Wp/mag/थिम्फू
थिम्फू | |
|---|---|
| ख्रोमस्दे | |
    ऊपरे बामासे: ताशीचो जोङ्ग, भूटानके राष्ट्रिय पुस्तकालय, थिम्फूके एक हवाई दृश्य, घण्टाघर चौराहाके दृश्य | |
 झण्डा | |
  थिम्फू भूटानमे थिम्फूके अवस्थिति | |
| निर्देशाङ्क: 27°28′20″N 89°38′10″E / 27.47222°N 89.63611°Eनिर्देशाङ्क: 27°28′20″N 89°38′10″E / 27.47222°N 89.63611°E | |
| देश |  भूटान |
| जिला | थिम्फू |
| गेओक | चाङ्ग |
| राजधानी रूपे स्थापित | १९५५ |
| बस्ती | १९६१ |
| नगरपालिका | २००९ |
| सरकार | |
| • ड्रुक ग्याल्को | जिग्मे खेसर नामग्याल वाङ्गचुक |
| • थ्रोमपोन | किनले दोर्जी |
| क्षेत्रफल | |
| • कुल | 26.1 किमी2 (10.1 वर्ग मील) |
| उन्नतांश | 2,320 मी (7,610 फीट) |
| जनसङ्ख्या (2017) | |
| • कुल | १,१४,५५१ |
| • घनत्व | 4,389/किमी2 (11,370/मील2) |
| समयमण्डल | युटिसि+०६:०० (भूटान समय) |
| क्षेत्रीय सङ्केत | +975-2 |
| जलवायु | Cwb |
| जालस्थल | thimphucity.bt |
थिम्फू (जोङ्खाभाषा: ཐིམ་ཕུ) पर्वतीय राष्ट्र भूटानके राजधानी आउ सबसे बड़नगर हे । ई भूटानके पश्चिमी मध्य भागे स्थित हे आउ आसपासके घाटी भूटानके जोङ्गखामे से एक थिम्फू जिला हे । १९५५ मे थिम्फूके भूटानके प्राचीन राजधानी पुनाखाके स्थान पर राजधानी बनावल गेलै हल आउ १९६१ मे भूटानके तीसरा ड्रुक ग्याल्पो जिग्मे दोरजी वाङ्गचुक थिम्फूके भूटान साम्राज्यके राजधानी घोषित कैलक हल ।
नगर रैडक नदी द्वारा बनावल घाटीके पश्चिमी तटे उत्तर-दक्षिण दिशामे फैलल हे जेकरा भूटानमे वाङ्ग चू वा थिम्फू चू के नामसे जानल जा हे । थिम्फू दुनियाके पचमा सबसे ऊँचा राजधानी हे आउ जेकर ऊँचाई २,२४८ मीटर (७,३७५ फुट) से लेके २,६४८ मीटर (८,६८८ फुट) तक हे । थिम्फूके अपन कौनो विमानस्थल नै हे आउ निकततम आउ भूटानके एकमात्र विमानस्थल एहाँसे लगभग ५४ किलोमीटरके दूरी पर पारोमे स्थित हे ।
भूटानके राजनैतिक आउ आर्थिक केन्द्रके रूपमे थिम्फू एक प्रमुख कृषि आउ पशुधन आधार हे जेकर देशके जिएनपिमे ४५% योगदान हे । पर्यटन हालाँकि अर्थव्यवस्थाके एक महत्वपूर्ण घटक हे किन्तु ओकरा कड़ाईसे विनियमित कैल जा हे जेकरासे परम्परा, विकास आउ आधुनिकीकरणके बीच सन्तुलन बनल रहे । थिम्फूमे भूटानके अधिकांश महत्वपूर्ण राजनैतिक भवन स्थित हे जेकरामे राष्ट्रिय सभा जे कि भूटानके नवगठित लोकतन्त्र प्रणालीके सदन हे आउ नगरके उत्तरमे स्थित भूटान नरेशके आधिकारिक निवास डेचनचोलिङ्ग महल सम्मिलित हे । थिम्फू "थिम्फू संरचना योजना", एक नगरी विकास योजना द्वारा समन्वित हे जे १९९८ मे घाटीके नाजुक पारिस्थितिकीके रक्षाके उद्देश्यसे विकसित भेलै हल । ई विकास विश्व बैङ्क आउ एसियाई विकास बैङ्कसे वित्तीय सहयोगके साथे चलैत हे ।
भूटानके संस्कृति पूरा तरहसे एकर साहित्य, धर्म, रीति-रिवाज, राष्ट्रिय परिधान संहिता, मठ, सङ्गीत आउ नृत्य एवं मीडियामे परिलक्षित होवहे । षेचू एक महत्वपूर्ण त्योहार हे जखनि मुखौटा नृत्य जेकरा लोकप्रिय रूपसे चाम नृत्य के नामसे जानल जा हे, थिम्फूमे ताशिचो जोङ्गके अङ्गनामे कैल जा हे । ई हर साल सितम्बर या अक्टूबरमे आयोजित होवेवाला एक चार दिवसीय त्योहार हे जे भूटानी पञ्चाङ्ग अनुसार चलहे ।
सन्दर्भ