Wp/mag/गतिविज्ञान

गतिविज्ञान (Dynamics) अनुप्रयुक्त गणितके ई शाखा पिण्डके गतिसे आउ ईसब गतिके नियमित करेवाला बलसे सम्बद्ध हे । गतिविज्ञानके दु भागमे अन्तिर्विभक्त कैल जा सकहे । पहिला शुद्धगतिविज्ञान (Kinematics), जेकरामे माप आउ यथातथ्य चित्रणके दृष्टिसे गतिके अध्ययन कैल जा हे, आउ दोसर बलगतिविज्ञान (Kinetics) अथवा वास्तविक गतिविज्ञान, जे कारण अथवा गतिनियमसे सम्बद्ध हे ।

व्यापकदृष्टिसे दुनो दृष्टिकोण सम्भव हे । पहिला गतिविज्ञानके ऐसन विज्ञानके रूपमे प्रस्तुत करहे जेकर निर्माण परीक्षणके प्रक्रिया (प्रयोग) के आधार पर तथ्योपस्थापन (आगम, अनुमान) द्वारा भेल हे । तदनुसार गतिविज्ञानमे गतिनियम युक्लिडके स्वयंसिद्धके स्थान ग्रहण करहे । दावा ई हे कि प्रयोग द्वारा ईसब नियमके परीक्षा कैल जा सकहे, किन्तु एहु निश्चित हे कि व्यावहारिक कठिनाईके कारण कौनो सैद्धान्तिक नियम यथातथ्य रूपमे प्रकाशित नै हो पावहे । ईसब नियमके प्रमाणित कर सकेमे व्यावहारिक कठिनाईके अतिरिक्त कुछ तर्कविषयको बाधा हे, जे ई स्थितिके दूषित अथवा त्रुटिपूर्ण बना दे हे । ईसब कठिनाईके परिहार कैल जा सकहे, यदि हमनी दोसर दृष्टिकोण अपनावी । उक्त दृष्टिकोणके अनुसार गतिविज्ञान शुद्ध अमूर्त विज्ञान (abstract science) हे, जेकर समस्त नियम कुछ आधारभूत कल्पनासे निकालल जा सकहे ।