Wp/mag/प्रकाशके वेग

प्रकाशके गति (speed of light) (जेकरा प्राय: c से निरूपित कैल जा हे) एक भौतिक नियताङ्क हे । निर्वातमे एकर सटीक मान २९,९७,९२,४५८ मीटर प्रति सेकेण्ड हे, जेकरा प्रायः ३ लाख किमी/सेकेण्ड कहल जा हे । वस्तुतः सब विद्युतचुम्बकीय तरङ्ग (जैसे रेडियो तरङ्ग, गामा किरण, प्रकाश आदि) समेत, गुरुत्वीय-सूचनाके वेगो एत्ते हे । चाहे प्रेक्षकके निर्देशतन्त्र कुछो होवे या प्रकाश-उत्सर्जक स्रोत कौनो वेगसे कनहुँ गति करैत होवे, हर प्रेक्षकके प्रकाशके एही वेग भेटत । कौनो वस्तु, दिक्-कालमे प्रकाशके वेगसे अधिक वेग पर गति नै कर सके ।

प्रकाशके वेगके सटीक मान निकालल एक अत्यन्त महत्वपूर्ण प्रक्रिया हे, काहेकि ई विद्युत्चुं-चुबकीय घटनाके एक अभिन्न अङ्ग हे । जेत्तो ऊर्जाके सञ्चारके कार्य हे, ओकरामे एकर प्रयोग होवहे । प्रकाशके वेग समय यात्रामे सहायक हे । आइन्स्टाइन के सापेक्षताके विशेष सिद्धान्तके अनुसार यदि प्रकाशके गतिके तुलनात्मक चाल पर गमन कैल जा हे त (गमन करेवाला पिण्डला) समय केहु स्थिर प्रेक्षकके तुलनामे भिन्न हो जा हे ।

२१ अक्टूबर १९८३ से प्रकाशके वेगके मान मीटर सहित अन्य मापकके 'कैलिब्रेट' करेला कैल जाइत हे । एकर मान निर्वातके विद्युत नियताङ्क $ε_{0}$ एवं चुम्बकीय नियताङ्क (परमिएबिलिटी) (परमिटिविटी) $μ_{0}$ से सम्बन्धित हे जे निम्नवत हे:

c = \frac{1}{\sqrt{μ_{0} ε_{0}}}

।

इतिहास

सत्राहमा शताब्दीके मध्य तक धारणा ई हल कि प्रकाशके वेग अनन्त होवहे, अर्थात् ओकरा एक स्थानसे दोसर स्थान पर पहुँचेमे कुछो समय नै लगे । गेलिलियो प्रकाके चालके नापेके प्रयास कैलन हल, किन्तु उनकर प्रयोगमे मानव-प्रतिक्रिया-कालसे होवेवाला त्रुटीके चलते ऊ प्रकाशके गति नापेमे असफल रहलन । सितम्बर १६७६ मे रोमर बतौलन कि प्रकाकाे वेग तीव्र होवके बावजूद 'परिमित' हे । बृहस्पतिके एक उपग्रह, इओ, के ग्रहणके अन्तरकालमे पृथिवीसे सम्बन्धित दूरत्वके बदलेसे होवेवाला परिवर्तनके अध्ययन करके, रोमर प्रकाशके पृथिवीके कक्षाके व्यासके पार करेमे लगेवाला कालके निकालेके बिधि सुझौलन । हालाँकि ऊ बिधिके आधार पर गणना करेवाला पहिल व्यक्ति क्रिस्चियन हुय्गेन्स हलन, जे २,१४,३०० किलोमीटर प्रति सेकेण्डके बराबर ज्ञात भेल, तैयो प्रकाशके गति निकालेवाला व्यक्तिके रूपमे रोमरेके श्रेय भेटहे । ऊ समयके वैज्ञानिक ज्ञानके देखैत ई अत्यन्त प्रशंसनीय कार्य हल ।

इहो देखी

ध्वनिके वेग

सन्दर्भ

बाहरी कड़ी

Speed of light in vacuum (National Institute of Standards and Technology, NIST)
Definition of the metre (International Bureau of Weights and Measures, BIPM)
Data Gallery: Michelson Speed of Light (Univariate Location Estimation) (download data gathered by A.A. Michelson)
Subluminal (Java applet demonstrating group velocity information limits)
De Mora Luminis at MathPages
Light discussion on adding velocities
Speed of Light (University of Colorado Department of Physics)
Usenet Physics FAQ
The Fizeau "Rapidly Rotating Toothed Wheel" Method