Wp/mag/लम्बाई

लम्बाई
एक किलोमीटरके मीट्रिक लम्बाई 0.62137 मीलके शाही मापके बराबर हे ।
सामान्य प्रतीक	l
एसआइ इकाई	मीटर (m)
अन्य इकाई	लम्बाईके इकाई देखी
आयाम	L

लम्बाई कौनो वस्तुके लम्ब आयामके कहल जा हे । कौनो वस्तुके लम्बाई ओकर दुनो छोराके बीचके दूरीके कहल जाहे । एकरा ऊँचाईसे पृथक करेला ऊँचाई ऊर्ध्वाकारमे कहल जाहे ।

लम्बाई दूरीके माप हे । अन्तर्राष्ट्रिय मात्रा प्रणालीमे लम्बाई आयाम दूरीके साथ एक मात्रा हे । मापके अधिकांश प्रणालीमे लम्बाईला एक आधार इकाई चुनल जाहे, जेकरासे अन्य सभ इकाई प्राप्त होवहे । अन्तर्राष्ट्रिय इकाई प्रणाली (SI) प्रणालीमे लम्बाईके आधार इकाई मीटर हे ।

लम्बाईके आमतौर पर कौनो निश्चित वस्तुके सबसे विस्तारित आयामके रूपमे बुझल जाहे । हालाँकि हमेशा ई मामला नै होवे आउ ई एह पर निर्भर हो सकहे कि वस्तु कौन स्थितिमे हे ।

कौनो निश्चित वस्तुके लम्बाईला विभिन्न शब्दके प्रयोग कैल जाहे, आउ एकरामे ऊँचाई सम्मलित हे, जे ऊर्ध्वाधर लम्बाई या ऊर्ध्वाधर सीमा, आउ चौड़ाई, चौड़ाई या गहराई हे । ऊँचाईके प्रयोग तखनि कैल जाहे जखनि कौनो आधार होवहे जेकरासे ऊर्ध्वाधर माप लेल जा सकहे । चौड़ाई आमतौर पर छोट आयामके सन्दर्भित करहे जखनि लम्बाई सबसे बड़ होवहे । गहराईके प्रयोग त्रि-आयामी वस्तुके तीसरा आयामला कैल जाहे ।

लम्बाई एक स्थानिक आयामके माप हे, जखनिकि क्षेत्रफल दु आयाम (लम्बाई वर्ग) के माप हे आउ आयतन तीन आयाम (लम्बाई घन) के माप हे ।

लम्बाईके नापेला विभिन्न साधन हे जेकरा हमनी मात्रक या ईकाई कहही, जैसे - मिलीमीटर, सेण्टीमीटर, मीटर, किलोमीटर ।