दिर

विष्णुपद मन्दिर
धर्म सम्बन्धी जानकारी
सम्बद्धता	हिन्दुधर्म
देवता	विष्णु
अवस्थिति जानकारी
अवस्थिति	गया
मण्डल	गया मण्डल
राज्य	बिहार
देश	भारत
बिहारमे स्थिति
भौगोलिक निर्देशाङ्क	24°36′37″N 85°0′33″E
वास्तु विवरण
प्रकार	शिखर
निर्माता	इन्दौरके रानी अहिल्या बाई होल्कर द्वारा पुनर्निर्मित
निर्माण पूर्ण	१७८७ मे पुनर्निर्मित

विष्णुपद मन्दिर भगवान् विष्णुके समर्पित एगो हिन्दु मन्दिर हे जे बिहार राज्यके गयाजीमे फल्गु नदीके तट पर स्थित हे । ऐसन मानल जा हे कि ई मन्दिर ओह स्थान पर बनावल गेल हल जने विष्णु कथित रूपसे राक्षस गयासुरके मारलन हल या ओकरा जमीनके भीतरे दबा देलन हल । मन्दिरमे ४० सेमी के एगो पदचिह्न हे जे भगवान् विष्णुके मानल जा हे जे बेसाल्टके एगो खण्डमे उकेरल गेल हे । एकरा 'धर्मशिला' के रूपमे जानल जा हे जेकरा तखनियो बनैलै रखल गेलै हल जखनि भगवान् गयासुरके छाती पर गोड़ रखलन हल आउ फिर ओकरा जमीनके भीतरे दबा देलन हल ।

मन्दिरके ऊपरे ५० किलो सोनाके झण्डा हे जेकरा एगो भक्त, गयापाल पण्डा बाल गोविन्द सेन दान करलन हल । विष्णुपद मन्दिर गयामे श्राद्ध कर्मके केन्द्र हे । गयावाल ब्राह्मण, जिनका गयावाल तीर्थ पुरोहित या गयाके पण्डाके रूपोमे जानल जा हे, मन्दिरके पारम्परिक पुजारी हथ । सन्त माधवाचार्य, चैतन्य महाप्रभु आउ वल्लभाचार्य ई मन्दिरके दौरा करलन हल ।

वास्तुकला

ऐसन मानल जा हे कि ई मन्दिरके निर्माण केन्द्रमे भगवान् विष्णुके गोड़के निशानके साथे करल गेल हल । हिन्दुधर्ममे ई पदचिह्न भगवान् विष्णु द्वारा गयासुरके अपन सीना पर गोड़ रखके दबावेके कार्यके दर्शावहे । विष्णुपद मन्दिरके भीतरे भगवान विष्णुके ४० सेमी लम्बा पदचिह्न ठोस चट्टानमे अङ्कित हे आउ चान्दीके परत चढ़ल बेसिनसे घेराएल हे । ई मन्दिरके ऊँचाई ३० मीटर हे आउ एकरामे सुन्दरतासे नक्काशीदार स्तम्भके ८ पङ्क्ति हे जे मण्डपके सहारा दे हे । मन्दिर लोहाके कीलकसे जुड़ल बड़ धूसर ग्रेनाइट खण्डसे बनल हे । अष्टकोणीय मन्दिर पूरुब दने हे । एकरा शुण्डाकार टावर १०० फीट ऊपरे उठहे । टावरमे ढलान वाला भुजा हे जेकरामे बेरी-बेरीसे दाँतेदार आउ सादा भाग हे । शीर्ष पर जुड़ल चोटीके एगो शृङ्खला बनावेला खण्डके एगो कोण पर सेट करल गेल हे । मन्दिरके भीतरे अमर बरगदके पेड़ अक्षयवट हे जने मृतकला अन्तिम अनुष्ठान होवहे ।

एहो देखथिन

• बिहारमे धर्म