Wp/mag/परिधि

मोटातौर पर वृत्त आउ दीर्घवृत्तके बाहरी घेराके, आउ घेराके लम्बाईके परिधि कहल जाहे । परिधि सङ्कुचित अर्थ हे । एकर सामान्यीकरण करैत कौनो बन्द वक्रके किनाराके कुल लम्बाई (परिमाप) के 'परिधि' कहल जाहे । अर्थात् परिधि, परिमापके एक विशिष्ट अवस्था हे । तीन या अधिक सरल रेखासे घिरल कौनो बहुभुजके सभ भुजाके लम्बाईके योग परिमाप कहला हे जखनकि कौनो 'कोणरहित' बन्द वक्रके बाहरी घेराके कुल लम्बाई परिधि कहला हे । वृत्तके परिधि ज्यामितीय आउ त्रिकोणमितीय अवधाराणमे महत्वपूर्ण हे ।

वृत्तके परिधि

परिधि (C) के कोणीय चित्रण जेकरामे, व्यास (D) नील रङ्गमे, त्रिज्या अथवा अर्द्धव्यास (R) लाल रङ्गमे आउ केन्द्र अथवा मूल बिन्दु (O) मेजेण्टा रङ्गमे हे । परिधि = π × व्यास = 2 × π × त्रिज्या

वृत्तके परिधि ओकर चारो दन्नेके लम्बाई होवहे । ई कथन कौनो भौतिक वस्तुला काममे लेल जा आउ कौनो अमूर्त ज्यामितीय सरंचनोला उपयुक्त हे ।

जखनि वृत्तके त्रिज्या 1 होवे ते ओकर परिधि 2π होवहे ।

जखनि वृत्तके व्यास 1 होवे त ओकर परिधि π होवहे ।

पाइके साथे सम्बन्ध

कौनो वृत्तके परिधि गणितमे सभ गणितीय नियताङ्कमे से सबसे महत्वपूर्ण एकके सम्बद्ध करहे । नियताङ्क पाइ, यूनानी अक्षर पाइ (π) से निरुपित कैल जाहे । एकर सङ्ख्यात्मक मान 3.14159 26535 89793 ... हे आउ ई वृत्तके परिधि आउ व्यासके अनुपातके बराबर होवहे ।

परिधि $c$, व्यास $d$ आउ त्रिज्या $r$ के सम्बन्धके निम्न प्रकार लिखल जा सकहे :

${C}=\pi \cdot {d}=2\pi \cdot {r}\!$

गणितीय नियताङ्क π के गणित, अभियान्त्रिकी आउ विज्ञानमे प्रयोग सर्वव्यापी हे ।

दीर्घवृत्तके परिधि

दीर्घवृत्तके परिधिके लम्बाई लगभग $\pi {\sqrt {2(a^{2}+b^{2})}}$ के बराबर होवहे ।

$C_{\rm {ellipse}}\sim \pi {\sqrt {2(a^{2}+b^{2})}}$

हियाँ a आउ b क्रमशः दीर्घ अक्ष आउ लघु अक्षके लम्बाईके आधा हे ।

कौनो बन्द वक्रके परिधिके लम्बाई

$C=\int _{0}^{2\pi }rd\theta \$