Wp/mag/प्रोटोन

प्राणु संरचना

प्राणु (प्रोटोन) एक धनात्मक विद्युत आवेशयुक्त मूलभूत कण हे, जे परमाणुके नाभिकमे न्यूट्रोन सङ्गे पाएल जाहे । एकरा p प्रतीक चिन्ह द्वारा दर्शावल जाहे । एकरा पर 1.0602E−19 कूलाम्बके धनावेश होवहे । एकर द्रव्यमान 1.6726E−27 किग्रा होवहे जे इलेक्ट्रोनके द्रव्यमानसे लगभग 1845 गुना अधिक हे । प्राणु तीन प्राथमिक कण, दु अप-क्वार्क आउ एक डाउन-क्वार्क, से मिलके बनल होवहे । स्वतन्त्र रूपसे ई उदजन आयन H⁺ के रूपमे पाएल जाहे । प्रोटोनके खोज रेडरफोर्ड कैलन हे ।

विवरण

प्राणुफर्मिओन होवहे, जेकर प्रचक्रण १/२ होवहे आउ ई तीन क्वार्कसे मिलके बनल होवहे अर्थात् ई बेर्योन (हेड्रोनके एगो प्रकार) के रूपमे होवहे। इनखर दु अप-क्वार्क एवं एक डाउन-क्वार्क आपिसमे सशक्त बलसे जुडल होवहे जे ग्लुओन द्वारा लागू होवहे । प्राणु आउ न्यूट्रोनके जोड़ा न्युक्लिओन कहलाहे जे कि परमाणु नाभिकमे नाभकीय बलसे आपिसमे बन्धल होवहे । उदजने एकमात्र ऐसन तत्व हे जेकर परमाणु नाभिकमे प्राणु अकेले पाएल जाहे अन्यथा अन्य सभ परमाणुके नाभिकमे प्राणु न्यूट्रोन सङ्गे पाएल जाहे । उदजन परमाणुके नाभिकमे खाली एगो प्राणु होवहे, न्यूट्रोन न होवहे । जखनिकि एकर दु भारी समस्थानिक ड्यूटेरियममे एगो प्राणु आउ एगो न्यूट्रोन एवं ट्रिटियममे एगो प्राणु आउ दुगो न्यूट्रोन होवहे ।

स्थायित्व

प्राणु, इलेक्ट्रोन (ऋणात्मक बीटा-क्षय) के अवशोषण करके न्यूट्रोनमे बदल जाहे ।

p⁺ + e^- → n^o + v_e

जने p प्राणु, e इलेक्ट्रोन, n न्यूट्रोन आउ v_e इलेक्ट्रोन न्यूट्रीनो हे ।

एकर विपरित न्यूट्रोन इलेक्ट्रोन (ऋणात्मक बीटा क्षय) के उत्सर्जन करके प्राणुमे बदल जाहे ।

n^o → p⁺ + e^- + v_e^-

प्राणुके अर्ध-आयु बड्डी लम्बा होवहे (आजके ब्रह्माण्डके आयुओसे अधिक)

इतिहास

प्रोटोन यूनानी शब्द प्रोटोस् (protos) से भेल हे जेकर अर्थ होवहे "प्रथम्" । १९२० मे रदरफोर्ड एकर नामकरण कैलन ।