Wp/mag/वर्ष

ऐनलेमा वर्ष खन्नि सूर्यके बदलैत स्थितिके दर्शावहे, दिनके निश्चित समयसे देखेपर ।

एक बरिस (तत्सम: वर्ष) या साल सूर्यके चारो दन्ने अपन कक्षामे चलैत पृथ्वीके कक्षीय अवधि हे । पृथ्वीके अक्षीय झुकावके कारण, एक वर्षके अवधि ऋतुके गुजरेके देखहे, आउ ऊ चिन्हित होवहे मौसममे, दिवालोकके घण्टामे, आउ परिणामस्वरूप, वनस्पति आउ मट्टी उर्वरतामे बदलाव द्वारा । ग्रहके शीतोष्ण आउ उपध्रुवीय क्षेत्रमे, चार ऋतु आमतौर पर पहचाल जाहे - बसन्त, ग्रीष्म, शरद आउ शीत ऋतु । उष्णकटिबन्धीय एवं उपोष्णकटिबन्धीय क्षेत्रमे ढेर भौगोलिक क्षेत्र परिभाषित मौसम प्रस्तुत नै करहे; किन्तु मौसमी उष्णकटिबन्धमे वार्षिक आर्द्र (गीला) आउ शुष्क (सूखल) ऋतु पहचाल जाहे आउ चिन्हल जाहे । चालू वर्ष २०२६ हे ।

एक कालदर्शक वर्ष कौनो प्रदत्त कालदर्शकमे गिनल पृथ्वीके कक्षीय अवधिके दिनके सङ्ख्याके अनुमान हे । ग्रेगोरियन, या आधुनिक, कालदर्शक, अपन कालदर्शकके रूपमे ३६५ दिनके एक आमवर्ष या ३६६ दिनके अधिवर्षके प्रस्तुत करहे, जे जूलियन कालदर्शको करहे; नीचे देखी ।

शब्द-व्युत्पत्ति

{{{1}}}

हिन्दु समय मापन

वर्ष हिन्दु समय मापनके एक इकाई हे । ई इकाई मध्यम श्रेणीके हे । एक वर्ष दु अयनके, या छौ ऋतुके, या बारह मासके बराबर होवहे ।

• एक तिथि ऊ समय होवहे, जेकरामे सूर्य आउ चन्द्रके बीचके देशान्तरीय कोण बारह अंश बढ़ जाहे । तिथि दिनमे कौनो समय आरम्भ हो सकहे आउ इनकर अवधि उन्नैससे छब्बीस घण्टा तक हो सकहे ।
• एक पक्ष या पखवाड़ा = पन्द्रह (१५) तिथि
• एक मास = २ पक्ष, कॄष्ण पक्ष (पूर्णिमासे अमावस्या तक) एवं शुक्ल पक्ष (अमावस्यासे पूर्णिमा तक)
• एक ॠतु = दु (२) मास
• एक अयन = तीन (३) ॠतु
• एक वर्ष = दु (२)अयन, उत्तरायन (आषाढ़से माघ तक) एवं दक्षिणायन (माघसे आषाढ़ तक)