Wp/mag/यान्त्रिक ऊर्जा

एक साधारण लोलकके गति जेकरामे गुरुत्वीय स्थितिज ऊर्जा आउ गतिज ऊर्जाके लगातार आपिसमे परिवर्तन होवैत रहहे किन्तु ई दुनो ऊर्जाके योग (अर्थात् यान्त्रिक ऊर्जा) के मान नै बदले; अर्थात् यान्त्रिक ऊर्जा संरक्षित रहहे ।

वनुआटूके निवासी आग उत्पन्न करेला यान्त्रिक ऊर्जाके प्रयोग करैत हथ

भौतिकशास्त्रमे कौनो यान्त्रिक प्रणालीके कौनो अवयवमे निहित स्थितिज ऊर्जा आउ गतिज ऊर्जाके योगके यान्त्रिक ऊर्जा (mechanical energy) कहल जा हे । अर्थात् यान्त्रिक ऊर्जा कौनो वस्तुके गति या ओकर स्थितिसे सम्बन्धित हे ।

समीकरण

कौनो तन्त्रके यान्त्रिक ऊर्जा :$$\ E_{m}=E_{k}+E_{p}$$ जन्ने:

$\ E_{k}$ गतिज ऊर्जा हे ।

$\ E_{p}$ स्थितिज ऊर्जा हे ।

गतिज ऊर्जा

कौनो वस्तु पर बल $\mathbf {F}$ लगाके पथ C पर स्थानान्तरिक कैल जा हे, त बल द्वारा कैल गेल कार्य निम्नलिखित समाकल द्वारा निकालल जा सकहे:

$\operatorname {W} _{c}=\int _{c}\mathbf {F} \cdot d\mathbf {r}$

कार्य एवं गतिज ऊर्जाके सम्बन्ध निम्नलिखित हे:

$\operatorname {W} _{c}=\Delta E_{k}$

स्थानान्तरणके गतिज ऊर्जा

$E_{k}={\frac {mv^{2}}{2}}$

घूर्णनके गतिज ऊर्जा

$E_{kr}={\frac {1}{2}}I\omega ^{2}$

स्थितिज ऊर्जा

गुरुत्वीय स्थितिज ऊर्जा: $\ E_{pg}=mgh$

स्प्रिङ्गके स्थितिज ऊर्जा: (या प्रत्यास्थ ऊर्जा) $\ E_{pelastic}={\frac {kx^{2}}{2}}$

वैद्युत स्थितिज ऊर्जा: $\ E_{pelectric}={\frac {U}{q}}$

स्थितिज ऊर्जा:

= सब प्रकारके स्थितिज ऊर्जाके योग

ऊर्जाके रूपान्तरण

• विद्युत मोटर, विद्युत ऊर्जाके यान्त्रिक ऊर्जामे बदलहे ।
• विद्युत जनित्र, यान्त्रिक ऊर्जाके विद्युत ऊर्जामे बदलहे ।
• जलविद्युत संयन्त्र, ऊँचाई पर स्थित जलके स्थितिज ऊर्जाके विद्युत ऊर्जामे बदलहे ।
• अन्तर्दहन इञ्जन, रासायनिक ऊर्जाके यान्त्रिक ऊर्जामे बदलहे ।
• भाप इञ्जन, भापके ऊष्मीय ऊर्जाके गतिज ऊर्जामे बदलहे ।
• टरबाइन, कौनो गैस या द्रवके धाराके गतिज ऊर्जाके टरबाइनके रोटरके घूर्णी गतिज ऊर्जामे बदल दे हे ।

ऊर्जाके अन्य प्रकार

• रासायनिक ऊर्जा
• नाभिकीय ऊर्जा
• विद्युच्चुम्बकीय ऊर्जा

इहो देखी

• स्थितिज ऊर्जा
• गतिज ऊर्जा
• ऊर्जा संरक्षणके नियम
• तरल ऊर्जा (हाइड्रालिक ऊर्जा)
• बर्नूलीके प्रमेय
• विद्युतयान्त्रिक ऊर्जा