Wp/mag/मूलभूत कण

मूलभूत कणके मानक मोडल

भौतिकशास्त्रमे मूलभूत कण ऊ कण हे, जेकर कौनो उपसंरचना ज्ञात न हे । ई कौन कणसे मिलके बनल हे, अज्ञात हे । मूलकण ब्रह्माण्डके आधारभूत संरचना हे, समस्त ब्रह्माण्ड एहीसभ मूलभूत कणसे मिलके बनल हे । कण भौतिकशास्त्रके मानक मोडलके अनुसार क्वार्क, लेप्टोन आउ गेज बोसोन मूलभूत कण हे ।

पदार्थ कण आउ ऊर्जा कण

साधारणतया ब्रह्माण्डमे दु प्रकारके कणके कल्पना कैल गेलहे, एक "पदार्थ कण" आउ दोसर "ऊर्जा कण" । पदार्थ कण ऊ कण हे, जेकर द्रव्यमान होवहे, जे जगह छेकहे, जे पौलीके अपवर्जन सिद्धान्तके मानहे आउ ई फर्मिओन कहलाहे । एकर विपरीत, ऊर्जा कणके द्रव्यमान न होवहे, स्वाभाविक रूपसे ई जगहियो न घेरहे, नहिये ई पौलीके अपवर्जन सिद्धान्तके मानेला बाध्य हे, ई बोसोन कहलाहे ।

इहो देखी

• कण भौतिकशास्त्र
• क्वार्क
• लेप्टोन
• गेज बोसोन