Wp/mag/न्यू साउथ वेल्स
न्यू साउथ वेल्स (अङ्ग्रेजी: New South Wales ) आस्ट्रेलियाके पूर्वी तटे एक राज्य हे । ई उत्तरमे क्वीन्सलैण्ड, दक्षिणमे विक्टोरिया आउ पश्चिममे साउथ आस्ट्रेलियासे सीमा रखहे । एकर तट पूर्वमे कोरल आउ तस्मान सागरसे टकरा हे । आस्ट्रेलीय राजधानी क्षेत्र राज्यके भीतरे मौजूद हे । न्यू साउथ वेल्स राज्यके राजधानी सिडनी हे, जे आस्ट्रेलियाके सबसे अधिक जनसङ्ख्या वाला नगरो हे । जून २०२० मे न्यू साउथ वेल्सके जनसंख्या ८१ लाखसे अधिक हलै, जेकरासे ई आस्ट्रेलियाके सबसे अधिक जनसङ्ख्या वाला राज्य बन गेलै । राज्यके दु तिहाई जनसङ्ख्या मने ५३ लाख, बृहद् सिडनी क्षेत्रमे रहहथिन । न्यू साउथ वेल्सके निवासीके न्यू साउथ वेल्शमैन कहहथिन ।
न्यू साउथ वेल्सके कोलोनीके १७८८ मे एक ब्रिटिश दण्ड कोलोनीके रूपमे स्थापित कैस गेलै हल । एकरामे मूलरूपसे १८२५ मे १२९ रेखांश पूर्वमे स्थापित पश्चिमी सीमाके साथे आस्ट्रेलीय मुख्यभूमिके आधासे अधिक भाग शामिल हलै । कोलोनीमे तखनि न्यूजिलैण्डके द्वीप, तस्मानिया, लॉर्ड होवे द्वीप आउ नॉरफाॅक द्वीपो शामिल हलै । १९मा शताब्दी खन्नि कोलोनीके अधिकांश क्षेत्रके अलगे-अलगे ब्रिटिश उपनिवेश बनावेला अलगे कैल गेलै हल ज अन्ततः न्यूजिलैण्ड आउ आस्ट्रेलियाके विभिन्न राज्य आउ क्षेत्र बन गेलै । हालाँकि, स्वान नदी कोलोनीके न्यू साउथ वेल्सके भागके रूपमे कहियो प्रशासित नै कैल गेलै हल ।
लॉर्ड होवे द्वीप न्यू साउथ वेल्सके भाग बनल हे, जखनिकि नॉरफाॅक द्वीप एक सङ्घीय क्षेत्र बन गेलै हे । एकर राजधानी सिडनी नगर हे ।[1]
सन्दर्भ
[edit | edit source]- ↑ "संग्रहीत प्रति". मूलसे 2 मई 2015 के पुरालेखित. अभिगमन तिथि 27 मई 2015.