Wp/mag/बिस्केक

बिश्केक Бишкек
राजधानी
आकाशरेखा आउ किर्गिज आला-तू पर्वतमाला बिस्केक नगर हाल बिस्केक मध्य मस्जिद विजय चौक आला-तू चौक
झण्डा प्रतीकचिह्न
बिश्केक किर्गिजस्तानमे अवस्थिति बिश्केक किर्गिजस्तानमे अवस्थिति
निर्देशाङ्क: 42°52′29″N 74°36′44″E
देश	किर्गिजस्तान
नगर	बिस्केक
गठन	1825
जिला	जिला बिरिञ्चि मय लेनिन अक्टूबर स्वेर्दलोव
सरकार
• राज्यपाल	ऐबक जुनुशालियेव
क्षेत्रफल
• कुल	386.0 किमी2 (149.0 वर्ग मील)
उन्नतांश	800 मी (2,600 फीट)
जनसङ्ख्या  (2023)
• कुल	११,४५,०४४
• घनत्व	2,966/किमी2 (7,683/मील2 )
समयमण्डल	युटिसि+६ (KGT)
डाक कोड	720000–720085
क्षेत्रीय सङ्केत	(+996) 312
वाहन पञ्जीकरण	B, E, 01
एचडिआइ (2021)	0.739 उच्च · प्रथम
जालस्थल	meria.kg

बिस्केक (किर्गिज: Бишкек), जेकरा पहिले पिश्पेक आउ फ्रूनजे के नामोसे जानल जा हलै, मध्य एसियाके किर्गिजस्तान देशके राजधानी आउ सबसे बड़ नगर हे । ई ऊ देशके चुय प्रदेशके रजधानियो हे । १८२५ मे कोकाण्डके उज्बेक खानत ई स्थान पर बिस्केक किलाके स्थापना कैलकै जेकरा १८६२ मे रूसी कब्जा कर लेलकै हल जे गलतीसे एकरा पिश्पेक कहकै (हालाँकि स्थानीय लोगला ई बिस्केके रहलै) । १९१३ तक एकर जनसङ्ख्या १४,००० (मुख्यरूपसे रूसी) हलै और हालाँकि ई एक जिलाके प्रशासनिक केन्द्र हल, ई मूलरूपसे एक फैलल, धूरी भरल गाँव बनल रहलै । १९२४ मे एकरा नया किर्गिज स्वायत्त ओब्लास्टी (प्रदेश) के प्रशासनिक केन्द्रके रूपमे चुनल गेलै हल । जखनि बाद वाला १९२६ मे किर्गिज स्वायत्त सोवियत समाजवादी गणराज्य बन गेलै त पिश्पेक एकर राजधानी बन गेलै आउ क्रान्तिकारी आउ लाल सेनाके नेताके नाम पर एकर नाम बदलके फ्रूनजे कर देल गेलै । मिखाइल वासिलीविच फ्रुनजेके जन्म १८८५ मे ओहैँ होलै हल । ई नगर तेजीसे एक आधुनिक नगरके रूपमे विकसित भेलै । १९९१ मे एकर नाम बदलकर बिस्केक कर देल गेलै ।

नाम आउ स्थापना

बिस्केकके नाम किर्गिजभाषाके ऊ शब्दसे उत्पन्न भेल मानल जा हे जेकरासे किर्गिजस्तानके राष्ट्रिय पेय, कूमीस (घोड़ीके दूधसे बनल शराब-युक्त लस्सी), मन्थल जा हे । वर्ष १८२५ मे चुय नदीके एक उपनदीके किनारे खोकन्दके किर्गिज एक किलाके स्थापना कैलकै । जखनि ई इलाका रूसी साम्राज्यमे सम्मिलित भेलै त बड़ीमनी रूसी लोग एहाँ आके बसलन आउ ई नगरके नाम १८६२ मे 'पिश्पेक' हो गेलै जे रूसी द्वारा 'बिस्केक' के गलत उच्चारण हलै । १९२६ मे सोवियत सङ्घ बनावेके बाद ई नगरके नाम ई इलाकामे पैदा भेल बोल्शेविक क्रान्तिकारी मिखाइल फ्रूञ्जेके नाम पर 'फ्रूञ्जे' रख देल गेलै । १९९१ मे किर्गिजस्तानके स्वतन्त्र होवेके बाद ऊ देशके संसद् ई नगरके ऐतिहासिक 'बिस्केक' नाम फिरसे बहाल कर देलकै ।

एकरो देखथिन

• कूमीस
• किर्गिज आला-तू
• चुय नदी