Wp/mag/नकुल

नकुल
नकुलके दर्शावैत १८मा शताब्दीके एक चित्रकला ।
व्यक्तिगत जानकारी
सम्बद्धता	पाण्डव आउ अश्विनी
हथियार	तलवार
परिवार	माता-पिता अश्विनीकुमार नात्स्य (पिता) माद्री (माय) पाण्डु ( आध्यात्मिक पिता) कुन्ती (सौतेली माय) भ्राता (माद्री) सहदेव अश्विन्स द्वारा (जुड़वा भाई) सौतेला भाई (कुन्ती) कर्ण सूर्य धर्मराज द्वारा युधिष्ठिर भीम वायु अर्जुन द्वारा इन्द्र बहिन शाशवथी (माद्री द्वारा)
जीवनसाथी	द्रौपदी करेनुमति
लैकन	पुत्र शतानीक द्रौपदी द्वारा निरामित्र करेनुमाती द्वारा
सम्बन्धी	कौरव (पैतृक चचेरा भाई)

नकुल महान हिन्दु काव्य महाभारतमे पाँच पाण्डवमे से एक हलन । नकुल आउ सहदेव, दुनो माता माद्रीके असमान जुड़वा पुत्र हलन, जिनकर जन्म दैवीय चिकित्सक अश्विनके वरदान स्वरूप होलै हल जे अपनहुँ समान जुड़वा बन्धु हलन ।

नकुल नामके अर्थ होवऽ है जे प्रेमसे परिपूर्ण होवे आउ ई नामके नौ पुरुष विशेषता है: बुद्धिमत्ता, सकेन्द्रित, परिश्रमी, रूपवान, स्वास्थ्य, आकर्षकता, सफलता, आदर आउ शर्त रहित प्रेम होवऽ है । महाभारतमे नकुलके चित्रण एक बड़ी रूपवान, प्रेम युक्त आउ बड़ी सुन्दर व्यक्तिके रूपमे कैल गेलै हे । अपन सुन्दरताके कारण नकुलके तुलना काम आउ प्रेमके देवता "कामदेव" से कैल गेलै हे । पाण्डवके अन्तिम आउ तेरहमा वर्षके अज्ञातवासमे नकुल अपन रूपके कौरवसे लुकावेला अपन शरीर पर धूरी लीपके लेलन । श्रीकृष्ण द्वारा नरकासुरके वध करेके पश्चात नकुल द्वारा घुड़ प्रजनन आउ प्रशिक्षणमे निपुण होवेके महाभारतमे अभिलेखाकरण है । ऊ एक योग्य पशु शल्य चिकित्सक हलै जिनका घुड़ चिकित्सामे महारथ प्राप्त हलै । अज्ञातवासके समयमे नकुल भेष बदलके आउ ग्रन्थिक नामके छद्मनामसे महाराज विराटके राजधानी उपपलव्यके घुड़शालामे शाही घोड़ाके देखभाल करे वाला सेवकके रूपमे रहलन हल । ऊ अपन तलवारबाजी आउ घोड़सवारीके कलोला विख्यात हलन । अनुश्रुतिके अनुसा ऊ वर्षामे बिना पानीके छुइले घोड़सवारी कर सकऽ हलन ।

नकुलके विवाह द्रौपदीके अतिरिक्त जरासन्ध की पुत्रियोसे होलै हल ।

जन्म आउ प्रारम्भिक वर्ष

पाण्डुके बच्चा पैदा करेमे असमर्थता (ऋषि किन्दमाके श्रापके कारण) के कारण, कुन्तीके अपन तीन लैकनके जन्म देवेला ऋषि दुर्वासा द्वारा देल वरदानके प्रयोग करे पड़लै । ऊ पाण्डुके दोसर पत्न, माद्रीके साथ वरदान साझा कैलन, जे अश्विनी कुमारके नकुल आउ सहदेवके जन्म देवेला आमन्त्रित कैलन । कुरु वंशमे नकुलके सबसे सुन्दर व्यक्तिके रूपमे जानल जा हलै ।

अपन बचपनमे नकुल अपन पिता पाण्डु आउ सतश्रृङ्ग आश्रममे शुक नामक एक साधुके अधीन तलवारबाजी आउ चाकू फेकेमे अपन कौशलमे महारत हासिल कैलन । बादमे पाण्डु अपन पत्नी माद्रीसे प्रेम करेके प्रयास करे पर अपन जान गवा देलन । बादो वाली अपन पतिके चिता (सती) मे आत्मदाह कर लेलन । ई प्रकार नकुल अपन भाईके साथ हस्तिनापुर चल गेलन जने कुन्ती उनकर पालन-पोषण कैलन । कुन्ती उनका अपन पुत्रके समान प्यार करऽ हलन ।

नकुल द्रोणके संरक्षणमे अपन तीरन्दाजी आउ तलवार चलावेके कौशलमे बड़ी सुधार कैलन । नकुल तलवार चलावे वाला निकललन । अन्य पाण्डव भाईके साथे नकुलके कुरु गुरु कृपाचार्य आउ द्रोणाचार्य द्वारा धर्म, विज्ञान, प्रशासन आउ सैन्य कलामे प्रशिक्षित कैल गेलै हल । ऊ घोड़सवारीमे विशेष रूपसे कुशल हलन ।

कौशल

• अश्व-पालन: नकुलके घोड़ाके प्रजनन आउ प्रशिक्षणके गहरा समझके महाभारतमे कृष्ण द्वारा नरकासुरके मृत्युके बाद प्रलेखित कैल गेलै हे । विराटके साथ बातचीतमे नकुल घोड़ाके सब बीमारीके इलाजके कला जानेके दावा कैलन । ऊ एक अत्यधिक कुशल सारथियो हलन ।

• आयुर्वेद: चिकित्सक, अश्विनी कुमारके पुत्र होवेके नाते, नकुलके आयुर्वेदके विशेषज्ञो मानल जा हलै ।

• तलवार चलावे वाला: नकुल एक शानदार तलवारबाज हलन आउ ऊ कुरुक्षेत्र युद्धके १८मा दिन कर्णके तीन पुत्र सुशेन, सत्यसेन आउ प्रसेनके मारित तलवारके अपन कौशल देखौलन हल ।

विवाह आउ लैकन

जखनि पाण्डव आउ उनकर माय, कुन्ती, लाक्षगृहके घटनाके बाद लुकाएल हलन, अर्जुन विवाहमे द्रौपदीके हाथ जीत लेलन । नकुल अपन भाईके साथ उनकासे बियाह कैलन आउ उनकर एक बेटा शतानिक हलै, जेकरा कुरुक्षेत्र युद्धमे अश्वत्थामा मार देलन हल ।

ऊ शिशुपालके पुत्री करेनुमातियोसे विवाह कैलन, जिनकासे उनकर एक पुत्र निरामित्र उत्पन्न होलै ।महाभारतके महान युद्धमे कर्ण निरामित्रके हत्या कर देलन हल ।

बादके जीवन आउ मृत्यु

युद्धके बाद युधिष्ठिर नकुलके उत्तरी मद्राके राजा आउ सहदेवके दक्षिणी मद्राके राजा नियुक्त कैलन ।

कलियुगके शुरुआत आउ कृष्णके जाए पर पाण्डव सेवानिवृत्त हो गेलन । पाण्डव आउ द्रौपदी अपन सब सामान आउ बन्धन त्यागके एक कुत्ताके साथ हिमालयके तीर्थ यात्राके अन्तिम यात्रा कैलन ।

युधिष्ठिरके छोड़के सब पाण्डव कमजोर हो गेलन आउ स्वर्ग पहुँचेसे पहिलहीँ उनकर मृत्यु हो गेलै । नकुल द्रौपदी आउ सहदेवके बाद गिरे वाला तीसरा व्यक्ति हलन । जखनि भीम युधिष्ठिरसे पूछलन कि नकुल काहे गिरलै, त युधिष्ठिर उत्तर देलन कि नकुलके अपन सुन्दरता पर गर्व है आउ उनकर मानल है कि लौकेमे उनकर बराबर कोई न है ।